Concu
| Concu | |||
|---|---|---|---|
| Hanqıl : 전주시 | |||
.jpg) | |||
|
|||
| 35°49′19″ şm. e. 127°08′56″ ş. u.HGYO | |||
| Ölkə |
 Cənubi Koreya |
||
| Region | Honam | ||
| Başçı | Kim Sınq Su (김승수) | ||
| Tarixi və coğrafiyası | |||
| İlk məlumat | 757 | ||
| Sahəsi | 206.22 km² | ||
| Mərkəzin hündürlüyü | 50 m | ||
| Saat qurşağı | UTC+09:00 | ||
| Əhalisi | |||
| Əhalisi | 652,392 nəfər | ||
| Sıxlığı | 3,163.6 nəf./km² | ||
| Rəsmi dili | Koreya dili | ||
| Rəqəmsal identifikatorlar | |||
| Telefon kodu | +82 63 | ||
| Poçt indeksi | 560011–561870 | ||
| Digər | |||
| jeonju.go.kr Şablon:Ref-Koreya dili | |||
 Vikianbarda əlaqəli mediafayllar | |||
Concu (Hanqıl:전주) Cənubi Koreyanın ən böyük 16 Şəhərindən biri olub, Şimali Colla vilayətinin mərkəzidir. Bura həm şəhər həm də kənd kimi tanınır. Concu adının hərfi mənası "Mükəmməl bölgə" ( Hanca: 全 (전;con)- mükəmməl, 州 (주;cu)- bölgə) deməkdir. Bura Koreyanın milli yeməklərinə, tarixi binalarına, idman fəaliyyətlərinə, yaradıcı festivallarına görə əsas turizm məzkəzi hesab olunur.
2012-ci il may ayında, UNESCO-nun "Yaradıcı Şəhərlər Şəbəkəsi"-nin bir hissəsi olaraq Concu qastronomiya sahəsində "Yaradıcı Şəhər" olaraq seçilib. Bu şərəflə şəhərin min illərdir nəsildən nəsilə ötürülən ənənəvi ev yeməkləri, fəal ictimai və özəl qida araşdırmaları, istedadlı aşpazları yetişdirmək sistemi və fərqli yemək festivallarına ev sahibliyi etməsi qiymətləndirilir.
Tarixi
[redaktə | mənbəni redaktə et]Bekçe krallığı cənub-qərbi Koreyada,indiki Concunun yerləşdiyi ərazidə yerləşmişdir. İnanılır ki, Concu şəhəri b.e.ə 57-ci ildə bazar şəhəri kimi qurulub.
Concu (Bekçe ilə birlikdə) Şila krallığı və Çinin Tan sülaləsi tərəfindən 660-cı ildə fəth edildi. Qısa müddətə Şila krallığının bir parçası oldu və 685-ci ildə Concu, 9 chu (krallığın əyalət mərkəzi)-dan biri oldu. 889-cu ildən etibarən (artıq vergilər səbəbi ilə) kəndli üsyanları krallıqda geniş vüsət aldı və eyni zamanda həmin vaxtın ən güclü üsyançı liderlərindən biri olan Kyonhvonun qərargahı oldu. 892-ci ildə (və ya 900) Kyonhvon şəhərin adını Vansan olaraq dəyişdirdi və daha sonra Bekçe krallığının paytaxtı olaraq qurdu. Kyonhvon Vansandan, 927-ci ildə Komsungun (Şila krallığının paytaxtı) dağılması və Kral Kyongenin öldürülməsi ilə zirvəyə qalxan Şilaya qarşı səfərə hazırlaşdı. Şilanın tənəzzülü ilə Kyonhvon və Vanq Kon (Koquryo krallığından) yarımadaya nəzarət uğrunda mübarizə apardılar. Amma, Vanq Kon və onun qüvvələri 934-cü ildə sonrakı Bekçeni işğal etdi və 935-ci ildə Concu təslim oldu.
Koquryo rəhbərliyi altında Concu yenidən əyalət mərkəzinə çevirildi, nisbi sabitlik və iqtisadi inkişaf artdı. Buna baxmayaraq, 1182-ci ildə qulların çox ağır işlər görməyə məcbur edilməsindən qəzəblənən kəndlilər, hökumət qoşunlarının köməyi ilə üsyan qaldırır. Lakin, üsyan başladıqdan sonra tez bir zamanda, 40 gün sonra yatırıldı.
