Rexón histórica

L'Oriente Mediu, una macrorrexón histórica.

Una rexón histórica diz respeutu a les árees xeográfiques asociaes tradicionalmente a un pueblu, sociedá o nación con traces específiques que se manifiesten nos elementos culturales d'una zona, especialmente la llingua ya l'arquiteutura, ya cola que los sos habitantes se identifiquen en determináu tiempu históricu. L'intercambiu d'estos elementos pue o non ser un factor pal xurdimientu d'un sentíu d'identidá. En dellos casos, estes rexones puen correspondese con antiguos estaos ya ocupar una zona xeográficamente asemeyada. Son estudiaes ya analizaes al nivel del desendolque de cultures históriques ensin referise a factores contemporáneos políticos, económicos o sociales, magar qu'estos puen entamar exerciendo dalguna influencia nelles ya persistir na organización estatal o alministrativa moderna^[1]

Les definiciones del términu "rexón" puen variar ente macrorrexones, territorios d'estaos, o otres árees microrrexonales de menor dimensión. La proximidá xeográfica ye condición necesario pal xurdimientu d'una identidá rexonal.^[2] N'Europa, tán derivaes sobretou del periodu les migraciones, poro d'una perspeutiva actual, tán rellacionaes colos cambios territoriales d'ente 1918–1920 ya nel periodu pós-Guerra Fría.^[3]

Dalgunes rexones son recientes, comu l'Oriente Mediu, creáu'l 1902 por Alfred Mahan pa referise a la zona alredor del Golfu Pérsicu.^[4] Otres remonten a otros periodos héstoricos, comu Asturies. Otres entá puen tener el so orixe na antiguidá ya ser rescatades, comu Israel o la república de Macedonia. En dalgunos casos, son iguales a estaos o organizaciones polítiques antigües (ducaos o condaos).

Referências

1. p.332, V. M. Kotlyakov, A. I. Komarova (entrada 2781)
2. XIII, Tägil
3. p.82.
4. W. Lewis, Martin; y Wigen, Kären (1997). The Myth of Continents: A Critique of Metageography (n'inglês). Universidade da Califórnia, páx. 65. ISBN 0-520-20743-2.