Europaf Ciuktol Meles meles | |||||||||||||||
| |||||||||||||||
giltafa pulara | |||||||||||||||
Bliind | Animalia | ||||||||||||||
Dansok | Chordata | ||||||||||||||
Volveydansok | Vertebrata | ||||||||||||||
Pula | Mammalia | ||||||||||||||
Volveypula | Theria | ||||||||||||||
Tolvolveypula | Eutheria | ||||||||||||||
Veem | Carnivora | ||||||||||||||
Yasa | Mustelidae | ||||||||||||||
Volveyyasa | Mustelinae | ||||||||||||||
oxi | |||||||||||||||
Meles | |||||||||||||||
Brisson, 1762 | |||||||||||||||
katca | |||||||||||||||
Meles meles | |||||||||||||||
Linnaeus, 1758
| |||||||||||||||
|
Europaf Ciuktol (Meles meles) tir tana moukolafa katca ke Meles oxi vey Mustelidae yasa ( Mustelinae volveyyasa ) ke CARNIVORA veem ( CANIFORMIA volveyveem ). Gan Linnaeus bak 1758 taneon zo pimtayar.
Ciuktol tir atelatoraf merikoldunol amidaf tove arak ke yasa. Ontinalto tir gijafo loon dam telo ke cigavol is galbol ; alto tir granafo isen in altogison va kotak ke azern, aptolon vulter.
Inafa uka dere tir adalapafa : im sotir lukoptaf solve taka tir batakafa dem mantaf ebeltaf nok aname iteem. Inieem va gijarotif kotceem sodir, i va kotca grusuxasa is vegedusa va levedafa gelawacka stasa kale luva lize afizon givasker ise fentugalur.
Tir mielaf is govitaf is ulijdasaf wivgasik, ise koe aala ik azeka ik meftava valeve ontine vas 2000 m- gubeon blir. Ciuktol va niskadunolam voxis beza is broza is lewa is sulemaf xim is zverifo ato is fay is voja is zae is nyul malestur.
Ciuktolya va cugote aluboy oc arti ocagera vas baroy aksat ik tanoya tanda nazbar.
Sedme Mammal Species of the World (siatos ke 2005), bata katca vas 8 apta ruldar :