Dubay Möcüzə bağı

Dubay Möcüzə bağı
Məlumatlar
Ölkə	BƏƏ
Saytı	dubaimiraclegarden.com
Xəritədə yeri
Vikianbarda əlaqəli mediafayllar

Dubay Möcüzə bağı (Dubai Miracle Garden) — Birləşmiş Ərəb Əmirliklərinin Dubay şəhərində çiçək bağı. Bağ 2013-cü ildə istifadəyə verilmişdir.^[1] 72.000 kv. m.-dən (780.000 kv. fut) çox ərazini əhatə edir və 50 milyondan çox çiçək və 250 milyon bitkisi olması onu dünyanın ən böyük çiçək bağçasına çevirir.^[2][3]

2015-ci ilin aprel ayında bağ Garden Tourism Award tərəfindən Mosel Mükafatına layiq görüldü.^[4]

İnkişafı

İlk möcüzə bağı layihəsinin konsepsiyası Dubailand və Dubai Properties Group arasında razılaşma əsasında formalaşıb. Layihənin inkişafı iordaniyalı iş adamı Abdel Naser Rahhalın rəhbərlik etdiyi Akar Landscaping and Agriculture Company ^[5] ilə müqavilə əsasında tamamlandı.^[6] Layihənin dəyəri 40 milyon AED (11 milyon ABŞ dolları) olaraq qiymətləndirilmişdir.^[7]

Birinci mərhələnin inkişafı iki ay çəkdi və buna 400 işçi tələb olundu. Layihənin ikinci hissəsi 2013-cü il iyunun ortalarında başlayıb və oktyabrda başa çatdı.^[8] Buraya çiçəkli saat, kəpənək bağı, satış mağazaları və məscid daxildir. Adətən ən ətirli və rəngarəng çiçəkləri nümayiş etdirir, 120 çeşidi olan 150 milyondan çox çiçək, o cümlədən bəziləri heç vaxt Körfəz bölgəsində becərilməmişdir.^[9]

Fəaliyyəti

Dubay Möcüzə bağı ümumiyyətlə hər il oktyabrdan aprel ayına qədər fəaliyyət göstərir, maydan sentyabr ayına qədər bağlıdır. Bağ hər gün səhər saat 9-dan axşam 9-a qədər, bazar ertəsindən cümə gününə qədər, həftə sonları (şənbə və bazar) və bayram günlərində isə səhər saat 9-dan axşam 23.00-a qədər açıq olur.^[10] Bağ yalnız gecə bağlandıqdan sonra suvarılır.

Dubay Kəpənək bağı

2015-ci ildə Dubay Möcüzə bağında dünyanın ən böyük və regionda ilk qapalı kəpənək bağı və 26 növdən 15.000-dən çox kəpənək üçün sığınacaq olan Dubay Kəpənək bağı açıldı.^[11]

Ginnesin Rekordlar kitabı

Dubay Möcüzə bağı 2013-cü ildə dünyanın ən böyük gül bağı elan edildi və Ginnesin Rekordlar Kitabına daxil oldu.^[12]

İstinadlar

1. "Arxivlənmiş surət". 2018-06-29 tarixində arxivləşdirilib. İstifadə tarixi: 2024-10-08.
2. "Arxivlənmiş surət". 2024-06-18 tarixində arxivləşdirilib. İstifadə tarixi: 2024-10-08.
3. "Arxivlənmiş surət". 2024-09-17 tarixində arxivləşdirilib. İstifadə tarixi: 2024-10-08.
4. "Arxivlənmiş surət". 2018-07-25 tarixində arxivləşdirilib. İstifadə tarixi: 2024-10-08.
5. "Arxivlənmiş surət". 2024-10-08 tarixində arxivləşdirilib. İstifadə tarixi: 2024-10-08.
6. "Arxivlənmiş surət". 2024-10-08 tarixində arxivləşdirilib. İstifadə tarixi: 2024-10-08.
7. "Arxivlənmiş surət". 2019-02-20 tarixində arxivləşdirilib. İstifadə tarixi: 2024-10-08.
8. https://web.archive.org/web/20180826004944/http://gulfconstructionworldwide.com/news/15607_Work-on-Miracle-Garden-Phase-Two-begins.html
9. "Arxivlənmiş surət". 2024-09-23 tarixində arxivləşdirilib. İstifadə tarixi: 2024-10-08.
10. "Arxivlənmiş surət". 2024-10-07 tarixində arxivləşdirilib. İstifadə tarixi: 2024-10-08.
11. "Arxivlənmiş surət". 2018-07-25 tarixində arxivləşdirilib. İstifadə tarixi: 2024-10-08.
12. "Arxivlənmiş surət". 2023-02-03 tarixində arxivləşdirilib. İstifadə tarixi: 2024-10-09.

Xarici keçidlər

• dubaimiraclegarden.com — rəsmi saytı