Rho Herculis

Ficha d'oxetu celesteRho Herculis
estrella binaria[1]
Datos d'observación
Ascensión reuta (α) 260,92060052375 °[2]
Declinación (δ) 37,14594279139 °[2]
Magnitú aparente (V) 4,17 (banda V)
Constelación Hércules (es) Traducir
Velocidá radial −21 km/s[4]
Tipu espectral A0III+B9.5IVn[5]
Otros nomes
Cambiar los datos en Wikidata

Coordenaes: Sky map 17h 23m 40.944s, 37° 8′ 45.394″

Rho Herculis (ρ Her / 75 Herculis) ye una estrella doble na constelación d'Hércules. Les dos estrelles, separaes visualmente 4 segundos d'arcu, rellumen con magnitú aparente +4,56 y +5,42. Alcuéntrase a 402 años lluz de distancia del Sistema Solar.

La más brillosa del par, Rho Herculis A (HD 157779 / HR 6485), ye una xigante blancu-azulada de tipu espectral B9.5III.[6] Con una lluminosidá 251 vegaes mayor que la del Sol, un diámetru 4,8 vegaes más grande que'l de la nuesa estrella y una masa de 3,2 mases solares, paez ser más una subxigante qu'una verdadera xigante.[7] La so compañera, Rho Herculis B (HD 157778 / HR 6484), ye una estrella blanca de la secuencia principal de tipu A0V,[8] 103 vegaes más lluminosa que'l Sol, con un radiu de 3,4 radios solares y una masa de 2,9 mases solares. Anque dambes roten rápido, la velocidá de rotación de Rho Herculis B —291 km/s— ye claramente cimera a la de la so compañera —73 km/s—. La rotación más lenta d'esta postrera dexó l'espardimientu de dellos elementos, siendo considerada una estrella de siliciu. La separación real ente Rho Herculis A y Rho Herculis B ye de siquier 500 UA.[7]

Piénsase que Rho Herculis A puede tener una compañera cercana, denomada Rho Herculis Aa, de la que nada se conoz. Coles mesmes, a casi 2 minutos d'arcu, puede reparase una tenue estrella de magnitú 13, llamada Rho Herculis C; el so movimientu suxer qu'esiste una rellación física cola brillosa estrella doble. Si ello ye asina, Rho Herculis C ye una nana naranxa con una masa averada de 0,6 mases solares. El sistema tien una edá averada de 300 millones d'años.[7]

Referencies

[editar | editar la fonte]
  1. ↑ Afirmao en: Catálogo de Estrellas Dobles Washington.
  2. ↑ 2,0 2,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  3. ↑ «Sloan magnitudes for the brightest stars». Journal of the American Association of Variable Star Observers:  páxs. 443. 2014. 
  4. ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  5. ↑ «The Relation between Rotational Velocities and Spectral Peculiarities among A-Type Stars». The Astrophysical Journal Supplement Series:  páxs. 135–172. xunetu 1995. doi:10.1086/192182. 
  6. ↑ Rho Herculis A (SIMBAD)
  7. ↑ 7,0 7,1 7,2 Rho Herculis (Stars, Jim Kaler)
  8. ↑ Rho Herculis B (SIMBAD)

Coordenaes: Sky map 17h 23m 40.944s, 37° 8′ 45.394″