Ricardo Cortez

Ricardo Cortez
Vida
Nacimientu	Nueva York[1], 19 de setiembre de 1900[2]
Nacionalidá	Estaos Xuníos
Llingua materna	inglés
Muerte	Nueva York[3], 28 d'abril de 1977[2] (76 años)
Sepultura	cementeriu de Woodlawn[4]
Familia
Casáu con	Alma Rubens (1926 – 1931)
Hermanos/es	Stanley Cortez
Estudios
Estudios	DeWitt Clinton High School
Llingües falaes	inglés
Oficiu	actor, axente de bolsa, actor de cine, direutor de cine
Premios	ver Estrella del Paséu de la Fama de Hollywood
IMDb	nm0007220

Ricardo Cortez (19 de setiembre de 1900, Nueva York – 28 d'abril de 1977, Nueva York) foi un actor, axente de bolsa, actor de cine y direutor de cine d'Estaos Xuníos.

Biografía

Nació col nome de Jacob Krantz en Nueva York nel senu d'una familia xudía d'orixe austriacu y húngaru.

Trabayó en Wall Street hasta que la so guapura llevó-y hasta'l negociu del espectáculu.

Dalgún executivu de Hollywood camudó-y el nome a Cortez p'atraer a los espectadores como un latin lover (amante llatín) pa competir con actores bien populares como Rodolfo Valentino, Ramón Novarro y Antonio Moreno.

Cuando empezó a circular el rumor de que Cortez nun yera realmente llatín, los estudios trataron de faelo pasar por francés, y finalmente por vienés; de fechu la errónea creencia sobre esti últimu orixe perdura inclusive güei día.

Cortez apaeció en más de 100 películes.

En 1930 foi coprotagonista con Joan Crawford de Montana Moon.

En 1931 representó a Sam Spade na película El ferre maltés.

En 1934 coprotagonizó (con Charles Farrell y Bette Davis) en The Big Shakedown in 1934.

En 1936 tamién representó a Perry Mason en El casu del gatu negru.

Anque empezó la so carrera en papeles románticos con actrices como Greta Garbo, cuando apaeció'l cine sonoru, la so presencia y el so acentu neoyorquín volver ideal pa los papeles de villanu, y pasó de símbolu sexual a actor de calter.

Cortez casóse cola actriz de cine mudu Alma Rubens hasta qu'ella finó de neumonía en 1931.

Cuando se retiró del cine, foi trabayar como corredor de bolsa en Wall Street. Finó en Nueva York en 1977 y foi soterráu nel campusantu Woodlawn, nel Bronx.

Yera hermanu mayor del notable cineasta Stanley Cortez (Stanislaus Krantz).

Referencies

1. Afirmao en: Gemeinsame Normdatei. Data de consulta: 22 avientu 2014. Llingua de la obra o nome: alemán. Autor: Biblioteca Nacional d'Alemaña.
2. Afirmao en: Gemeinsame Normdatei. Identificador GND: 1013862333. Data de consulta: 17 ochobre 2015. Llingua de la obra o nome: alemán. Autor: Biblioteca Nacional d'Alemaña.
3. Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
4. Afirmao en: Find a Grave. Data de consulta: 1r xunetu 2024. Llingua de la obra o nome: inglés.

Enllaces esternos

• Ricardo Cortez na Internet Movie Database (n'inglés)
• Film.Virtual-History.com (fotografíes de Ricardo Cortez).