Azərbaycanda fahişəlik

  Dekriminalizasiya – fahişəliyə görə cəza yoxdur

  Leqallaşdırma – qanuni və tənzimlənən fahişəlik

  Abolisionizm – fahişəlik qanunidir, lakin fahişəxanalar kimi mütəşəkkil fəaliyyətlər qanunsuzdur; fahişəlik tənzimlənmir

  Neo-abolisionizm – özün və ya 3-cü tərəf üçün ödənişli seks almaq qanunsuzdur, seks satmaq qanunidir

  Qadağa - fahişəlik qanunsuzdur

  Yerli qanunlara görə dəyişir

Azərbaycanda fahişəlik — Azərbaycanda ödəmə müqabilində seksual fəaliyyətlə məşğul olan təcrübə. Bu, qeyri-qanuni^[1] olsa da geniş yayılıb.^[2] Fahişəlik inzibati xətadır və cərimə ilə cəzalandırılır.^[1] Əxlaqsızlıq yuvaları saxlama cinayətdir və 3 ilədək müddətə azadlıqdan məhrum etmə ilə cəzalandırılır.^[3] 2017-ci ildə əxlaqsızlıq yuvası saxlamağa görə Milli Məclisdə cəzaların sərtləşdirilməsi təklif olunmuşdu.^[4] 2018-ci ildə Azərbaycanda 25,054 fahişə olduğu^[5] təxmin edilmişdir ki, onların da bəziləri 15–18 yaş arasındadır.^[6]

Sovet dövründə KQB-nin nəzarəti altında olanlar istisna olmaqla, fahişəlik qeyri-adi idi və əksəriyyəti xəbərçi idi.^[7]

Paytaxt Bakının Badamdar qəsəbəsində fahişələrin müştəri cəlb etdiyi kafelər çoxdur, hansı ki 2011-ci ildə 300-dən çox yerli sakin buna qarşı etiraz aksiyası keçirib.^[8] Bakının mərkəzində, Nizami küçəsində (Tarqovı) kafelərdə də fahişələrə rast gəlmək olar.^[2]

Ölkə xüsusən İran, BƏƏ və Küveytdən olan kişilərin seks turizmi yeridir.^[2]

Seks alveri

İnsan alverçiləri yerli və xarici qurbanları Azərbaycanda, alverçilər isə Azərbaycandan olan qurbanları xaricdə istismar edirlər. Azərbaycandan olan qadınlar və uşaqlar ölkə daxilində və İran, Malayziya, Pakistan, Rusiya, Türkiyə və BƏƏ-də seks alverinə məruz qalırlar. Azərbaycan Çin, Rusiya, Türkmənistan, Ukrayna və Özbəkistandan olan seks alveri qurbanları üçün təyinat ölkəsidir. Əvvəlki illərdə Azərbaycan Mərkəzi Asiyadan İran, Türkiyə və BƏƏ-yə seks alveri qurbanları üçün tranzit ölkə kimi istifadə olunub.^[9]

2005-ci ildə qəbul edilmiş "İnsan alverinə qarşı mübarizə haqqında" Qanun və Cinayət Məcəlləsinin 144-cü maddəsi (Adam oğurluğu) insan alverini qadağan edir və beş ildən on ilədək həbs cəzası nəzərdə tutur. Hökumət 2017-ci ildə 25 cinsi istismarçı ilə müqayisədə 2018-ci ildə iyirmi altı cinsi istismar hadisəsini araşdırıb və 21 seks alverçisini həbs edib.^[9]

2019-cu ildə ABŞ Dövlət Departamentinin İnsan Alverinə Nəzarət və Mübarizə İdarəsi Azərbaycanın reytinqini 2-ci dərəcəyə ölkəsinə endirib.^[9]

İstinadlar

1. "Azərbaycan Respublikasının İnzibati Xətalar Məcəlləsi". dyp.gov.az (az.). 2018-09-26 tarixində arxivləşdirilib. İstifadə tarixi: 2023-10-25.

   Maddə 524. Fahişəliklə məşğul olma
   Fahişəliklə məşğul olmağa görə — yüz manat məbləğində cərimə edilir.

2. "Azərbaycansayağı seks-turizm: ərəb yayı". JAM news. 12 sentyabr 2017. 2023-05-29 tarixində arxivləşdirilib. İstifadə tarixi: 25 oktyabr 2023.
3. "CİNAYƏT MƏCƏLLƏSİ MADDƏ 214-270". www.rights.az. 2023-06-01 tarixində arxivləşdirilib. İstifadə tarixi: 2023-10-25.
4. "Əxlaqsızlıq yuvaları təşkil etməyə görə cəza sərtləşdirilir". modern.az (az.). 2023-10-25 tarixində arxivləşdirilib. İstifadə tarixi: 25 oktyabr 2023.
5. "Sex workers: Population size estimate – Number, 2016". www.aidsinfoonline.org. UNAIDS. 4 April 2019 tarixində orijinalından arxivləşdirilib. İstifadə tarixi: 21 July 2018.
6. "MATANAT AZIZOVA: PROSTITUTION BECOMES YOUNGER". Turan İnformasiya Agentliyi (ingilis). 27 avqust 2008. 2024-03-30 tarixində arxivləşdirilib. İstifadə tarixi: 2024-03-30.
7. Nfa, Dr Farideh Heyat. Azeri Women in Transition: Women in Soviet and Post-Soviet Azerbaijan (ingilis). Routledge. 2014. ISBN 978-1-136-87170-2.
8. "Protest In Azerbaijani Capital Against Prostitution". Radio Liberty (ingilis). 23 September 2011. 12 April 2019 tarixində arxivləşdirilib. İstifadə tarixi: 15 February 2018.
9. "Azerbaijan 2019 Trafficking in Persons Report". United States Department of State. 17 June 2020 tarixində arxivləşdirilib. İstifadə tarixi: 14 March 2020.Şablon:PD-notice

Xarici keçidlər