कबड्डी

कबड्डी खेलत लरिके

कबड्डी एक्ठु खेल होय, जवन खास रूप से भारतीय उपमहाद्वीप मा खेलि जात अहै।इ खेल भारत, नेपाल, बांग्लादेश, श्रीलंका औ पाकिस्तान मा लोकप्रिय अहै। कबड्डी नाँव कय इस्तेमाल उत्तर भारत मा होत है, इ खेल कय दक्खिन मा चेडुगुडु औ पूरुब मा हु तू तू कय नाँव से भी jani जात हय। तमिल, कन्नड़ औ मलयालम मा इ मूल शब्द, (கை-பிடி) "कै" (हाथ), "पिडि" (पकडब) कय रुपबदल होय, जवने कय अनुवाद होय 'हाथ पकडे रहब'।^[१]कबड्डी, बांग्लादेश कय राष्ट्रीय खेल होय। ^[२]

नियम

आसान शब्दन मा यका ढेर अंक हासिल करय खर्तिन दुइ टीमन कय बीच कय एक्ठु मुकाबला कहि सका जात हय। अंक पावैक खर्तिन एक टीम कय रेडर (कबड्डी-कबड्डी बोलय वाला) विपक्षी पाले (कोर्ट) मा जाइकय हुँवा मौजूद खेलाडिन कय छूवैक प्रयास करत हैं। यहमा विपक्षी टीम कय स्टापर (रेडर कय पकरय वाले) आपन पाला मा आवा रेडर कय पकरिकय वापिस जाय से रोकत हैं औ अगर उ इ प्रयास मा सफल होत हैं तो ओनकय टीम कय यकारे बदला एक अंक मिलत है। औ अगर रेडर कवनो स्टापर कय छूइकय अपन पाला मा चलि जात है तव ओकरे टीम कय एक अंक मिलि जात औ जवने स्टापर कय उ छुये है ओका कोर्ट से बाहरे जाएक परत है।^[३] कबड्डी मा 12 खिलाड़ी होत हैं जवने में से 7 गोइदां कोर्ट मा होत हैं औ 5 रिज़र्व होत हैं ।कबड्डी कोर्ट डॉज बॉल गेम जेतना बड़ा होत है।कोर्ट कय बीचोबीच एक्ठु लाइन खिंचान रहत है जवन एका दुई हिस्सन मा बांटत है। कबड्डी महासंघ कय हिसाब से कोर्ट कय नाप 13 मीटर × 10 मीटर होत है।^[४]

खेल कय समय

इ खेल 20-20 मिनट कय दुई हिस्सन मा खेलि जात है। हर हिस्सन मा टीमन कय पाला बदलत हय औ यकरे खर्तिन ओन्है पांच मिनट कय ब्रेक मिलत है। जबकि आयोजक यकरे एक हिस्सा कय समय 10 या 15 मिनट कय भी कराय सकत हैं। हर टीम मा 5-6 स्टापर अव 4-5 रेडर होत हैं। एक दांई में खालि चार स्टापर कय कोर्ट पय उतरय कय इजाजत होत है। जब कवनो स्टापर कवनो रेडर कय अपने पाला से बहरे जाय से रोकत हय ओन्हय एक अंक मिलत है लेकिन अगर रेडर ओन्हय छूइकय भागय मा सफल रहत है तव ओनकय टीम कय अंक मिलि जात अहै। मैचों उमर औ वजन कय आधार पय कइ जात है, लेकिन आजकल मेहरारुन कय भी ढेर भागेदारी रहत है। पूरा मैच कय निगरानी आठ लोग करत हैं: एक रेफ़री, दुई अंपायर, दुई लाइंसमैन, एक्ठु टाइम कीपर , एक्ठु स्कोर कीपर औ एक्ठु टीवी अंपायर।

कबड्डी कय प्रधान प्रतियोगिता

तमिलनाडु मा लरिकन कय कबड्डी

• एशियाई खेलन मा कबड्डी
• एशिया कबड्डी कप
• प्रो कबड्डी लीग
• कबड्डी विश्व कप
• महिला कबड्डी विश्व कप
• यूके कबड्डी कप
• विश्व कबड्डी लीग

एशियाई खेलन मा कबड्डी

वर्ष	जगह		अन्तिम मैच				तीसरा जगह खर्तिन मैच
			पहिल जगह	नतिजा	दुसरा जगह		तीसरा जगह	नतिजा	चउथा जगह
1990	बीजिंग		भारत		बांग्लादेश		पाकिस्तान		जापान
1994	हिरोशिमा		भारत		बांग्लादेश		पाकिस्तान		जापान
1998	बैंकाक		भारत		पाकिस्तान		बांग्लादेश		श्री लंका
2002	पुसान		भारत		बांग्लादेश		पाकिस्तान		जापान
2006	अद-दौहा		भारत	35–23	पाकिस्तान		बांग्लादेश	37–26	इरान
2010	गुआनझाऊ		भारत्		इरान्

कबड्डी विश्वकप

कबड्डी कय विश्वकप सबसे पहिले २००४ मा खेलि गा रहा। ओकरे बाद २००७, २०१०, २०१२ औ २०१६ मा भवा। अबहिन तक भारत कुल में जीता हय।

वर्ष	अंतिम मैच
२००४	भारत ५५ – २७ इरान
२००७	भारत २९ – १९ इरान
२०१०	भारत ५८ – ५१ पाकिस्तान
२०११	भारत ५९ – २५ कनाडा
२०१२	भारत ५९ – २२ पाकिस्तान
२०१६	भारत ३८-२९ इरान

सन्दर्भ

1. siddharth (2016-12-31). "Kabaddi Introduction, Rules, Information, History & Competitions". Sportycious (अंग्रेज़ी में). अभिगमन तिथि 2020-01-28.
2. "A tale of kabaddi, Bangladesh's national sport". Dhaka Tribune. अभिगमन तिथि 31 July 2017.
3. "Pro Kabaddi Rules". prokabaddi.com. मूल से 2020-07-09 को पुरालेखित. नामालूम प्राचल |url-status= की उपेक्षा की गयी (मदद)
4. "Rules of Kabaddi". International Kabaddi Federation (IKF). मूल से 4 March 2016 को पुरालेखित. अभिगमन तिथि 26 August 2014. नामालूम प्राचल |df= की उपेक्षा की गयी (मदद); नामालूम प्राचल |url-status= की उपेक्षा की गयी (मदद)