Juba

Juba
ərəb. جوبا‎‎
Doğum tarixi	1978
Fəaliyyəti	Snayper

Juba (1978) — İraq işğalı zamanı 645 ABŞ əsgərini öldürdüyü iddia edilən İraqlı snayperçinin ləqəbi. İraq döyüşü və üsyanlarında iştirak edərək, bir neçə videoda yer almışdır. Bu videolardan ikincisi Juba'nın 37 Amerika əsgərini vurduğunu iddia etdiyini göstərir. Juba'nın həqiqi bir fərd olub-olmaması, çoxsaylı insanlar arasında paylaşılan bir rolun olması və ya bir təbliğat məqsədilə medianın yaratması bilinmir.

Həyatı

"Juba" özü haqqında bunları deyib:

"Qatil deyiləm, insanları öldürməkdən xoşum gəlmir. Lakin işğal etdiyiniz ölkəmi müdafiə edirəm. Sizin snayperin 14 yaşlı Şeymanı öldürməsini heç vaxt unutmayacağam. Ölkəmizə ziyarət üçün gəlsəydiniz sizi öz ölkənizə gülə-gülə yola salardıq. Amma ölkəmizi işğal etdiyiniz üçün sizə yaşatdıqlarınızın eynisini yaşadacayıq. Analarımız öldürülən oğulları üçün ağladılar. Sizin də analarınız ağlayacaq. Hədəfdən yayınmayacağıma söz vermişəm. Övladını itirən hər ana üçün 1 güllə…"

Ölümü

Onun haqqında hər il ölməsi barədə məlumatlar yayılır. Lakin "Juba"nın harda olması və ya ölməsi barədə rəsmi məlumat yoxdur. Onun haqqında yüzlərlə iddia var. İddialara görə "Juba" 2009-cu ildə öldürülüb. Lakin onun 2008-ci ildə bir çox iraqlıya təlim keçdiyi və həmin əsgərlərin də "Juba" ləqəbi ilə fəaliyyət göstərdiyi bildirilir.

Fəaliyyəti

"Bağdat ovçusu" adı ilə də tanınan "Juba" 645 ABŞ əsgərini öldürdüyü iddia edilir. Öldürdüyü əsgərlərin videosunu çəkib internetə yükləyən "Juba", qatil olmadığını deyirdi.^[1]

Jubanın ilk videosu isə 2005-ci ildə internetə yüklənib. Daha sonra isə o internetə yüzlərlə video belə yükləyib. İnternetə yüklənən dəhşətli görüntülərdən məlum olur ki, "Juba" yalnız 1 dəfə atəş açırmış.

İkinci "Juba" videosu 2006-cı ildə Bağdadın qərbində yayıldı və 2006-cı ilin oktyabr ayının sonlarında İnternetdə yayımlandı. Videoda Bağdad snayper bölməsinin ehtimal olunan komandiri ilə reportaj yer aldı, görüntülərdə snayperçinin istifadəsində çox sayda silahın olduğu göstərilir. Videoda koalisiya qüvvələrindəki snayperçilər tərəfindən ehtimal olunan qorxu müzakirə olunur və snayper missiyasından geri dönən "Juba" göstərilir. Videoda, IAI və digər fraksiyaların tərkibində fəaliyyət göstərən onlarla snayperin olduğu iddia edilir və daha çox öyrədildiyi göstərilir.

2007-ci ilin dekabrında "Juba - Bağdad Snayperi 3" internetdə yayımlandı. Videonun istehsal keyfiyyəti əvvəlki buraxılışlarından yaxşılaşdırıldı; video doqquz dildə yayımlandı. 2008-ci ildə "Juba - Bağdad Snayper 4" İnternetdə və veb saytında yayımlandı.

Haqqında yazılanlar

"Juba" o qədər məşhur oldu ki, onun adına kitablar da yazıldı. Bunlardan biri də gənc yazar Hasan Dumanın yazdığı "Juba və görünən şeytanlar" kitabıdır. Hasan Duman kitabın o qədər də asan ərsəyə gəlmədiyini bildirib. Bunun əsas səbəbi isə onun haqqında məlumatın az olmasıdır. Hasan Duman və digər yazarların, araşdırmaçıların onun haqqında müxtəlif fikirləri var. Bəzilərinə görə o bir İsrail agenti, bəzilərinə görə torpağını sevən sadə bir iraqlı, bəzilərinə görə isə xüsusi təlim keçmiş bir İran əsgəridir.^[2]

İstinadlar

1. "Juba ləqəbli snayperçi indi haradadır?". 2023-07-23 tarixində arxivləşdirilib. İstifadə tarixi: 2020-07-30.
2. Teymur. "645 ABŞ əsgərini öldürən "Juba" ləqəbli snayper hardadır?". "Bizim yol" qəzeti (az.). bizimyol.info. 22/03/2015. 2015-03-24 tarixində orijinalından arxivləşdirilib. İstifadə tarixi: 2015-03-23.