Vincetoxicum hirundinaria

Vincetoxicum hirundinaria mardieza
Clasificación científica
Reinu:	Plantae
Subreinu:	Tracheobionta
División:	Magnoliophyta
Clas:	Magnoliopsida
Subclas:	Asteridae
Orde:	Gentianales
Familia:	Apocynaceae
Subfamilia:	Asclepiadoideae
Tribu:	Asclepiadeae
Subtribu:	Tylophorinae
Xéneru:	Vincetoxicum
Especie:	V. hirundinaria Medik.
Consultes
Royal Botanic Gardens, Kew	Royal Botanic Gardens, Kew
World Flora Online	World Flora online
[editar datos en Wikidata]

Vincetoxicum hirundinaria

La mardieza^[1] (Vincetoxicum hirundinaria) ye una especies de la familia de les asclepiadácees.

Calteres

Erecta, casi glabra, de cutiu perenne retorcida d'hasta 120 cm. Fueyes llargamente ovaes a llargamente llanceolaes agudes, peloses en nervios y márxenes per debaxo. Flores blanques o marielles, de 3-10 mm de diámetru, nuna inflorescencia laxa de parte cimera bastante palna. Lóbulos corolinos 5, ovaos, carnosos, con escames membranoses 2/3 la llongura de los lóbulos. El frutu ye un par de folículos fusiformes. Especie bien variable. Floria a final de primavera y nel branu.

Hábitat

Montes, maleces, riberes seques, turries cascayoses, meyor en suelos caliares.

Distribución

Gran parte d'Europa, sacante Islandia, Gran Bretaña ya Irlanda.

Propiedaes

Principios activos

Contién alcaloides, acedu clorogénico y acedu sinápico, flavonoides y cetonas terpénicas. Heterósidos ésteres como la vincetoxina (paecida a la condurangina). Tamién contién almidón.^[2]

Virtúes melecinales

Ye diurética, suduífica, expectorante y depurativa. Tomada en grandes cantidaes ye tóxica y provoca vultures y fories.

Taxonomía

Nome común

Esta especie ye conocida nel dominiu llingüísticu asturlleonés col nome común mardieza^[1].

Sinonimia

^[3][4]

• Antitoxicum laxum (Bartl.) Pobed.
• Antitoxicum officinale Pobed.
• Asclepias vincetoxicum L.
• Cynanchum laxum Bartl.
• Cynanchum luteum (Miller) Steudel
• Cynanchum vincetoxicum var. vincetoxicum
• Cynanchum vincetoxicum (L.) Pers.
• Vincetoxicum laxum (Bartl.) C.Koch
• Vincetoxicum ruscinonense Timb.-Lagr.

Referencies

1. URL de la referencia: http://www.sabencia.net/nomenclator.php.
2. Dr. Berdonces I Serra. . Gran Enciclopecia de les Plantes Melecinales páxs. 946. Tikal ediciones ISBN 84-305-8496-X.
3. «Vincetoxicum hirundinaria». Real Xardín Botánicu: Proyeutu Anthos. Consultáu'l 9 d'ochobre de 2009.
4. Sinónimos en Tela botánico

Enllaces esternos

• Wikimedia Commons tien conteníu multimedia tocante a Vincetoxicum hirundinaria.

Wikispecies tien un artículu sobre Vincetoxicum hirundinaria.