Beynəlxalq Həndbol Federasiyası onu 2005-ci ilin ən yaxşı həndbolçusu seçdi.[4][5] O, bütün dövrlərin ən yaxşı qadın həndbolçularından biri kimi tanınır.
beynəlxalq səviyyədə "Həndbolun kraliçası" adlandırılmışdır.[6][7][8]
Anita Görbits 1993-cü ildə 10 yaşındaykən karyerasına Macarıstanın" Dyör Audi ETO" klubunda başlamışdır. O, klubun əsas üzvünə çevrildi və yoxluğu kluba nəzərəçarpacaq mənfi təsir göstərirdi.[10] "ETO" ilə Görbits bir neçə dəfə Macarıstan çempionatı və kubokunu qazandı. Avropa səviyyəsində Kubok Qalibləri Kuboku və Avropa Həndbol Federasiyası (AHF) Kuboku turnirlərin final mərhələsinə yüksəldi.
"ETO" klubu ilə Çempionlar Liqasının final mərhələsinə ilk dəfə 2009-cu ildə yüksəldi. Final oyundan bir neçə gün əvvəl aldığı diz zədəsi səbəbindən onu buraxmalı oldu və sonda komandası Danimarka çempionu "Viborq" klubuna məğlub oldu. Buna baxmayaraq, turnirin ən çox qol vuranlar siyahısında ikinci yeri tutdu.[11]
Anita 2018-ci ilin yanvarında Macarıstan çempionatı oyununda karyerasını 2000-ci qolunu vurdu.[12][13]
O, AHF Çempionlar Liqası kubokunu beşqat qalibidir.
Görbits 2003 Dünya çempionatında oynamışdır, həmin mövsüm Macarıstan finalda Fransa yığmasına uduzmuşdur. 2004 Avropa çempionatının gümüş medalını qazandı. Rusiyada keçirilən 2005 Avropa çempionatında komandası ilə 3-cü yeri qazandı.
Anita Görbits 2003, 2005 və 2007-ci illərdə 3 dəfə Dünya kubokunun "Bütün ulduzlar" yığma komandasının üzvü olmuşdur..[14] 2005 (üçüncü yer) və 2007 (ikinci yer) turnirlərində ən çox qol vuran oyunçular arasında idi.
2004-cü ildə Afinada keçirilən Yay Olimpiya Oyunlarında və 2008-ci ildə Pekində keçirilən Olimpiya Oyunlarında Macarıstan komandasının üzvü olub.[15] 2004-cü ildə Macarıstan komandası dörddəbir finalda Fransa komandasına məğlub oldu və yerləri təyin edən oyunlarda Braziliya və İspaniyaya qalib gələrək beşinci yeri tutdu.[15][16] 2008 Olimpiya Oyunlarında Macarıstan dörddəbir finalda Rumıniyanı məğlub edərək yarımfinala vəsiqə qazandıqdan sonra öncə yarımfinalda Rusiyaya, daha sonra bürünc medal uğrunda oyunda Cənubi Koreyaya məğlub olduqdan sonra dördüncü oldu.[15][17] 2008 Olimpiadasında 49 qol müəllifi oldu[15] və yalnız Rumıniya oyunçusu Ramon Farkaudan geridə qaldı.
Anita 10 dekabr 2017-ci il tarixində Macarıstanın 2017 Dünya Qadın Həndbol Çempionatının dörddəbir finalına çıxa bilməməsindən sonra milli komanda karyerasını bitirdiyini açıqladı.[3]
Onun ilk həyat yoldaşının adı Andraş Presinq idi. 2006-cı ildə ailə qurdular və 17 ay sonra boşandılar.[18] Anita keçmiş futbolçu Otto Vinçe ilə evlidir.[19] 2015-ci ilin iyun ayında cütlüyün Boldişar adlı oğlu dünyaya gəldi.[20]
Vikianbarda əlaqəli mediafayllar