1392-ci ildə Coson krallığı Koquryo dövlətini məğlub edib yeni sülalə qurdu və Concu da daxil olmaqla dövlətin bütün mal mülkünü ələ keçirdi. Coson sülaləsi Concunu özlərinin atadan qalma yurdu hesab edirdi. Coson krallığı müddətində Concu yenidən təşkil edilmiş Ceollanın paytaxtı oldu. 1413-cü ildə Concu (digər üç şəhər ilə birlikdə) Concudakı keçmiş Konfutsi akademiyasında hələ də mövcud olan Coson sülaləsinin salnamələrinin qorunması şərəfinə layiq görüldü.
Concu 1894-cü ildə Donqhak kəndli hərəkatı nəticəsində məskunlaşılıb işğal edilmişdir. Köhnə şəhərin qədim divarları Yapon səlahiyyətliləri tərəfindən dağıdılmışdır. Concunun 1925-1949-cu illəri arasında yerli əhalinin sayı 100.000-ə çatanda məşhurluğu artdı. Concuya Metropoliya statusu 1935-ci ildə verildi və şəhər 1949-cü ildə quruldu. Concu Koreya müharibəsi zamanı ön cəbhə deyildi, amma 1953-cü ildə atəşkəsin imzalanması ilə şəhər bombardımana məruz qaldı müharibə zamanı vuruşan sakinlərindən çoxunu itirdi. Concuya 1963-cü ildə müasir sərhədləri və hökumət sistemi verildi. Ondan sonra sürətlə sənayeləşdirildi. Coson dövründən bəri metropol idi, amma 20-ci əsrdə digər bölgələrə nisbətən sənayeləşmə baş vermədi. Concuda sənaye infrastrukturu yoxdur, Koreyanın digər böyük şəhərlərində yerləşən sənaye infrastrukturu, manufaktura, ağır sənaye sahələrinə sahib deyil. Bugün ənənəvi turizm və görməli yerlərin gəzintisi şəhərdə əsas sənaye sahəsidir.
Mədəniyyət
[redaktə | mənbəni redaktə et]
Concu şəhərinin ən məşhur yeməyi concubibimbap (전주비빔밥)-dır. Xaricilər arasinda ən məşhur olan milli yeməklərdən biridir. Concubibimbap hazırlanarkən ilk öncə Düyü və Lobya dana ətinin suyu ilə bişirilir. Bişmiş düyünün ürərinə təzə ərzaqlar qoyulur. Bu ərzaqlara Göbələklər, Yerkökü, Şabalıd, İspanaq, Kahı, yosun, dana əti daxildir. Lakin ərzaqların əlavə edilməsi fəsilə görə dəyişir. Concubibimbapın daxilində müxtəlif tərəvəzlər olduğu üçün sağlamlığa xeyirlidir və xüsusilədə vitamin və minerallarla zəngindir.
Milli Concu Muzeyində Bekçe krallığından günümüzə gəlib çatmış qədim qalıqlar sərgilənir. Milli Concu Muzeyi 1990-cı il okytabrın 26-da açılmışdır. Əsas bina üç daimi eksponat, bir arxeologiya otağı, sənət otağı, folklor otağı və bir xüsusi sərgi otağından ibarətdir.
.jpg)
Concunun mərkəzində Concu Hanok kəndi mövcudur. Burada 800-dən çox ənənəvi hanok (한옥) üslublu evlər var. Həmçinin burada milli çay evləri, suvener mağazaları və çoxlu restoranlar da mövcuddur. Concu Hanok kəndi ətrafındakı müasir şəhərlə güclü şəkildə özünü əks etdirən ənənəvi evləri sayəsində koreyalılar və turistlər arasında məşhurdur. Buna görə Concu Hanok kəndinə gələn turistlərin sayı 2000-ci illərdən bəri kəskin şəkildə artmışdır. Turistlərin sayı 2004-cü ildən 2014-cü ilədək 317 milyon nəfərdən 789 milyon nəfərə qədər artmışdır.
