Həkimoğlu - 17 dekabr 2019 - 25 may 2021-ci il tarixlərində yayımlanmış , 2 sezondan ibarət(51 bölüm) türk medikal drama və komediya janrında televiziya serialı[1][2]. Serialın ayrı-ayrı bülümlər üzrə 5 fərqli ssenaristi olmuşdur.
Atəş Həkimoğlu yoluxucu xəstəliklər və nefrologiya sahəsi üzrə məşhur həkimdir. Departamentində diaqnoz qoyulması çətin olan xəstələri özünün seçdiyi nəfərlərdə qurduğu komanda ilə müalicə edir. Həkimoğlu xəstələrinə duyğusal olaraq məsafəli, deyilənlərə yox, elmi sübutlara inanan, tapmacaları sevən, diaqnoz və müalicə məsələlərində qayda və qanunlara laqeydliyi səbəbindən xəstəxana direktoru İpəyi və yaxın dostu onkologiya mütəxəssisi Orhanı tez-tez çətin vəziyyətə salır[3]. Komandanın üzvləri - Mehmet Əli, Zeynəb və Əmrə Həkimoğlunun gözündə yüksələ bilmək üçün yarışırlar.
Seialın bölümləri yeni, eyni zamanda maraqlı xəstəliklər və xəstələr üzərində, onların fərqli həyatları, həkimlərarası münasibətlər üzərində qurulmuşdur.
Serial çəkilişləri İstanbulun Tuzla rayonunda yerləşən Okan Universiteti Xəstaxanasında aparılmışdır[4].
Atəş Həkimoğlu (Timuçin Əsən) - Nefrologiya və infeksion xəstəlikləri üzrə uğurlu mütəxəssis, həkim. Assistant komandasını əsəbləşdirməyi çox xoşlayır.
Orhan Yavuz (Okan Yalabık) - Onkologiya üzrə mütəxəssis. Həkimoğlunu universitetdən bəri tanıyan və elədiklərinə hörmətlə yanaşan tək dostu.
İpək Təkin (Əbru Özkan) - Xəstəxana direktoru və endokrionologiya üzrə mütəxəssisdir. Orhan kimi Həkimoğlunu məktəbdən bəri tanıyan dostudur. Həkimoğlunu əsəbləşdirməyi çox xoşlayır.
Mehmet Əli Çağlar (Kaan Yıldırım) - Həkimoğlunun assistantı, nevroloq. "Memoli" və ya "Dolapdereli" kimi tanınır.