Kristian Kostov

Kristian Kostov
rus. Кристиан Константинов Костов
Ümumi məlumatlar
Doğum tarixi	15 mart 2000(2000-03-15) (24 yaş)
Doğum yeri	Moskva, Rusiya
Musiqiçi məlumatları
Fəaliyyəti	müğənni, mahnı yazarı^[d], aktyor, model^[d]
Fəaliyyət illəri	2006-cı ildən
Janrlar	pop musiqisi, soul
Musiqi alətləri	piano, gitara
Vikianbarda əlaqəli mediafayllar

Kristian Konstantinov Kostov (bolq. Кристиан Константинов Костов, rus. Кристиа́н Константи́нович Ко́стов; 15 mart 2000, Moskva) — Bolqar-rus-qazax mənşəli Bolqarıstan müğənnisi. O Rusiyanın Golos deti yarışmasının finalçısı, Bolqarıstanın X Factor musiqi yarışmasının isə ikincisi olmuşdur. Kristian "Beautiful Mess" mahnısı ilə Bolqarıstanı 2017 Avroviziya Mahnı Müsabiqəsində təmsil etmişdir.

Həyatı

Kristian Kostov 15 mart 2000-ci ildə Rusiya Federasiyasının Moskva şəhərində anadan olmuşdur. Kristianın atası milliyətcə Bolqar, anası isə Qazaxıstanlıdır. Onun bir qardaşı və bir bacısı var. Kristianın atası hələ uşaq ikən ona bolqar və ingilis dillərini öyrətmişdir.

Musiqi karyerası

2014–2016: Golos deti və X Factor yarışmaları

Kristian Kostov 2014-cü ildə Rusiyanın uşaqlar üçün təşkil etdiyi Golos Deti səs yarışmasında iştirak etmişdir. Dima Bilanın komandasında olan Kristian müsabiqədə finala qədər yüksələ bilmişdir. Rusiyada qazandığı uğurdan sonra Kristian Bolqarıstanda keçirilən X Factor musiqi yarışmasına qatılmış və bu müsabiqədə Kristian göstərdiyi yüksək səviyyəli ifalar sayəsində finalda 2-ci yerə layiq görülmüşdür.

2016-indiki zaman: Avroviziya Mahnı Müsabiqəsi

Kristian Kostov Avroviziya səhnəsində

2016-cı ilin oktyabr ayında Kristian Kostovun debüt sinqlı "Ne si za men" dinləyicilərə təqdim edilmişdir. Mahnı Bolqarıstan sinql siyahılarında 13-cü yerədək yüksələ bilmişdir.

2017-ci ilin mart ayında Bolqarıstanın BNT telekanalı Kristian Kostovun "Beautiful Mess" mahnısı ilə Bolqarıstanı Ukraynanın paytaxtı Kiyevdə keçirilən Avroviziya 2017-də təmsil edəcəyini açıqlanmışdır.^[1] Müsabiqə üçün uzun sürən hazırlıqlardan sonra Kristian 11 may tarixində baş tutan müsabiqənin ikinci yarımfinal mərhələsində 15-ci nömrə altında səhnə almışdır. Nəticədə ifaçı 403 xalla yarımfinalda birincilik əldə etmiş və Avroviziya 2017-nin finalına yüksəlməyə nail olmuşdur. Finalda mahnısını bir daha ifa edən Kristian ümumi nəticədə 26 ölkə təmsilçisi arasında 615 xal toplayaraq, Bolqarıstana 2-ci yeri qazandırmışdır.^[2] Bu Bolqarıstanın Avroviziyadakı ən yüksək göstəricisidir.

2017-ci ilin noyabr ayında Kristian Çinin Sanya şəhərində keçirilən Miss World 2017 gözəllik yarışmasında çıxış etmişdir.

Diskoqrafiya

Sinqllar

Mahnı adı	İl
"Ne si za men"/"You Got Me Girl"	2016
"Beautiful Mess"	2017
"Глубина"
"Ты Мой Огонь"
"The One (I Need You)"	2018

İstinadlar

1. "Bulgaria is a 'Beautiful Mess' in 2017". eurovision.tv. Avropa Yayım İttifaqı. 13 mart 2017. 2017-03-15 tarixində arxivləşdirilib. İstifadə tarixi: 2017-03-18.
2. "Eurovision 2017 Results". Eurovision World. 2017-06-16 tarixində arxivləşdirilib. İstifadə tarixi: 5 noyabr 2017.

Əvvəlki: Poli Genova "If Love Was a Crime"

Bolqarıstan Avroviziya Mahnı Müsabiqəsində 2017

Sonrakı: EQUINOX "Bones"

Xarici keçidlər