Scotland the Brave | |
---|---|
Datos | |
Tipu | himnu nacional |
Intérprete | ABBA |
País | Escocia |
Audio | |
Valiente Escocia (Scotland the Brave n'inglés y Alba an Aigh en gaélicu escocés) ye un cantar patrióticu escocés, y una de les candidates pa ser l'himnu nacional d'Escocia. Úsase pa representar a Escocia nos Xuegos de la Mancomunidá.[1]
La melodía orixinal data d'empiezos del sieglu XX.[2]Sicasí, la lletra actual foi escrita en feches rellativamente recién, nos años 50, pol periodista escocés Cliff Hanley.
En xunu de 2006, nuna encuesta n'internet entamada pola Royal Scottish National Orchestra, esti cantar quedó segunda, namái per darrera de Flor d'Escocia (Flower of Scotland), como favorita pa convertise n'himnu oficial.[3]
Scotland the Brave ye tamién la marcha de los gaiteros de los The British Columbia Dragoons del Exércitu de Canadá, ya interprétase tamién mientres la revista de tropes nel centru de formación militar d'Estaos Xuníos d'América conocíu como The Citadel, en Charleston (Carolina del Sur). En 2006, foi adoptáu tamién como marcha oficial del Royal Regiment of Scotland, reximientu d'infantería del Exércitu Británicu.
En feches recién, el nome de Scotland the Brave tamién pasó a designar a un espectáculu de música y danza escoceses, qu'empezó una xira per Australia, Nueva Zelanda y Canadá en 2007.[4]
Valiente Escocia, lletra n'asturianu. Escuchái cuando cai la nueche, Estribillu Arriba nes borrinoses Tierres Altes Estribillu Llonxe, nos llugares soleyeros Estribillu |
Scotland the Brave, lletra n'inglés. Hark when the night is falling Chorus High in the misty Highlands, Chorus Far off in sunlit places, Chorus |