Süddeutsche Zeitung | |
---|---|
Datos | |
Tipu | diariu |
Fundación | 6 d'ochobre de 1945 |
Intervalu | 1 día |
Idioma | alemán |
Estáu | Alemaña |
Sede | Munich |
Llugar de publicación | Munich |
Editorial | Süddeutscher Verlag (en) |
Formatu | periódicu de gran formatu |
Posición política | sociolliberalismu |
Páxina web | sueddeutsche.de y sz.de |
El Süddeutsche Zeitung (n'alemán Periódicu suralemán, abreviáu SZ) ye un periódicu diariu d'abonu alemán y suprarrexonal. Edítase na editorial Süddeutsche Verlag en Múnich dende que la Information Control Division del poder d'ocupación americanu-yos concedió la llicencia d'impresión nel añu 1945. La tirada a la venta cuenta con 357.918 exemplares. Dende'l 29 de febreru de 2008 Süddeutsche Verlag pertenez nun 81,25% a Südwestdeutschen Medien Holding (SWMH) con sede en Stuttgart.
El SZ vese como'l socesor del Münchner Neuesten Nachrichten (Últimes noticies de Múnich), publicáu ente 1848 y 1945. La primera publicación foi'l 6 d'ochobre de 1945 baxo la llicencia nᵁ 1 del control de noticies del gobiernu militar del este pol preciu de 20 peniques. Esto significa qu'esti diariu formaba parte de la prensa con llicencia na Alemaña ocupada de posguerra (vid. Lizenzpresse). La primera llicencia pa espublizar un periódicu en Baviera dióse-y a August Schwingenstein, Edmund Goldschagg y Franz Josef Schöningh. El cuartu en recibir una llicencia foi Wermer Friedmann en 1946, que foi xefe redactor del SZ de 1951 a 1960.
Conforme al so estatutu propiu, SZ aspira a "formes de sociedá democrátiques y de llibertá según principios lliberales y sociales".[1] Suel describise como d'izquierda moderada.[2]
Süddeutsche Zeitung considérase ente los periodistes ún de los medios de referencia alemanes que dan forma y marquen la comunicación y vida pública.
Ranking | Encuesta periodística de 1993 de Jürgen Wilke [3] | Encuesta periodística de 2005 de Siegfried Weischenberg [4] |
---|---|---|
1 | Der Spiegel (66,7%) | Süddeutsche Zeitung (35%) |
2 | Süddeutsche Zeitung (46,5%) | Der Spiegel (34%) |
3 | Stern (37,1%) | Frankfurter Allgemeine Zeitung (15%) |
4 | Frankfurter Allgemeine Zeitung (36,2%) | Die Zeit (11%) |
5 | Die Zeit (34,4%) | Bild (10%) |