Salmo (xéneru)

Salmo;
Clasificación científica
Dominiu:	Eukaryota
Reinu:	Animalia
Filu:	Chordata
Subfilu:	Vertebrata
Clas:	Actinopterygii
Superorde:	Protacanthopterygii
Orde:	Salmoniformes
Familia:	Salmonidae
Subfamilia:	Salmoninae
Xéneru:	Salmo; Linnaeus, 1758
Especies
	ver testu
Sinonimia
	Acantholingua (Hadzisce, 1960); Salmothymus (Berg, 1908)
Consultes
	[editar datos en Wikidata]

Salmón (Salmo spp.) ye'l nome común de delles especies de pexes de la familia Salmonidae. Les truches pertenecen a la mesma familia. Los salmones viven nos océanos Pacíficu y Atlánticu.

Los salmones son anádromos: ñacen n'agües dulces, migren al océanu y tornen a les agües dulces pa procrear. Atribúise-yos la capacidá de tornar al mesmu sitiu au ñacieren pa reproducise y los estudios recientes amosen que a lo menos un 90% de los salmones que resalven una corriente nacieron n'ella. Nun se sabe cómo s'alden, pero pue que'l finu sen del olfatu reconoza la química del so ríu natal.

El Salmón n'Asturies

Los ríos salmoneros n'Asturies son el ríu Sella, y el Narcea. Anguaño, namái n'Asturies, pésquense más salmones qu'en tola península Ibérica. N'otra dómina el númberu de captures n'Asturies yera descomanada. Les fontes apunten a que nel sieglu XVIII capturábense en Ribeseya, demientres la costera más de 12.000 salmones, cola particularidá de qu'entós llamentábense les autoridaes de Marina y el Gremiu de Mareantes, pola decadencia que s'albidraba nos ríos. Esta decadencia siguió medrando: en 1824 namái se pescaron 1.500 exemplares, cifra a la que nun se llegó postreramente demientres munchos años, namái en rares ocasiones.

Esisten dellos documentos nos que'l cotarru vecinal de San Pedro de Villanueva, nel conceyu de Cangues d'Onís, pautaben facer dellos servicios al cenobiu benedictín pero con condiciones, una de les cuales yera que nun-yos daríen salmón na comida más de dos vegaes per selmana. Condiciones asemeyaes imponíen los obreros que trabayaben n'otres villes ribereñes, como La Pola de Llaviana o Cangas del Narcea

Como comida

El salmón ye un alimentu habitual y razonablemente sanu pol so altu conteníu en proteínes, ácidos grasos omega-3, y rellativamente baxu conteníu en grasa.

Según informes de la revista Science los salmones de criaderu puen tener altos conteníos de dioxines. Los niveles de PCB (Bifeníl Policlorináu) puen ser hasta 8 vegaes más altos nos criaos que nos xabaces y el conteníu n'Omega-3 pue ser menor. Pese a esto, l'autoridá d'alimentación Británica (FSA) recomienda'l consumu, inclusive de salmón criáu darréu que los sos beneficios superen los riesgos. Per otra parte, el salmón ye ún de los pescaos menos afeutaos pol mercuriu.

El salmón afumáu ye una de les preparaciones más comunes. Magar que dende que se cría ye tamién avezao tomalu frescu, enantes de la so crianza na piscicultura yera un artículu de lluxu. Otra preparación frecuente ye'l salmón marináu.

Especies

Esisten les siguientes especies válides nesti xéneru:

