Xerente xeneral

Xerente xeneral ye un términu descriptivu pa ciertos executivos nuna operación de negocios. Ye tamién un títulu formal pa ciertos executivos de negocios, anque los llabores d'un xerente xeneral varien según la industria na que se desenvuelva la empresa.

Funciones

Ente les sos funciones pueden tar:

• Ordenar.
• Designar toles posiciones gerenciales.
• Realizar evaluaciones periódiques avera del cumplimientu de les funciones de los distintos departamentos.
• Entamar y desenvolver metes a curtiu y llargu plazu xunto con oxetivos añales y apurrir les proyeiciones de diches metes pa l'aprobación de los xerentes corporativos.
• Coordinar coles oficines alministratives p'asegurar que los rexistros y los analises tán executándose correutamente.

Usu xenéricu

Comúnmente, el términu xerente xeneral fai referencia a cualquier executivu que tenga la responsabilidá xeneral d'alministrar los elementos d'ingresos y costos d'una compañía. Esto significa qu'un xerente xeneral usualmente vela por toles funciones de mercáu y ventes d'una empresa, según les operaciones del día ente día. Frecuentemente, el xerente xeneral ye tamién responsable de liderar y coordinar les funciones de la planificación estratéxica.

En munchos casos, el puestu de xerente xeneral d'un negociu tien otros nomes. Dellos xerentes son llamaos presidentes. N'otros casos menos frecuentes, xerente financieru, xerente operativu, xerente de mercadéu pueden actuar so les funciones d'un xerente xeneral. Dependiendo de la compañía, persones colos puestos de vicepresidente, xerente de país, xerente de productu o xerente de segmentu pueden tener tamién responsabilidaes d'alministración xeneral.

En delles organizaciones, el xerente xeneral pue ser llamáu direutor executivu.

Ver tamién

• Alministración
• Alministración en salú
• Direutor executivu
• Direutor xeneral
• Direutor financieru
• Xerente

Referencies

Enllaces esternos

• Wikimedia Commons tien conteníu multimedia tocante a Xerente xeneral.