Фонд Викиме́диа - ккола жиндие хайир щолареб фондлъун, ва жиндица кумек гьабулеблъун гьал хадусел проектазе: Википедия, Викикъамус, Викицитата, ВикитІехь, Викимактаб, Викидалил, Викигъамас, Викибаян, Викитайпа, Викихарбал, ВикижамигI, Инкубатор Викимедиа, Мета-вики ва гьеб ккола нухмалъи гьабулеблъун хІалтІи чІезе тараб энциклопедияб Nupedia проекталъе [1].
«Фонд Викимедиалъул» штаб-квартира буго Сан-Франциско шагьаралда, Викимедиалъул проектазда хадуб хал ккола Калифорния штаталъул законаз[2].
Бищунго цебетIун-щущан унеб гьеб гIуцIцIиялъул проект ккола эркенаб энциклопедия Википедия, гьебги буго 10 бищун гIемер гIадамал жани лъугьунеб веб-сайтаздасан цояб[3].
Википедиялъул цебетIейги бихьун, гьелъун гIахьалчагIаз гьарана цогиги гьединабго гIадаб гIадамазе кумек гьабулел сайтал рагьеилан:
- Викикъамус — гIемер функциябазул къамус ва тезаурус.
- Викицитата — цитатазул, кицабазул, абиязул данд-бакIари.
- Викимактаб — Оригиналиял текстазул мактаб.
- Викитехь — эркенго щущазабулеб цIалул тахьал.
- ВикижамигI, рагьарал гIелмиял проектал гьарулеб ва цоги-цоги жо малъулеб жамигI.
- Викихарбал — хакъаздагьоркьосеб информациялъул агентство.
- Викигъамас — гIаммаб центальнияб файлал цIунулеб бакI.
- Викиданныял — Википедиялъул данныябазул хиса-басиял гьабулеб проект.
- Викигид — туризмалъу гIоло рагьараб гид.
- Викивиды — Таксономиялъул (биологическиял видазул) справочник.
- Мета-вики — Фонд Викимедиалъул документация гIуцIцIулеб веб-сайт.
Попечителазул Шура ккола фондалъул бетIер. Гьезда гъолъ уна 10 чи[4]:
- Кэт Уолш, председатель (2013 соналъул июл щвезегIан);
- Ян-Барт де Фрейде, вице-председатель (2013 соналъул декабр щвезегIан);
- Стюарт Уэст, казначей (2013 соналъул декабр щвезегIан);
- Бишака Датта (2012 соналъул декабр щвезегIан);
- Джимми Уэйлс (2013 соналъул декабр щвезегIан);
- Тин Чэнь (2013 соналъул июл щвезегIан);
- Сэмюэл Клейн (2013 соналъул июл щвезегIан);
- Мэтт Хэлприн (2012 соналъул декабр щвезегIан);
- Элис Уигэнд (Алиса Виганд, Alice Wiegand) (2014 соналъу июл щвезегIан);
- Патрисио Лоренте (Patricio Lorente) (2014 соналъу июл щвезегIан).
Шураялда гъорлъ уна рищаралги цогидаз лъун таралги гIадамал. Рищабазул датаялда балагьун, июн ва июл моцIазда хисула рищарал попечителал, цогидаз лъурал — декабралъ.
Викимедиалъул проектал тIолго гIаламалъе руго. Гьел церетIеялъе квер бакъула региональниял ракьалдаго ругел ва жедер "Викимедиалъул отделения"-илан цIар бугел гIуцIцIияз. Гьединго гьелъие кумек гьабула гIадатиял гIадамаз.
- REDIRECT Шаблон:Твиттер (инг.)