Georges Darien

Georges Darien

1862-1921

Francavaf suterotik

Georges Darien, i ikayolt ke Georges Hippolyte Adrien, koe Paris koe Franca ba 06/04/1862 koblir. Blirizva Gadikeem tir kazik ke Protestant alka. Gadikya mulufter viele in ware tir velaf isen gadikye va boksafa katalikevikya tolkurer numen bancoba va inafa direfa parmafa gertafimuca rotir pebur. Darien koe Charlemagne olda vayar. Bak 1881 va sayakarozera abdiaskir. Bak teveaksat ke 1883 gan Gejapirdot gu dimvegera zo komalyer nume den ugdafa rumala koe Tunusa tori 33 aksat zo stakser. Bancoba va uga ke Biribi ( Biribi, sayakafa ugda ) berpot di dafur. Soe neva bak 1890 anton zo sanegar, kaiki Bas les cœurs klecaf berpot ( 1889 ) lize Darien va danexa ke 1870-1871 dene winkafa glastedafa anameda linger. Biribi berpot weber da Puloda va ugdafa rumala di zo kosular. Bak 1891 Georges Darien va Les Pharisiens berpot sanegar lize va Édouard Drumont is kevyudevaf korobik ke bane sare tizon dilfur. Kaikion va gedrafa arotievafa ok nuyevafa rekolafela dokobar, va tulon Le Roquet is L'Endehors. Dubiesik ( Le Voleur ) inaf lokotgrupaf berpot bak 1897 zo sanegar. Mafelayan gan Alphonse Allais is Alfred Jarry, Georges Darien vanpir suterotik karolan gan nuyevaf anamedikeem. Bat berpot bak 1967 gu elpat di zo zaler. Bak 1899 va Suzanne kurer. Ine bak 1919 di awalker. Bak 1901 aktom yoltkiraf gu La Belle France zo piskur. Azon Darien va wenya ektudar. Va drunta vey Biribi berpot az pizapa koswayana gan Steinheil arienta atoer. Bak 1911 va La Revue de l'impôt unique virda redur voxen ina arti anton tanoya tanda griawir. In va krinanik wetce « retik va tanafa koayka » az libura ta Dotapirdot ke Paris bak 1912 metcedeson libudar. Bak 1914 va Rappel fela dokobar. Tozi 1921 toleatomon kurer, voxe ba 19 ke anyuteaksat ke 191 koe Paris, tison 59^-daf. Blira ke Georges Darien vas bulaf pak wan ruldar. Kas tiyir Georges Randal, i gradilik ke Dubiesik ( Le Voleur ) berpot ? Larde neva ta bligara me stapeyed, pune tokkane va rob seotayar ? Tulon wali 1891 is 1897 edje griawir, nuve koyason wal Paris is London is Bruxelles. Sanegaks Grabom is sanegaks ke Georges Darien Berpot Bas les cœurs ! (1889) Biribi, discipline militaire (1890) – Biribi, sayakugda Les Pharisiens (1891) Le Voleur (1897) – Dubiesik L'Épaulette (1901) – Usize Aktom Les Vrais Sous-offs (1890) La Belle France (1898) – Listafa Franca L'Ennemi du peuple (1903) – Volnik ke sane Drunta Les Chapons (1890) L'Ami de l'ordre (1898) Le Parvenu (1906) Le Pain du Bon Dieu (1907) La Viande à feu (1907) La Faute obligatoire (1907) Non ! Elle n'est pas coupable ! (1909) Les Mots sur les murs (1910) Les Murs de Jéricho (1910) Les Galériennes (1910) Nevewava ke Darien Moak ke Biribi, zovdayan gan Maximilien Luce Le Voleur (Dubiesik) La Belle France Stragela David Bosc, Georges Darien, éd. Sulliver, 1996 Claire Paulhan, Darien, le beau vide de l'utopie, Le Monde, 13/12/1996, ISSN 1950-6244 Valia Gréau, Georges Darien romancier et militant anarchiste, Revue d'histoire littéraire de la France, 99e année, n°3, « Anarchisme et création littéraire », Presses universitaires de France, 1999 Aurélien Lorig, Un destin littéraire. Georges Darien, thèse de doctorat en littérature française et comparée, Sorbonne Nouvelle kotla - Paris III, 2015 René Bianco, 100 ans de presse anarchiste Dictionnaire des anarchistes, « Le Maitron » : blirizvafa stragela Larousse Xadola : blirizvafa stragela Vuestexa

Georges Darien  Koblira  06/04/1862,  Paris, Franca  Awalkera  19/08/1921,  Paris, Franca  Vedeyot  Franca  Ava  Francava  Suterind  Berpot, Wenya   Suterot  Berpot : Biribi, discipline militaire – Biribi, sayakugda (1890) Le Voleur – Dubiesik (1897)   Tuveli icde Suteroteem    Tuveli icde Arotieva