Tikopia

Tikopia
Situación
Reinos	Islles Salomón
Provincia ^(es)	Temotu ^(es)
Tipu	islla
Parte de	Islles Santa Cruz
Asitiáu en	Océanu Pacíficu
Coordenaes	12°17′47″S 168°49′55″E / 12.2964°S 168.8319°E / -12.2964; 168.8319
Tikopia Tikopia (Islles Salomón)
Datos
Superficie	5 km²
Población	1062
Fusu horariu	UTC+11:00
Llonxitú	3,8 km

Tikopia ye una islla volcánica nel suroeste del Océanu Pacíficu. Forma parte del estáu nacional melanesiu de les Islles Salomón, pero ye culturalmente polinesia. Los primeros europeos llegaron el 22 d'abril de 1606 como parte de la espedición española de Pedro Fernández de Quirós.^[1]

Llocalización y xeografía

Con una superficie de 5 quilómetros cuadraos, la islla ye'l remanente d'un volcán estintu. El so puntu más altu, el monte Reani, algama una elevación de 380 m sobro'l nivel del mar. El llagu Te Roto cubre un vieyu cráter volcánicu que tien 80 metros de fondura.^[2]

L'allugamientu de Tikopia ye relativamente remotu. A vegaes ta agrupada coles Islles Santa Cruz. Alministrativamente, Tikopia pertenez a la provincia de Temotucomo, la más meridional de les Islles Salomón. Dellos alderiques de la sociedá tikopiana inclúin al so vecín más cercanu, la islla entá más pequeña d'Anuta.

Historia como una esceición en Polinesia

Pese a tar allugada en Melanesia, la xente de Tikopia ye culturalmente polinesia. El so idioma, el tikopianu, ye miembru de la rama samoica de les llingües polinesies. L'analís llingüísticu indica que Tikopia foi colonizada por marineros polinesios, na so mayoría de les islles Ellice (Tuvalu).

La dómina de la migración nun se conoz con precisión, pero entiéndese como dalgún momentu ente'l sieglu X y mediaos del sieglu XIII.^[3] La llegada de los viaxeros a Anuta podría asoceder más tarde. El patrón d'asentamientu que se cree qu'asocedió ye que los polinesios estendiéronse dende Tonga y otres islles del Pacíficu central y sureste.^[4] Nos tiempos preeuropeos hubo frecuentes viaxes en canoa ente les islles, yá que les habilidaes de navegación polinesies permitíen viaxes deliberados en canoes de doble cascu o canoes. Los viaxeros treslladáronse a los atolones de Tuvalu como un trampolín pa la migración a les comunidaes de la Polinesia en Melanesia y Micronesia.^[5][6][7]

Na mitoloxía tikopiana, Atua Fafine y Atua I Raropuka son dioses creadores y Atua I Kafika ye'l dios supremu del cielu.

Tikopia y recuadru que muestra la so posición.

Un mapa antiguu de Tikopia de la década de 1940.

Demografía

La población de Tikopia ye de 1062 habitantes, distribuyíos ente más de 20 aldegues na so mayoría a lo llargo de la mariña. El pueblu más grande ye Matautu na mariña oeste (nun confundir con Mata-Utu, la capital de Wallis y Futuna). Históricamente, la pequeña islla tenía una población d'alta densidá d'un millar o más. Los controles sociales estrictos sobre la reproducción torgaron un mayor aumentu.^[8]

Los tikopianos prautiquen un sistema intensivu d'agricultura (que foi comparáu a la permacultura), similar en principiu a la xardinería forestal y a los xardinos de les tierres altes de Nueva Guinea. Les sos práctiques agrícoles tán fuerte y conscientemente venceyaes a la densidá de población.^[2] Por casu, alredor del añu 1600, la xente aceptó matar a tolos gochos de la islla, y sustituyéronlos pola pesca, porque los gochos consumíen demasiada comida que podía ser comida pola xente.^[2] Los tikopianos desenvolvieron rituales y construcciones figuratives rellacionaes coles práctiques de pesca.^[9]

A diferencia de la sociedá rápidamente occidentalizada de gran parte del restu de la provincia de Temotu, la sociedá Tikopia tien cambiao poco dende los tiempos antiguos. El so pueblu tien un gran arguyu de les sos costumes y caltienen les sos tradiciones polinesies, ente que consideren que los melanesios que los arrodiaben perdieron la mayoría d'elles.^[10] La islla ta controlada por cuatro xefes (ariki) Kafika, Tafua, Taumako y Fangarere, con Kafika reconocíu como'l primeru ente iguales.^[11]

Los tikopianos tienen una cultura altamente desenvuelta con una fuerte influencia polinesiana, incluyendo una estructura social complexa.^[2]

