Rayu

El rayu ye una poderosa descarga natural de lletricidá estático, producida mientres una nube llétrica; xenerando un "pulsu electromagnéticu". La descarga llétrica precipitada del rayu ye acompañada pola emisión de lluz (el rellampu), causada pol pasu de corriente llétrica qu'ioniza les molécules d'aire, y pol soníu del truenu, desenvueltu pola onda de choque. La lletricidá (corriente llétrica) que pasa al traviés de l'atmósfera calez y espande rápido l'aire, produciendo'l ruiu característicu del truenu. Los rayos atópense n'estáu plasmáticu.

En permediu, un rayu mide 1500 metros y el más estensu rexistróse en Texas y algamó los 190 km de llargor.^[1] Un rayu puede algamar la velocidá de 200 000 km/h. La diferencia de potencial ye mil millones de voltios con respeutu al suelu.^{[ensin referencies]} Cada añu rexístrense 16 000 000 de tormentes con rayos.^{[ensin referencies]}

Xeneralmente, los rayos prodúcense por partícules positives na tierra y negatives en nubes de desenvolvimientu vertical llamaes cumulonimbos. Cuando un cumulonimbu algama la tropopausa, les cargues positives de la nube atraen a les cargues negatives; esti movimientu de cargues al traviés de l'atmósfera constitúin los rayos. Esto produz un efeutu d'ida y vuelta; refierese a que al xubir les partícules nel intre tornen causando la visión de que los rayos baxen. Un rayu pue xenerar una potencia instantaneo de 1 gigawatt (mil millones de vatios), pudiendo ser comparable a la d'una esplosión nuclear.^[2]

La disciplina que, dientro de la meteoroloxía, estudia tolo rellacionao colos rayos denómase ceraunoloxía.^[3][4]

Referencies

1. La descarga llétrica terrestre más larga jamás detectada
2. ¿Cuánta energía descarga un rayo?
3. Aunque la pallabra ceraunología no existe en el diccionario de la RAE, es una pallabra téunica utilizada en meteorología.
4. «Definición de Ceraunología». Consultáu'l 8 de febreru de 2012.

Fontes

• Gary, C.: La foudre. "Des mythologies antiques a la recherche moderne." Paris, Jassou, ISBN 2-225-84507-7 (1994)

Enllaces esternos