Salmo abanticus Tortonese, 1954
Salmo akairos Delling y Doadrio, 2005 - trucha del llagu Ifni.
Salmo aphelios Kottelat, 1997
Salmo balcanicus (Karaman, 1927)
Salmo carpio Linnaeus, 1758 - carpione del llagu de Garda.
Salmo caspius Kessler, 1877 - trucha del Mar Caspiu.
Salmo cenerinus Nardo, 1847
Salmo cettii Rafinesque, 1810 - trucha del mar Tirreno.
Salmo chilo Turan, Kottelat y Engin, 2012
Salmo ciscaucasicus Dorofeeva, 1967
Salmo coruhensis Turan, Kottelat y Engin, 2010^[1]
Salmo dentex (Heckel, 1851)
Salmo ezenami Berg, 1948
Salmo farioides Karaman, 1938
Salmo ferox Jardine, 1835
Salmo fibreni Zerunian y Gandolfi, 1990 - carpione del llagu Fibreno.
Salmo ischchan Kessler, 1877 - trucha del llagu Sevan.
Salmo kottelati Turan, Doğan, Kaya, & Kanyılmaz, 2014 - trucha del río Alakir
Salmo labrax Pallas, 1814 - salmón del mar Negro.
Salmo letnica (Karaman, 1924) - trucha del llagu Ohrid.
Salmo lourosensis Delling, 2011 - trucha del río Louros
Salmo lumi Poljakov, Filipi y Basho, 1958
Salmo macedonicus (Karaman, 1924)
Salmo macrostigma (Duméril, 1858)
Salmo marmoratus Cuvier, 1829 - trucha marmórea.
Salmo montenigrinus (Karaman, 1933)
Salmo nigripinnis Günther, 1866
Salmo obtusirostris (Heckel, 1851) - trucha del mar Adriáticu.
Salmo ohridanus Steindachner, 1892
Salmo opimus Turan, Kottelat y Engin, 2012
† Salmo pallaryi Pellegrin, 1924
Salmo pelagonicus Karaman, 1938
Salmo peristericus Karaman, 1938
Salmo platycephalus Behnke, 1968 - trucha de Turquía.
Salmo rhodanensis Fowler, 1974
Salmo rizeensis Turan, Kottelat y Engin, 2010^[1]
Salmo salar Linnaeus, 1758 - salmón común, salmón del Atlánticu o salmón de llagu.
Salmo schiefermuelleri Bloch, 1784
Salmo stomachicus Günther, 1866
Salmo taleri (Karaman, 1933)
Salmo tigridis Turan, Kottelat & Bekta, 2011
Salmo trutta Linnaeus, 1758 - trucha común, con las siguientes subespecies:
- Salmo trutta aralensis (Berg, 1908) - trucha del mar d'Aral.
- Salmo trutta fario (Linnaeus, 1758) - trucha fario.
- Salmo trutta lacustris (Linnaeus, 1758) - trucha de llagu.
- Salmo trutta macrostigma (Duméril, 1858) - trucha de Córcega.
- Salmo trutta oxianus (Kessler, 1874)
- Salmo trutta trutta (Linnaeus, 1758) - trucha europea o trucha marina.
Salmo visovacensis Taler, 1950
Salmo zrmanjaensis Karaman, 1938

Especies atlántiques

Salmo salar, salmón común o cenciellamente salmón ye la especie tipu. Medra nos ríos d'Europa occidental, dende'l norte de Portugal hasta l'árticu: Noruega, Islandia, Groenlandia y la costa este d'América del Norte, dende Connecticut n Estaos Xuníos d'América hasta la península del Llabrador na estaya ártica de Canadá. Cuando ta nel mar suel alcontrase nes agües qu'arrodien Groenlandia.

Otra especie atlántica, Salmo trutta, suel clasificase como trucha, pese a ser un pariente más averáu del salmón atlánticu que nenguna de les especies del Pacíficu.

Ver tamién

Referencies

↑ ^1,0 ^1,1 Turan, D., Kottelat, M. y Engin, S., 2009. "Two new species of trouts, resident and migratory, sympatric in streams of northern Anatolia (Salmoniformes: Salmonidae)". Ichthyol. Explor. Freshwaters, Vol. 20, No. 4, páxs.333-364

Enllaces esternos

[Turan-1] 1,0 ^1,1 Turan, D., Kottelat, M. y Engin, S., 2009. "Two new species of trouts, resident and migratory, sympatric in streams of northern Anatolia (Salmoniformes: Salmonidae)". Ichthyol. Explor. Freshwaters, Vol. 20, No. 4, páxs.333-364

[1]