Trabayu de campu sobre Tikopia de Raymond Firth

L'antropólogu neozelandés Raymond Firth, que vivió en Tikopia ente 1928 y 1929, detalló la so vida social. Demostró cómo la sociedá foi estremada xeográficamente en dos zones y foi organizada en cuatro clanes, encabezaos por xefes de clanes.^[2] El nucleu de la vida social yera te paito, la casa heredada de los antepasaos masculinos (patrillinial), que fueron soterraos dientro d'ella. Les rellaciones col grupu familiar de la madre (rellaciones matrillateral) tamién yeren bien importantes. Les rellaciones ente l'hermanu d'una madre y el so sobrín teníen una dimensión sagrada: el tíu supervisó'l pasu del so sobrín al traviés de la vida, en particular, oficiando nes ceremonies de masculinidá. Los complexos venceyos económicos y rituales ente cases paito y la deferencia a los xefes dientro de la organización de clan fueron dimensiones claves de la vida de la islla.

Raymond Firth, que fixo'l so estudiu antropolóxicu de posgráu con Bronislaw Malinowski en 1924, especula sobre les formes en que'l control de la población pudo algamase, incluyendo'l celibatu, la guerra (incluyendo la espulsión), l'infanticidiu y el viaxe marín (que reclamó munchos mozos). El llibru de Firth, Tikopia Ritual and Belief (1967, London, George Allen & Unwin) sigue siendo una fonte importante pal estudiu de la cultura Tikopia.

Cristianismu

La Misión Anglicana Melanesiana fixo contactu per primer vegada con Tikopia en 1858. Nun se dexó establecese na islla a nengún maestru de la misión hasta 1907.^[2][10] La conversión al cristianismu de la población total nun asocedió hasta la década de 1950.^[10] Alministrativamente, Tikopia ye parte de la Ilesia Anglicana de la Diócesis de Temotu de Melanesia.

La introducción del cristianismu resultó na prohibición del control tradicional de la natalidá, lo que tuvo la consecuencia d'un aumentu del 50% de la población: 1.200 en 1920 a 1.800 en 1950. L'aumentu de la población dio llugar a la migración a otros llugares de les Islles Salomón, incluyendo l'asentamientu de Nukukaisi en Makira.

La planificación familiar ye daqué estrictu dafechu na islla, al puntu de que namás al fíu mayor de cada familia déxase-y tener descendencia, previénense los embaranzos ensin deseyar y cuando asoceden, estos fetos son albortaos. Amás los padres vuélvense célibes asina'l so fíu mayor ta n'edá pa casase.

Naufraxu

En Tikopia en 1964, los esploradores atoparon restos del naufraxu de la espedición de Jean-François de Galaup, conde de Lapérouse.

Ciclón Zoe

El ciclón Zoe n'avientu de 2002 afaró la vexetación y los asentamientos humanos en Tikopia.^[12][13] A pesar de los estensos daños, nun se reportaron muertes, yá que los isleños siguieron les sos tradiciones y abellugáronse nes cueves de la zona más alta. El estrechu riberu que dixebraba la llaguna d'agua duce del mar foi rotu pola tormenta, resultando na contaminación continua de la llaguna y l'amenaza de la muerte de les palmes de Sago de les que los isleños dependen pa la so supervivencia.^[13] Un notable esfuerzu internacional de "amigos de" la islla, incluyendo munches tripulaciones de yate que tuvieron contactu con Tikopia a lo llargo de les décades, remató na construcción en 2006 d'una presa de Gabión pa sellar la rotura.^[13]

Significáu cultural

El llibru de Jared Diamond Collapse describe Tikopia como un casu d'ésitu na composición de los desafíos de la sostenibilidá, contrastándolo cola Islla de Pascua.

Tikopia nos medios de comunicación

En 2009 una canoa doble siguiendo de cerca'l diseñu orixinal de les tradicionales canoes de Tikopia foi donada a la islla, como tamién a la islla hermana de Tikopia, Anuta, col fin de dar a les islles el so propiu tresporte marítimu independiente. Esta canoa llamada 'Lapita Tikopia' y la so hermana 'Lapita Anuta' fueron construyíes nes Filipines en 2008 y zarparon a Tikopia y Anuta nun viaxe de 5 meses siguiendo l'antigua ruta de migración del pueblu Lapita al Pacíficu. Esti viaxe llamóse'l "Viaxe de Lapita". El so conceutu orixinal (por Hanneke Boon de James Wharram Designs) de donar una canoa tal foi publicáu per primer vegada en 2005 nun proyectu llamáu 'A Voyaging Canoe for Tikopia' col fin de recaldar dineru pa la construcción de les canoes. El proyectu foi filmáu y ta disponible en DVD.

