Bachué

Bachué ( okon gu Furachogua, ton lebaf moueem kan Chibcha ava ) tir xantumafa lorikya is gadikya ke ayikeem sedme Muisca alka isu vund. Kou Iguaque uzda kobliyir, gison va pintikye koe meem. Bantan atriyir aze vanpiyir yerumanikye ta frofara va tamava. Koe dopewa tigisa koe vema ke refa Chíquiza savson yoltkirafa gu San Pedro de Iguaque. Sedme vunda, moida va ayikeem al bliayad, Bachué is Zertek lorikye yerumanik kadayad perak aze ko baerdafa uzda dimlaniyid. Izva ke Bachué gan Pedro Simón espanaf ugaldik koe Noticias Historiales neva zo miwayar lize in suteyer da patectolik va ine gu Furachogua dere yoltayad ise va ine wetce tan dalaf lorik payuyud. Muisca saneik dere foliyid da nyapeteson va sane, ine div leveda dile dimfiyir. Muisca vund kareizur da toloya faxa vey Iguaque uzda vanbliyid : Amuya ( ayikyaca ) sotir bat fam solve Muyvan ( ayikyeca ) sotir ban fim. Furachogua ( fura = ayikya ; cho = kiewafa ; gua = nazbeikya ) vey Amuya kobliyir ise sotir kaatoeks va koblira ke kota ayikya ; Qhuzha ( qhu = fay ; zha = miel ) vey Muyvan kobliyir ise tir kaatoeks va kote ayikye. Sedme Muisca alka, Qhuzha tir ayikyeme kire co tir melukrafa kapbure ayikya. Ayikye melukron sokoblir solve ayikya dem aptafa proyuca tikisa va Xantumafa Lorikya sokoblir. Furachogua atrir, va moueem voner numaze vanpir Bachué. Bachué is Qhuzha va sint tanad numazen Muisca saneikeem veyon di vanblir. Vuestexa (es) Ocampo López, Javier. 2013. Mitos y leyendas indígenas de Colombia - Indigenous myths and legends of Colombia. Plaza & Janes Editores Colombia S.A.. (es) Ocampo López, Javier. 2007. Grandes culturas indígenas de América - Great indigenous cultures of the Americas, 1–238. Plaza & Janes Editores Colombia S.A..

Bachué Lorikya ke Muisca Kira Lizukaf yolt Furachogua Yorda Xantumafa lorikya Atay Gola Muisca Atayexo Iguaque uzda, Chíquiza Lorafa yasa Gadikya Amuya Yerumanik Qhuzha, zertek lorikye Nazbeik Muisca betara teza

	Muisca : sane ke Kolombia is savsaf abdiespanaf seltay
Seltay	Tawamidura • Vegeduropa • Yamba • Kocopa • Burmotaropa • Skapa • Inseik • Lexa • Ava • Vundopa • Alka • Geja
Debak	Fúquene • Guatavita • Iguaque • Suesca • Tota • Tequendama stoya
Izva	Muisca abdigalda • Savsaf bowesik • Pasca meld • Chocontá meld • Tocarema meld • Espanafa olgalicura
Nafalik	Zipazgo : Meicuchuca • Saguamanchica • Nemequene • Tisquesusa • Zaquesazipa Zacazgo : Hunzahúa • Michuá • Quemuenchatocha • Aquiminzaque
Lorik	Chiminigagua • Bachué • Chía • Sué • Bochica • Huitaca • Chibchacum • Cuchavira • Nencatacoa • Chaquén • Chibafruime • Guahaioque