Migel Miramon

Migel Miramon
Şəxsi məlumatlar
Doğum adı Miguel Gregorio de la Luz Atenógenes Miramón y Tarelo
Doğum tarixi 29 sentyabr 1832(1832-09-29)[1]
Doğum yeri
Vəfat tarixi 19 iyun 1867(1867-06-19)[1] (34 yaşında)
Vəfat yeri
Vəfat səbəbi güllə yarası[d]
Partiya
Fəaliyyəti siyasətçi, hərbi qulluqçu
Rütbəsi general
Vikianbarın loqosu Vikianbarda əlaqəli mediafayllar

Migel Qreqorio de la Lus Atenogenes Miramon i Tarelo (isp. Miguel Gregorio de la Luz Atenógenes Miramón y Tarelo; 29 sentyabr 1832[1], Mexiko – 19 iyun 1867[1], Santyaqo-de-Keretaro[d]) — Meksika hərbi və siyasi xadimi, 2 fevral 1859-cu ildən 12 avqust 1860-cı ilə qədər Meksika Prezidenti.

Həyatı

[redaktə | mənbəni redaktə et]

Hərbi məktəbdə təhsil almış, ABŞ ilə müharibədə iştirak etmiş, 1855-ci ildə polkovnik rütbəsi almışdır.[2] Liberallarla qarşıdurmada iştirak etmişdir.[3] 1860-cı ilin dekabrında liberal qoşunlar Mexiko şəhərini işğal edəndə Miramon Kubaya, oradan da Avropaya qaçmışdır. Orada o, III Napoleon ilə Meksikada monarxiya qurmaq məqsədi ilə danışıqlara başlamışdır. Miramon 1863-cü ildə İmperator I Maksimilianın marşalı kimi Meksikaya gəlmişdir. O, 1864–1866-cı illərdə Almaniyada Meksika nümayəndəsi kimi xidmət etmiş, lakin Maksimilian taxtdan əl çəkməyə hazır görünəndə geri qayıtmışdır. Miramon imperatoru döyüşü davam etdirməyə inandırmış və imperator ordusunun komandirlərindən biri təyin edilmişdir. Keretaronu ələ keçirildikdən sonra Miramon Maksimilianla birlikdə tutulmuş[4] və güllələnmişdir.[5]

İstinadlar

[redaktə | mənbəni redaktə et]
  1. ↑ 1 2 3 4 Brozović D., Ladan T. Miguel Miramón // Hrvatska enciklopedija (xorv.). LZMK, 1999. 9272 s.
  2. ↑ Rivera Cambas, Manuel. Los Gobernantes de Mexico: Tomo II (ispan). J.M. Aguilar Cruz. 1873. 555.
  3. ↑ Bancroft, Hubert Howe. History of Mexico Volume V 1824–1861. The Bancroft Company. 1885. 732–734.
  4. ↑ Bancroft, Hubert Howe. History of Mexico VI:1861–1887. New York: The Bancroft Company. 303.
  5. ↑ Bancroft, Hubert Howe. History of Mexico VI:1861–1887. New York: The Bancroft Company. 313–314.