CNET

CNET
Loqonun şəkli
URL cnet.com
Tipi Xəbər saytı
Açılma tarixi 5 mart 1994
Alexa reytinqi
  • 152 (28 noyabr 2017)[1]
Vikianbarın loqosu Vikianbarda əlaqəli mediafayllar

CNET ("Computer Network" sözünün qısaldılmış versiyası) — qlobal miqyasda texnologiya və istehlak elektronikası ilə bağlı rəylər, xəbərlər, məqalələr, bloqlar, podkastlar və videolar dərc edən amerikan media veb-saytı. CNET, internet televiziya şəbəkəsi olan CNET Video və onun podkast və bloq şəbəkələri vasitəsilə yeni media yayımlama üsullarını tətbiq etməzdən əvvəl ilkin olaraq radio və televiziya məzmununu öz internet saytında təqdim edirdi.

1992-ci ildə Halsi Minor və Şelbi Bonni tərəfindən əsası qoyulmuşdu və CNET Networks-ün flaqman brendi idi. 2008-ci ildə həmin bölmənin CNET Networks-ü alması ilə CBS Interactive brendinə çevrildi.[2][3] 30 oktyabr 2020-ci ildən Red Ventures-a məxsusdur.[4]

İngilis dilindən başqa, CNET-in regiona və dilə aid nəşrlərinə çin, fransız, alman, yapon, koreya və ispan dilləri daxildir.

Tarixi

[redaktə | mənbəni redaktə et]

PepsiCo-dan ayrıldıqdan sonra Halsi Minor və Şelbi Bonni 1992-ci ildə kompüterlər və texnologiya ilə əlaqəli 24 saatlıq kabel televiziyası olan c/net-i yaratdılar.[5] Fox Network həmtəsisçisi Kevin Vendl[6] və Disney-in keçmiş əməkdaşı Dan Bakerin[7] köməyi ilə CNET kompüterlər, texnologiya və internet haqqında dörd pilot televiziya verilişi istehsal etdi. CNET TV "CNET Central", "The Web" və "The New Edge"-dən ibarət idi.[8][9] "CNET Central" ilk dəfə ABŞ-də USA Network-də yayımlanmışdır. Daha sonra "The Web" və "The New Edge" ilə birlikdə USA Network-un qardaş şəbəkəsi Sci-Fi Channel-da yayımlanmağa başladı.[8] Daha sonra isə 1996-cı ildə TV.com-da yayımlanmağa başladı. Rayan Sikrest ilk dəfə CNET-də "The New Edge"-nin aparıcısı kimi məşhurluq qazandı.[10]

CNET online 1995-ci ilin iyununda fəaliyyətə başladı.[5] Saytın sahibi olan "CNET Inc." 1996-cı ilin iyulunda ilkin ictimai təklifini həyata keçirdi.[11] 1998-ci ildə "CNET Inc." CollegeEdge təhsil xidmətinin operatoru olan Snap Technologies tərəfindən "CNET Inc." şirkətinin Snap.com domeninə sahibliyi ilə bağlı əmtəə nişanı pozuntusuna görə məhkəməyə verildi, çünki Snap Technologies eyni adlı əmtəə nişanının sahibi idi.[12]

CNET 1999-cu ildən başlayaraq CNBC-də yayımlanan "News.com" adlı başqa bir texnologiya xəbərləri verilişi hazırlamağa başladı.[7] CNET Radio 2001–2003-cü illərdə San-Fransisko Körfəz Bölgəsində, Clear Channel-a məxsus KNEW, Bostonda WBPS və XM Satellite Radio radiokanallarda yayımlanırdı. CNET Radio texnologiya mövzulu verilişlər təqdim edirdi. Kifayət qədər auditoriya cəlb edə bilmədikdən sonra CNET Radio maliyyə problemləri səbəbindən 2003-cü ilin yanvarında fəaliyyətini dayandırdı.[13]

Həmçinin bax

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ Alexa Internet (ing.). 1996.
  2. ↑ "CBS to buy CNET Networks". CNET. May 15, 2008. October 11, 2008 tarixində orijinalından arxivləşdirilib. İstifadə tarixi: May 15, 2008.
  3. ↑ "CBS Corporation completes acquisition of CNET Networks; merges operations into new, expanded CBS Interactive Business Unit". CBS Corporation. June 30, 2008. August 29, 2008 tarixində orijinalından arxivləşdirilib. İstifadə tarixi: June 30, 2008.
  4. ↑ "Red Ventures Announces Closing of Acquisition of CNET Media Group". PR Newswire (ingilis). 2020-10-30. June 8, 2021 tarixində arxivləşdirilib. İstifadə tarixi: 2020-11-06.
  5. ↑ 1 2 Farber, Dan. "Preview: CNET's new, improved look". CNET. 2008-06-24. June 10, 2023 tarixində orijinalından arxivləşdirilib. İstifadə tarixi: 2023-08-10.
  6. ↑ "Digital Hollywood Conference". September 27, 2000. November 3, 2011 tarixində orijinalından arxivləşdirilib. İstifadə tarixi: November 14, 2011.
  7. ↑ 1 2 "About Us". CNET Networks. April 6, 2005 tarixində orijinalından arxivləşdirilib. İstifadə tarixi: June 29, 2007.
  8. ↑ 1 2 "CNET". August 10, 2012 tarixində arxivləşdirilib. İstifadə tarixi: August 4, 2010.
  9. ↑ Entertainment Weekly Arxiv surəti 21 aprel 2009 tarixindən Wayback Machine saytında Arxivləşdirilib aprel 21, 2009, at the Wayback Machine
  10. ↑ Sterling, Christopher H. Biographical Dictionary of Radio. Routledge. 2013-05-13. 321. ISBN 978-1-136-99376-3.
  11. ↑ "CNET press releases". 1997-04-22. 1997-04-22 tarixində arxivləşdirilib. İstifadə tarixi: 2022-09-08.
  12. ↑ Lisa Bowman. "Snap! Crackle! Popped! CNet hit with suit over portal name". ZDNET News. November 21, 1998. May 1, 2011 tarixində arxivləşdirilib. İstifadə tarixi: May 11, 2008.
  13. ↑ "CNet pulls plug on radio program". Silicon Valley / San Jose Business Journal. January 16, 2003. February 17, 2013 tarixində arxivləşdirilib. İstifadə tarixi: June 29, 2007.

Xarici keçidlər

[redaktə | mənbəni redaktə et]