Keçəvari pavlovniya

Keçəvari pavlovniya
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Klad: Lamidlər Dəstə: Dalamazçiçəklilər Fəsilə: Pavlovniyakimilər Cins: Pavlovniya Növ: Keçəvari pavlovniya
Beynəlxalq elmi adı
Paulownia tomentosa Steud.
Şəkil axtarışı ITIS   33460 NCBI   39353 EOL   592023

Keçəvari pavlovniya (lat. Paulownia tomentosa) — bitkilər aləminin dalamazçiçəklilər dəstəsinin pavlovniyakimilər fəsiləsinin pavlovniya cinsinə aid bitki növü.

Təbii yayılması

Çində geniş yayılmışdır.

Botaniki təsviri

Hündürlüyü 10–18 m, çətirinin diametri 7–10 m olan, şaxələnmiş budaqlı və enli, sıx çətirli, düz silindrik gövdəli, yarpağı tökülən ağacdır. Yarpaqları üzbəüz düzülüşlü, iri, uzunluğu 30 sm-ə qədər, uzunsaplaqlı, bütöv kənarlı, bəzən üç hissəli və ya dərin dişlidir. İri çiçəkləri zəngvari, bənövşəyi rənglidir, süpürgəvari hamaş çiçək qrupuna yığılmışdır. Meyvəsi çoxsaylı, xırda, qanadlı toxumları olan qutucuqdur. Kök zoğları və toxumlarla çoxaldılır.

Ekologiyası

İşıqsevəndir. Zəngin, məhsuldar, drenajlı torpaqlara tələbkardır. Quraqlığa və çox nəmişliyə dözmür. Qışa davamlıdır.

Azərbaycanda yayılması

Mərkəzi Nəbatət bağında və Dendrologiya İnstitutunda becərilir.

İstifadəsi

Mədəni şəraitdə park və bağlarda becərilir. Bol, mavi-bənövşəyi çiçəkləri, iriyarpaqları bitkiyə dekorativ görünüş verir.

İstinadlar

Həmçinin bax