Botriogen

Botriogen
Ümumi məlumatlar
Kateqoriya	Mineral
Formul (təkrarlanan vahid)	MgFe³⁺(SO₄)₂(OH)·7H₂O
Strunz təsnifatı	VI/D.04a[1]
Vikianbarda əlaqəli mediafayllar

Botriogen – MgFe³⁺ [OH|(SO₄)₂] •7H₂O - monoklinik sinqoniya. Rast gəlmə tezliyi şkalası: nadir.

Növ müxtəliflikləri

Sinkbotriogen.

Xassələri

Rəng – açıq-narıncıdan tünd narıncı-qırmızıyadək; Mineralın cizgisinin rəngi – oxra kimi sarı; Parıltı – şüşə; Şəffaflıq – şəffaf, yarımşəffaf; Sıxlıq – 2,14; Sərtlik – 2-2,5; Kövrəkdir; Ayrılma – {010} üzrə mükəmməl; {110} üzrə orta; Sınıqlar – qabıqvarı; Morfologiya – kristallar: prizmatik; Mineral aqreqatları: salxım- və böyrəkvari aqreqatlar, şualı quruluşlu sferolitlər, qabıqlar.

Botriogen, Bülüldüz filiz təzahürü, Laçın rayonu

Mənşəyi və yayılması

Arid vilayətlərdə sulfid yataqlarının oksidləşmə zonasında əmələ gəlir. Birlikdə rast gəldiyi minerallar: kopiapit, gips, amarantit, xalkantit və b. Mineralın tapıldığı yerlər: Çukikamata, Ketenya, Alkaparosa (Çili); San-Xuan (Argentina); Kaliforniya ştatında Knoksvill yaxınlığında, Pensilvaniya ştatında Kornuoll (ABŞ); Falun (İsveç) və b. Azərbaycanda Bülüldüz sulfid təzahüründə (Laçın rayonu) rast gəlir.

İstinadlar

1. Strunz K. H., Tennyson C. Mineralogische Tabellen : Eine Klassifizierung der Mineralien auf kristallchemischer Grundlage, mit einer Einfuhrung in die Kristallchemie. 8 Leypsiq: Akademische Verlagsgesellschaft, 1982.

Mənbə

• "Azərbaycan mineralları" // Bakı, "Nafta-Press" nəşriyyatı, 2004

Xarici keçidlər

• Botryogen