Conqdonq Katolik Kilsəsi 1908-1914-cü illərdə Fransız rahibi Xavier Baudonet tərəfindən inşa edilmişdir. Bu Bizans və Romanesk kilsəsi 288 saylı Koreya Milli Xəzinəsi olaraq təyin edilmişdir. Conqdonq Katolik kilsəsi Cənubi Koreyanın ən mühüm kilsələrindən biri sayılır. Bu kilsə Roma-Bizans məbədidir və 1908-1914-cü illər arasında Victor Louis Poisnel tərəfindən, Fransız keşişi olan François-Xavier Baudounet-in nəzarəti altında inşa edilmişdir.
Concuda 2014-cü ildə Beynəlxalq Sori Festivalı keçirilmişdir və bu bütün dünyada ən yaxşı 25-ci festival sayılır. Concu Beynəlxalq Sori Festivalı (전주 세계 소리 축제) Cənubi Koreyanın ənənəvi musiqsi üçün 2011-ci ildən başlayaraq əsas tədbiridir. Artıq 2012, 2013 və 2014-cü illərdə Songlines Concu Sori Festivalını siyahıda yeganə Asiya festivalı olaraq Dünyanın Ən Yaxşı 25 Beynəlxalq Festivalı sırasına daxil etdi. Concu Sori Festivalının janrına milli musiqi ve dünyəvi musiqilər daxildir. Concu Beynəlxalq Sori Festivalı, hər payızda Collabuk-do Sori İncəsənət Mərkəzində və Collabuk-do-dakı müxtəlif məkanlarda, açıq proqramlar, Uşaqlar üçün Sori Festivalı, Ustalar üçün Master dərsləri və s. kimi müxtəlif proqramlar təşkil olunur.
Bu regiondakı dağlar və parklar yaşıllıq ərazi olduğuna görə açıq havada istirahət üçün populyardır. Concuda tarixi yerlər çoxdur. Şəhərdə zoopark, parklar, Hanquk Milli Universitetinin böyük kampusu və müasir Hanquk Səs və Mədəniyyət Salonu var.
Nəqliyyat
[redaktə | mənbəni redaktə et]Concuda avtobusdan ve taksidən istifadə etmək mümkündür. Buna baxmayaraq turistlərə, bir çox görməli yerlər bir-birinə yaxın olduğu üçün, maraqlı yerləri gəzərək görməkləri məsləhət görülür.
•Concu şəhərinə qatarla getmək: Yongsan stansiyasından Concu stansiyasına qədər yavaş qatarla (Mugunghva) ve yaxud sürətli qatarla (KTX) gedə bilərsiniz. Mungunhva qatarına minsəniz 3 saat ve yaxud 3 saat 30 dəqiqə , KTX qatarına minsəniz 1 saat 30 dəqiqə vaxt çəkir.
.jpg)
• Concudan Hanok kəndinə getmək: Stansiya yaxınlığında CU 7/24 açıq mağazanın qarşısındakı avtobus dayanacağına gedin. Aşağıdakı avtobuslar sizi Hanok kəndinə aparacaq: 12, 60, 79, 109, 119, 142, 508, 513, 536 və 542.
• Concu şəhərinə avtobusla getmək: Seulda Mərkəzi Şəhər Terminalında Concuya gedən bir avtobusa minin. Səhər 5:30-dan gecə yarısına kimi işləyir. Ekspres avtobusların qiyməti 12.800 premium avtobusların qiyməti isə 18.700 vondur. Hər ikisi 2 saat 45 dəqiqə çəkir.
• Concu Terminalından Hanok kəndinə getmək: 5-1 ya da 79 nömrəli avtobusa minin. Hər iki avtobusun da kəndə çatması 15 dəqiqə çəkəcək.
İstinadlar
[redaktə | mənbəni redaktə et][1] Chosun Ilbo. 16 May 2012. Retrieved 23 May 2012.
Schellinger, Paul; Salkin, Robert, eds. (1996). International Dictionary of Historic Places, Volume 5: Asia and Oceania. Chicago: Fitzroy Dearborn Publishers. pp. 195–197.
신형식 (January 2005). A Brief History of Korea, Volume 1. ISBN 9788973006199.
Jeonju Bibimbap [2]