Santa Cruz de Mompox

Santa Cruz de Mompox ( okon Mompox ok Mompos ) tir dota is widava valente Kolombia, vagetalte Bolívar winka, i widot ke Depresión Momposina utca. Santa Cruz de Mompox arte mon 248 km- gee Cartagena de Indias winkaf widot tigir, kentalte Magdalena bost koe Mompox kuksafa ewala. Izvaxo ke widava bak 1995 wetce debak ke Tamavafa Gadakiewega ke UNESCO zo bendeyer. Izva Santa Cruz de Mompox bak 1537 winugon zo zabduyur. Sanelia Varafa sanelia ke Santa Cruz de Mompox tir vas 44 124 irubasik otulayan bak 2015, don 25 785 koe widavafa widega is arak koe konako monaxo. Towara ke sanelia ke Santa Cruz de Mompox dota (2005-2019) Xantaza : DANE [1] Nelkafo monaxo tid : Ancón La Rinconada Santa Teresita San Bernardo Los Guaimaros Guataca Pueblo Nuevo Ladrillos Loma de Simón La Colonia El Triunfo La Esperanza Camorra Los Piñones La Lobata Caldera Candelaria Las Boquillas Guaimaral San Nicolás El Paraíso San Ignacio La Jagua Santa Cruz Santa Rosa La Travesía Villanueva El Rosario Santa Elena Bomba Carmen del Rosario San Luis Ewava Santa Cruz de Mompox Wiks va Santa Cruz de Mompox mal Magdalena bost Vandomaxo va Santa Cruz de Mompox kene Magdalena bost Santa Bárbara uja San Agustín uja Dolexo viga Kudja va nuyuca Vawila ke Santa Cruz de Mompox, ordafa gu boniarugal Nuda ke Santa Cruz de Mompox Nuda ke Santa Cruz de Mompox Nuda ke Santa Cruz de Mompox Awalkikxo ke Mompox Izvaxo ke Santa Cruz de Mompox Vixaksam Santa Cruz de Mompox tigis vanmiae bwaf wedaf siday valente Bolívar Winka kene Magdalena dalafa voa ke patecta moni 1540 zo zabduyur. Mompox tiyir zolonapaf gu kazafa is lapirafa vindara moo bost wal Cartagena de Indias is istefo tawavo. Kle widava va espanafa boniara valente Geefa Amerika yordapayar. Inafa izva tir pakack ke kofisa abduxoa is boniasa kofelira ke espanafa olgalicura is vonera va golera is kaza dizvena mali XVII^-eafa decemda kali toza ke XIX^-eafa. Widava vakene bost voneweyer isen vristafa dalafa vawila va salt is domega kenelaniyir. Yona kevba ta nendara va widava bal laumay zo vegeduyud. Voldum loa widava zabduyuna gan espanik lize tanafa istefa viga tigir, Mompox vas baroya ematckorafa viga dem tanoya uja kene bost ruldar, i vas viga vadjesa vas baroya savsafa amerindiafa wida. Loa kolna ke izvaxo vas 0.54 km² tid ton katcalaf videwes sok ise wan tid dem xantafi fli, batinde firvisa va cugunaykafa ewava ke tiyisa espanafa boniarugalafa widava tigisa kene lan bost. Pilkoma ke izvaxo ke Santa Cruz de Mompox wetce boniaraf bostmolt va tanafa is manafa adala ke intafa cugexafa ik gubefa vegeduropa tentur. Mali XVII^-eafa decemda, mona dem doltama moe sidot keve Albarada nuda zo vegeduyud. Bata doltamona tid ton enk dem baroya ik sanoya tanta. Va pofa kira ke widavaf patectoy tadled, isen sinafo vabduefo kolanixo va tanoya mila kepaita walzilid. Yasaxo vegeduyuno wali XVII^-eafa decemda is toza ke XIX^-eafa tigid aname istefa ok krilafa fenkunafa darka redusa va gluyaxa wal tanteem kare lidawicka is lizukafa orpa. Tel losavsaf ord ke dolekikafa ok fayikafa mona vas istefa ponda is jontikviele tanoya dilafa vadime kolna ruldar, i vas ponda lospasa va zaniga. Loa mona va zolonafa vegeduropafa rulda wan vided : i va tuveli is yunkeyeno koexo is soza is lupaxa. Aptaf goaspil ke vonewera ke widava kene bost, va dugapa riafa koe gola ziliyid. Skapafa vantenura remi XIX^-eafa decemda va warzaf lum gu bata adala nendoyeson kristeyer, numen widava tir to lokatcalafa tula ke mana widavinda kene bost. Cugexa Konaka lozolonafa cugexa ke izvaxo tid : San Francisco uja San de Dios ropexe, torigine gu ane loguazafe ropexe ke Amerika Casa de los Apóstoles mona Casa municipal ( savsafe dotaxe ), lize volruptesuca ke Kolombia zo etimayar Palacio municipal, okon San Carlos reak ( dotaxe ) Inmaculada Concepción uja Santa Bárbara uja San Agustín uja Izvaxo ke Mompox Inmaculada Concepción uja San Carlos reak Albarrada del Campillo San Agustín uja, kolnayana bak XVII^-eafa decemda Santa Bárbara, kolnayana bak 1613 Ponda ke Peñas Alvarado boniarugalafa mona Ponda ke San Carlos reak San Francisco uja Real del Medio vawila, ordafa gu boniarugalafa vegeduropa La Marquesas nuda Concepción uja Lavalingeks ke Edward Walhouse Mark va Santa Bárbara uja, 1845 Vuestexa « Resultados y proyecciones (2005-2020) del censo 2005 ». DANE. rupeyena ba 31/03/2021 ; Censo 2018 - Población ajustada por cobertura.

