Xuegos Olímpicos de París 1924

Xuegos Olímpicos de París 1924
Xeneral
Tipu de competición	Xuegos Olímpicos de branu
País	Francia
Historia
Desapaición	27 de xunetu de 1924
Competición
Participantes	44 ; 3088
	Web oficial

Los Xuegos Olímpicos de París 1924, oficialmente conocíos como los Xuegos de la VIII Olimpiada, celebráronse en París, Francia, ente'l 4 de mayu y el 27 de xunetu. La sede acoyó a más de trés mil atletes, 2.956 homes y 136 muyeres.

Acontecimientos

París foi escoyida sobre les ciudaes d'Ámsterdam, Berlín, Los Angeles, Rio de Janeiro y Roma.
Per primer vegada usóse'l eslogan Olímpicu Citius, Altius, Fortius (Más rápidu, más altu, más fuerte).
Fueron los últimos Xuegos Olímpicos lideraos por Pierre de Coubertin.
Per primer vegada realizóse la Selmana de Deportes d'Iviernu na ciudá de Chamonix, ente'l 25 de xineru y el 5 de febreru. Darréu, seríen nomaes pol Comité Olímpicu Internacional como los I Xuegos Olímpicos d'Iviernu
Los Xuegos fueron inauguraos nel Estadiu de Colombes, orixinalmente llamáu Stade Olympique Yves-du-Manoir, con una asistencia de 45.000 espectadores.
Per primer vegada utilizóse un logo pa los Xuegos.
Los Finlandeses Voladores apoderaron les pruebes de llarga distancia. Paavo Nurmi ganó les carreres de los 1.500 m y 5.000 m, realizaes con una hora de diferencia, y el cross-country, realizáu con peraltes temperatures. Ville Ritola ganó la carrera de los 10.000 m y la de 3.000 m con torgues, y llegó tres Nurmi nes competencies de los 5.000 m y el cross-country. Albin Stenroos ganó'l maratón, mientres l'equipu de Finlandia (con Nurmi y Ritola) salió victoriosu na carrera de postas.
De forma imprevista, la seleición de fútbol d'Uruguái maravió pola so calidá y llogró la medaya d'oru.
El nadador d'orixe austriacu y nacionalizáu norteamericanu Johnny Weissmüller, famosu pol so rol de Tarzán, ganó tres medayes d'oru y una de bronce en water-polo.
Irlanda participó per primer vegada como equipu independiente.
Fueron los primeros xuegos olímpicos que constaben d'una villa olímpica. Les muyeres taben alloñaes de la capital gala "por posibles tentaciones".

Deportes

El programa olímpicu d'esta edición entendía 17 deportes, con 126 pruebes.

	Deportes nos Xuegos Olímpicos de París 1924
<nowiki> Atletismu \| Boxéu \| Ciclismu \| Equitación \| Remane \| Fútbol \| Ximnasia \| Halterofilia \| Llucha \| Natación \| Pentatlón modernu \| Polu \| Remu \| Rugbi \| Saltu de natación \| Tenis \| Tiru \| Vela \| Water-polo

- Deportes d'exhibición

Pelota vasca
Cayáu de combate
Canotaxe canadianu y kayak
Savate
Voleibol
Polu

Países participantes

Países participantes na olimpiada:

Arxentina, Australia, Austria, Bélxica, Brasil, Bulgaria, Canadá, Checoslovaquia, Chile, Cuba, Dinamarca, Ecuador, Exiptu, España, Estaos Xuníos, Estonia, Filipines, Finlandia, Francia, Grecia, Haití, Hungría, India, Irlanda, Italia, Xapón, Letonia, Lituania, Luxemburgu, Méxicu, Mónacu, Noruega, Nueva Zelanda, Países Baxos, Polonia, Portugal, Reinu Xuníu, Rumanía, Sudáfrica, Suecia, Suiza, Turquía, Uruguái y Yugoslavia.

Referencies

Enllaces esternos

París 1924 na páxina oficial del Comité Olímpicu Internacional (n'inglés).

Predecesor:
Amberes 1920

VIII Xuegos Olímpicos de branu

París 1924

Socesor:
Ámsterdam 1928