Meqabayt

Baytlarla ölçmə
Onluq			İkilik
Adı	Simvol	Dərəcə	Adı	Simvol		Dərəcə
bayt	B	10^0	bayt	B	bayt	2^0
kilobayt	kB	10^3	kibibayt	KiB	Kbayt	2^10
meqabayt	MB	10^6	mebibayt	MiB	Mbayt	2^20
giqabayt	GB	10^9	gibibayt	GiB	Gbayt	2^30
terabayt	TB	10^12	tebibayt	TiB	TBayt	2^40
petabayt	PB	10^15	pebibayt	PiB	Pbayt	2^50
ekzabayt	EB	10^18	eksbibayt	EiB	Ebayt	2^60
zettabayt	ZB	10^21	zebibayt	ZiB	Ebayt	2^70
yottabayt	YB	10^24	yobibayt	YiB	Ybayt	2^80

Meqabayt (Mb) (ing. megabyte) — 1000 (10³) kilobayta və ya 10⁶ bayta bərabər ölçü vahidi.

Meqabayt rəqəmsal məlumat üçün ölçü vahidi olub, 1000000 bayta bərabərdir. Onun tövsiyə olunan vahid simvolu MB-dir. Meqa vahid prefiksi Beynəlxalq Vahidlər Sistemində (SI) 1000000 (10⁶) kimi təyin olunub. Deməli, bir meqabayt 8 milyon bit informasiyadır.

Bununla belə, kompüter və informasiya texnologiyaları sahələrində tarixən rahatlıq səbəblərindən yaranan digər iki tərif istifadə olunub. Microsoft şirkətinin əməliyyat sistemləri bir meqabaytı 1048576 bayt (2²⁰ B) kimi təyin etmişdir ki, bu da rəqəmsal kompüter yaddaşının arxitekturasına xas olan ikilik say sistemini rahat ifadə edirdi. Lakin beynəlxalq standart olaraq 2²⁰ bayta bərabər ölçü vahidi Mebibayt (MiB) kimi təyin olunur. Burada "Mebi" prefiksi ikilik prefiks olub, 2²⁰ bildirir.