Zona sotádica
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La esistencia d'una zona sotádica ye una hipótesis de Richard Francis Burton; afirma qu'esiste una zona xeográfica na que la pederastia ye especialmente presente y tolerada, amás manifiesta que dientro d'esta zona una orientación sexual homosexual ye muncho más común que fora d'ella. Considérase qu'esto sería una consecuencia del orientalismu.
Burton propunxo esta hipótesis per primer vegada nun apéndiz a la so traducción de Les mil y una nueches de 1885. El nome sotádico deriva de Sótades, un poeta helenísticu griegu que los sos versos homoeróticos tán calteníos na Antoloxía Palatina.
Acordies cola descripción de Burton, la zona sotádica entendía:
- llindáu escontra l'oeste pola ribera norte y sur del Mediterraneu (lat. 43° N y 30° S). Poro, la fondura tenía de ser d'unes 780 a 800 milles, incluyendo Francia meridional, la Península Ibérica, Italia y Grecia, coles zones costeres d'África de Marruecos a Exiptu.
- Escontra l'este, la zona sotádica estrecharíase, incluyendo Asia Menor, Mesopotamia y Caldea, Afganistán, el Sind, el Panyab y Caxmir.
- N'Indochina el cintuon enancharíase, incluyendo China, Xapón y el Turquestán.
- Depués estenderíase, incluyendo la Polinesia y el Nuevu Mundu, onde na dómina del so descubrimientu l'amor sotádico yera, con delles esceiciones, una institución establecida.
Dientro de la zona sotádica, el viciu sería popular y reinal, nel peor de los casos consideráu un pecadillo, ente que les races al norte y al sur namái lu practicaríen de forma esporádica, consideráu un oprobio polos demás, que polo xeneral seríen incapaces físicamente de realizar la operación y ver col mayor ascu.
Burton realizó los sos escritos cuando l'Antropoloxía inda taba na so infancia. Pocos estudiosos posteriores producieron resultancies similares. Convenientemente, la zona sotádica de Burton inclúi munches de les árees que na dómina yeren colonies de Gran Bretaña, dondes los sos ciudadanos viaxaríen con mayor probabilidá y onde con mayor probabilidá buscaríen una exótica esperiencia sotádica.
Per otra parte, a pesar de tar obligáu a tratar la homosexualidá como «el Viciu», la zona sotádica de Burton ye unu de los primeros intentos de crear una hipótesis que fixeren paecer la homosexualidá como un fenómenu natural, más que como un viciu contra natura». L'ensayu de Burton llevó la so conocencia de l'antigüedá clásica y d'Oriente Mediu a tratar la tema y a establecer la prevalencia y persistencia histórica de la pederastia.
Referencies
[editar | editar la fonte]Enllaces esternos
[editar | editar la fonte]- Section D. Pederasty de «Terminal Essay» de la traducción de Burton de The Arabian Nights.