En 2013 una madre y un padre noruegu llevaron a los sos dos fíos y un sobrín a Tikopia y vivieron ellí mientres 6 meses. Una tripulación de cine siguió y una serie infantil de 13 episodios foi realizada de les esperiencies familiares y la estancia, centrándose principalmente nes esperiencies de la fía pequeña de la familia noruega, Ivi, colos neños llocales, la escuela llocal, el xefe Tafua y la so familia, etc. La serie foi emitida na canal de televisión NRK Super.^[14]

N'ochobre de 2018, el rei de la islla, Ti Namo, fixo la so primer visita al mundu occidental pa compartir les sos esmoliciones sobre'l cambéu climáticu na so islla. Viaxó a Grenoble en Francia, onde presentó'l so documental Nous Tikopia enantes d'un llanzamientu nacional el 7 de payares, y declaró a la prensa: "Antes, sufríemos un ciclón cada diez años. Anguaño ye cada dos años".^[15]

Ver tamién

• Oceanía

Bibliografía

• Baldwin, James, Across Islands and Oceans, especialmente capítulu 8. Tikopia Unspoilt (Amazon Kindle Book)
• Firth, Raymond (2004), We the Tikopia, London 
• Firth, Raymond, The Work of the Gods in Tikopia, Melbourne: Melbourne University Press (1940, 1967)
• Firth, Raymond, SOCIAL CHANGE IN TIKOPIA. Re-estudy of a Polynesian Community after a Generation, London: Allen and Unwin. 1959, 360 páxines
• Firth, Raymond (2006) Tikopia Songs: Poetic and Musical Art of a Polynesian People of the Solomon Islands.
• Kirch, Patrick Vinton (1981), Nonmarine mollusks from archaeological sites on Tikopia, southeastern Solomon Island 
• Kirch, Patrick Vinton (1982), Tikopia; The Prehistory and Ecology of a Polynesian Outlier, Honolulu, Hawaii 
• Kirch, Patrick Vinton (1983), Mangaasi-style ceramics from Tikopia and Vanikoro and their implications for east Melanesian prehistory 
• Kirch, Patrick Vinton (1986), Tikopia: tracing the prehistory of a Polynesian culture 
• Kirch, Patrick Vinton (1986), Exchange systems and inter-island contact in the transformation of an island society: The Tikopia case 
• Kirch, Patrick Vinton (1990), Extinction, biogeography, and human exploitation of birds on Anuta and Tikopia, Solomon Islands, Honolulu, Hawaii 
• Kirch, Patrick Vinton (1996), Tikopia social space revisited 
• Macdonald, Judith (2000) Ethnographic Artifacts: Challenges to a Reflexive Anthropology.
• Macdonald, Judith (2003) Volume 2, Encyclopedia of Sex and Gender: Men and Women in the World's Cultures.

Referencies

1. Kelly, Celsus, O.F.M. La Austrialia del Espiritu Santo. The Journal of Fray Martín de Munilla O.F.M. and other documents relating to the Voyage of Pedro Fernández de Quirós to the South Sea (1605-1606) and the Franciscan Missionary Plan (1617-1627) Cambridge, 1966, p.39, 62.
2. «Tikopia», Tikopia, http://www.solomonencyclopaedia.net/biogs/E000310b.htm, consultáu'l 18 May 2015 
3. Field Notes on the Culture of Vaitupu, Ellice Islands. 1929.  páxs. 2–5. 
4. Bellwood, Peter (1987) The Polynesians – Prehistory of an Island People.
5. Bellwood, Peter (1987) The Polynesians – Prehistory of an Island People.
6. Bayard, D.T. (1976) The Cultural Relationships of the Polynesian Outiers.
7. The Polynesian Outiers. 1984.  páxs. 224–238. 
8. Resture. «Tikopia». Solomon Islands. Archiváu dende l'orixinal, el 19 February 2015. Consultáu'l 18 May 2015.
9. Figuration and symbolism in Tikopia fishing and fish use. 
10. Macdonald, Judith (2000) Ethnographic Artifacts: Challenges to a Reflexive Anthropology.
11. Macdonald, Judith (2003) Volume 2, Encyclopedia of Sex and Gender: Men and Women in the World's Cultures.
12. «Tikopia project». help save a civilization. Archiváu dende l'orixinal, el 21 June 2013. Consultáu'l 18 May 2015.
13. Baldwin. «Excerpt from the book 'Across Islands and Oceans'». Tikopia Island: A little-known outpost of traditional culture in the South Pacific. Archiváu dende l'orixinal, el 2015-07-13. Consultáu'l 18 May 2015.
14. «NRK Super TV - Flaskepost fra Stillehavet». tv.nrksuper.no. Consultáu'l 16 April 2018.
15. «Le roi de Tikopia en visite à Grenoble» (francés). francebleu.fr (28 October 2018). Consultáu'l 31 October 2018.

Enllaces esternos

• Wikimedia Commons acueye conteníu multimedia sobre Tikopia.