Titán (mitoloxía)

Titán
Información
[editar datos en Wikidata]

Esti artículu forma parte de la serie Mitoloxía griega

Dioses

Divinidaes primordiales Dioses ctónicos Titanes Dioses olímpicos Divinidaes alegóriques

1ª Xeneración de Titanes: Océanu Ceu Críu Hiperión Xapetu Cronos Febe Mnemósine Rea Temis Tetis Tea Dione 2ª Xeneración de Titanes: Oceánidos Oceánides Helios Selene Eos Prometéu Epimetéu Atlas Meneciu

Na mitoloxía griega los titanes y les titánides tán ente los dioses que llucharon escontra Zeus y los dioses olímpicos. Pa munchos historiadores y mitólogos esta llucha representa la convulsión social d'una dómina d'invasiones d'unos pueblos nuevos sobre otros antigos.

Como en casi tolo referente a la mitoloxía griega, la fonte más emplegada y conocida ye la Teogonía d'Hesiodu, anque nesti casu tamién hai referencies a la Titanomaquia de Tamiris. Poro, anque había notables diferencies ente les fontes, davezu úsase la Teogonía pa la conocencia de los titanes na relixosidá griega antigua.

Fálase normalmente de que dos xeneraciones de titanes, los primixenios o descendientes d'Uranu y Gaia y los fíos d'aquellos. Los fíos de Gaia fueron soterraos por Uranu al ver lo terrible que yera la so descendencia, pero la madre alentó a Cronos que se rebelara y ésti, aidáu polos Cíclopes y los Hecatónquiros, venció al padre, a quien castró y asesinó, reinando dempués él cola hermana y esposa Rea.

La primer xeneración de titanes

• Titanes
  • Océanu, el ríu qu'arrodiaba'l mundiu.
  • Ceu, la intelixencia.
  • Críu, maríu d'Euribia (fía de Pontu y pá de Palas.
  • Hiperión, el fueu astral, pá d'Heliu, Selene y Eos
  • Xapetu, maríu de Clímene (fía d'Océanu) y pá de Prometéu, ancestru de la raza humana.
  • Cronos, el Tiempu, destronóu a Uranu y reinó ente los Titanes. Foi'l pá de los Dioses Olímpicos.
• Titánides:
  • Febe, la de la corona d'oru, ma de Leto y Asteria.
  • Mnemósine, la Memoria y ma de las Musas.
  • Rea, reina de los dioses con Cronos y ma de los principales dioses olímpicos.
  • Temis, l'Orde diví, las lleis y los vezos. Mai de las Horas (mitoloxía).
  • Tetis, la Mare y ma de los grandes ríos.
  • Tea, ma d'Heliu, Selene y Eos
  • Dione, anque nun ye una titánida clásica son munches les fontes que la inclúin como la númberu trelce frañiendo asina la continuidá d'esa cifra na mitoloxía griega.

Segunda xeneración de titanes

Cabeza d'un titán nel muséu arqueolóxicu d'Atenes.

Dao que'l casamientu ente hermanos yera daqué corriente na mitoloxía griega, dellos titanes y titánides xuniéronse creando una segunda xeneración de titanes.

• Océanu y Tetis:
  • les ninfes, les Oceánidess, los ríos y los manantiales.
• Hiperión y Tea:
  • El Sol, la Lluna y l'Aurora.
• Ceu y Febe tuvieron como fíos a:
  • Leto y Asteria.
• Cronos y Rea que yeren la pareya más importante, rexíen a los otros titanes tuvieron los seis principales dioses olímpicos:
  • Hestia.
  • Hera.
  • Hades.
  • Deméter.
  • Poseidón.
  • Zeus.
• Los fíos de Xapetu:
  • Prometeu.
  • Epimeteu.
  • Atlas.
  • Meneciu.

Referencies

Enllaces esternos

• Wikimedia Commons acueye conteníu multimedia sobre Titán.