Santa Cruz de Mompox RISTULA Patecta Kolombia   Gola Bolívar winka Welmot 645.37 km² SANELIOPA Sanelia 44 124 ir- (2015) TAWAVOPA Maneka  9° 14′ 22" L-, 74° 25′ 30" T- Ontine 33 m- LAPIRA, LIZIBA Bira, kuksa Rid Kelot Vawa Tigixo ke Santa Cruz de Mompox Debala ke Santa Cruz de Mompox koe Bolívar winka Izvaxo ke Santa Cruz de Mompox Tamavafa gadakiewega ke UNESCO DEBALA Tawavaf seg Geefa Amerika Patecta Kolombia        Winka Bolívar winka Maneka  9° 14' 26" L-, 74° 25' 23" T- KIRA Ord Arayaf Ludeem (iv) (v) Debakaf otuk 742 Bendesa ilana 1995 ( 19^-eaf frugot ) Welmot 0.54 km² Winugafa pimtara ke UNESCO [1] Izvaxo ke Santa Cruz de Mompox. Zabduyun bak 1540 kene Magdalena bost, Mompox va espanafa felira valente Geefa Amerika yordapayar. Mali XVI^-eafa decemda kali XIX^-eafa, widava vakene bost voneweyer, ton taneafa nuda zanudasa va kevba. Izvaxo va tama is varuca ke widavaf patectoy nendoyeyer. Loa kolna va xantafi fli reugale vided nume va cugunaykafa ewava ke tiyisa espanafa boniarugalafa widava batkane firvid. (en) Centro histórico de Santa Cruz de Mompox. Fundada en 1540, a orillas del rí­o Magdalena, Mompox desempeñó un importante papel en el establecimiento de la dominación española en el norte de Sudamérica. Desde el siglo XVI hasta el XIX, la ciudad fue creciendo paralelamente al rí­o y su calle principal serví­a de dique de contención del rí­o. En su centro histórico se ha preservado la armoní­a e integridad del paisaje urbano. La mayorí­a de los edificios siguen cumpliendo todaví­a su función primigenia, ofreciendo así­ una imagen excepcional de lo que fue una ciudad colonial española. ~ UNESCO website, licence CC-BY-SA IGO 3.0 Tamavafa gadakiewega ke UNESCO koe Kolombia Arayaf debak Izvaxo ke Santa Cruz de Mompox • San Agustín rawaxo • Tierradentro rawaxo • Arayaf fadaf patectoy ke Kolombia • Molt is ralmeem is cugexaxo ke Cartagena • Qhapaq Ñan Tuwavaf debak Los Katíos vedeyaf gerd • Malpelo ewala Aotcaf debak Chiribiquete vedeyaf gerd

	Doteem ke Bolívar winka ke Kolombia
Dique bolivarense	Arjona • Arroyohondo • Calamar • Cartagena de Indias • Clemencia • Mahates • San Cristóbal • San Estanislao • Santa Catalina • Santa Rosa de Lima • Soplaviento • Turbaco • Turbaná • Villanueva
Loba	Altos del Rosario • Barranco de Loba • El Peñón • Norosí • Regidor • Río Viejo • San Martín de Loba
Depresión momposina	Cicuco • Hatillo de Loba • Margarita • San Fernando • Santa Cruz de Mompox • Talaigua Nuevo
Magdalena Medio	Arenal • Cantagallo • Morales • San Pablo • Santa Rosa del Sur • Simití
Mojana bolivarense	Achí • Magangué • Montecristo • Pinillos • San Jacinto del Cauca • Tiquisio
Montes de María	Córdoba • El Carmen de Bolívar • El Guamo • María La Baja • San Jacinto • San Juan Nepomuceno • Zambrano

1. UNESCO : Izvaxo ke Santa Cruz de Mompox