Little Simz

Little Simz
ing. Simbiatu Abisola Abiola Ajikawo
Ümumi məlumatlar
Doğum tarixi	23 fevral 1994(1994-02-23) (30 yaş)
Doğum yeri	İslinqton, Böyük London, İngiltərə, Birləşmiş Krallıq
Musiqiçi məlumatları
Fəaliyyəti	müğənni
Fəaliyyət illəri	2010-cu ildən
Janr	hip-hop^[d]
littlesimz.com
Vikianbarda əlaqəli mediafayllar

Little Simz (əsl adı: Simbiatu "Simbi" Abisola Abiola Acikavo; 23 fevral 1994, İslinqton, Böyük London) — əslən Nigeriyadan olan İngiltərə repçisi, müğənni, aktrisa. O, 2022-ci ildə "Ən yaxşı yeni artist" kateqoriyası üzrə "Brit" mükafatı qazanıb.^[1] Eyni il o, "Sometimes I Might Be Introvert" albomuna görə "Merkuri" sahibi olub.^[2]

O, yeniyetmə yaşlarında "Spirit Warriors" və "Youngers" teleseriallarında rol almışdır. Eyni zamanda o, özünün müəllifi olduğu mahnıları SoundCloud və Bandcamp-a yerləşdirirdi. 21 yaşına çatanda artıq dörd miksteyp, beş minialbom və bir studiya albomu çıxarmışdı. Özü də hamısını şəxsi leyblı olan "Age 101 Music" vasitəsilə.

Həyatı

Simbi 23 fevral 1994-cü ildə Şimali Londonun İslinqton borosunda nigeriyalı ailədə doğulub.^[3] Mənşəcə Yoruba xalqındandır.^[4][5][6] Uşaq ikən onun valideynləri ayrılıb. Anası və qardaş-bacıları ilə yaşayıb. Onun 12 və ya 13 yaşı olanda anası ailə problemləri olan uşaqları himayədar kimi qəbul etməyə başlayıb. Onların evinə müntəzəm olaraq yeni uşaqlar gəlib-gedirdilər. Simbi orta təhsilini Highbury Fields School-da alıb.

Hip-hopu ona amerikalı repçi Missi Elliot sevdirib. Yeddi yaşında ikən ona heyran idi. Onun bir artist kimi inkişafında Müqəddəs Merinin Gənclər Klubunun (St Mary's Youth Club) böyük rolu olub.^[7] O, doqquz yaşında orada yaşıdları ilə birgə fristayl edirdi. Deyir "gənclər klubu mənim ikinci evim kimi idi. Dərsdən sonra küçələrdə sülənmək əvəzinə ora gedirdim".

Onun bir vaxtlar maraq dairəsində əsasən rəqs dayanırdı. Bir-birindən fərqli rəqs dərslərinə yazılmışdı.^[8]

Diskoqrafiya

Studiya albomları

• A Curious Tale of Trials + Persons (2015)
• Stillness in Wonderland (2016)
• Grey Area (2019)
• Sometimes I Might Be Introvert (2021)
• No Thank You (2022)

İstinadlar

1. "Little Simz wins Best New Artist at the BRIT Awards 2022 | Proper Music Group" (ingilis). 2022-02-09. 2024-08-04 tarixində arxivləşdirilib. İstifadə tarixi: 2024-11-30.
2. D'Souza, Shaad; Snapes, Laura. "Mercury prize: Little Simz wins for Sometimes I Might Be Introvert". The Guardian (ingilis). 2022-10-18. ISSN 0261-3077. İstifadə tarixi: 2024-11-30.
3. "Little Simz's long path from council estate to Brit awards podium". the Guardian (ingilis). 11 February 2022. İstifadə tarixi: 1 March 2022.
4. Aroesti, Rachel. "Little Simz's long path from council estate to Brit awards podium". The Guardian. 11 February 2022. İstifadə tarixi: 12 February 2022.
5. "Little Simz". Notion (ingilis). 8 January 2020. 8 October 2021 tarixində arxivləşdirilib. İstifadə tarixi: 23 December 2020.
6. Ekanayake, Manu. "Who is… Little Simz?". Red Bull. 10 December 2016. 9 February 2022 tarixində arxivləşdirilib. İstifadə tarixi: 14 January 2017.
7. "Islington rapper Lil Simz destined for big things – Music". Islington Gazette. 20 June 2012. İstifadə tarixi: 22 April 2013.^{[daimi ölü keçid]}
8. "Little Simz". thegentlewoman.co.uk (ingilis). 2024-12-02 tarixində arxivləşdirilib. İstifadə tarixi: 2024-11-30.

Xarici keçidlər