Zerynthia rumina

Zerynthia rumina
Estáu de caltenimientu
En peligru (EN)
En peligru (UICN)
Clasificación científica
Reinu: Animalia
Filu: Arthropoda
Subfilu: Hexapoda
Clas: Insecta
Orde: Lepidoptera
Seición: Rhopalocera
Familia: Papilionidae
Tribu: Luehdorfiini
Xéneru: Zerynthia
Subxéneru: Zerynthia (Zerynthia)
Especie: Z. rumina
Linnaeus, 1758
Distribución
Consultes
[editar datos en Wikidata]
Canesba de Zerinthya rumina
Aristolochia paucinervis, planta nutricia de la caparina Zerinthya rumina

Zerynthia rumina ye una especie de lepidópteru ditrisiu de la familia Papilionidae. Debe'l so nome asturianu a los motivos y colores de les sos ales, que recuerden los del traxe del arlequín[1][2][3].

Descripción

[editar | editar la fonte]

Trátase d'una caparina de tamañu medianu qu'algama un valumbu de 5 cm. Les ales presenten, na so cara cimera, un axedrezáu de fondu mariellu maciu con manches negres y llunares colloraos darréu reconocible y únicu, siendo improbable que pueda confundise con nenguna otra especie en gran parte del so área de distribución. L'ala cimera tien amás una ventana vítrea cerca ápiz, ente que l'ala posterior presenta una serie posdiscal d'ocelos coloraos. Nel sureste de Francia, sicasí, coesiste con Zerynthia polyxena, de la que s'estrema pola ausencia de manches azules na ala posterior.

Área de distribución

[editar | editar la fonte]

Especie tan solo presente nel Suroeste d'Europa y el Norte d'África. N'Europa, namái s'atopa na Península Ibérica y nel Sureste de Francia.

Na península ibérica consideróse en 1985 como en peligru d'estinción, y su estatus mantúvose cola revisión de 2006. Nel casu d'esta caparína, daquella, utilizáronse puntos para marcar les llocalizaciones de les dos subespecies en peligru d'estinción; esto yera, la Cantabricae, y la Minima, anque nesti momentu, esta especie nun s'atopa baxu nenguna figura de protección n'Europa, según se cita nel llibru "Mariposas Diurnas de la Provincia de León" de 2013[4].

Hábitat

[editar | editar la fonte]

Llombes predreses, llugares abruptos y escamplaes de monte, siempres venceyada a plantes del xéneru Aristolochia, la so planta nutricia.

  • Zerynthia rumina machu.
    Zerynthia rumina machu.
  • Zerynthia rumina machu.
    Zerynthia rumina machu.
  • Zerynthia rumina, fema.
    Zerynthia rumina, fema.
  • Zerynthia rumina, fema.
    Zerynthia rumina, fema.

Ciclu vital

[editar | editar la fonte]

Univoltina en gran parte del so área d'estensión, tan solo reparase una única xeneración que vuela de febreru a mayu según el clima. Apaez más tardíamente, sicasí, nel norte de la mesma. Bivoltina, Nel sur de la Península Ibérica y Norte d'África apaez una segunda xeneración en setiembre. Pasa l'iviernu n'estáu de crisálida.

Plantes nutricies

[editar | editar la fonte]

Les canesbes aliméntense de distintes especies del xéneru Aristolochia, confiriendo los alcaloides tóxicos que contienen estes plantes (qu'asimilen ensin degradalos) una defensa contra posibles depredadores.

Bibliografía

[editar | editar la fonte]
  • Tolman, T. & Lewington, R. (2002). Guía de les caparines d'España y Europa. Lynx Edicions.
  • Viedma, M. G. & Gómez-Bustillo, M. R.(1985). Llibru Coloráu de los Lepidópteros. Ministeriu d'Agricultura, Pesca y Alimentación.
  • Mariposas Diurnas de la Provincia de León, "David César Manceñido González" y "Félix Javier Gonzáles Estébanez", ISBN 978-84-96872-37-0, (2013) pax. 109

Referencies

[editar | editar la fonte]
  1. ↑ (castellán) http://www.asturnatura.com/especie/zerynthia-rumina.html Zerynthia rumina
  2. ↑ (n'inglés) http://www.ukbutterflies.co.uk/species.php?species=rumina Zerynthia rumina
  3. ↑ (n'inglés) http://www.eurobutterflies.com/sp/rumina.php Imáxenes
  4. ↑ 2020 Ministeriu pa la transición ecolóxica y retu demográficu

Enllaces esternos

[editar | editar la fonte]