Norbertin Bresslern-Roz

Norbertin Bresslern-Roz
alm. Norbertine von Bresslern-Roth‎
Doğum tarixi 13 noyabr 1891(1891-11-13)[1][2][…]
Doğum yeri
Vəfat tarixi 30 noyabr 1978(1978-11-30)[1] (87 yaşında)
Vəfat yeri
Fəaliyyəti rəssam, qrafika ustası[d]
Vikianbarın loqosu Vikianbarda əlaqəli mediafayllar

Norbertin fon Bresslern Roz (ing. Norbertine von Bresslern-Roth 13 noyabr 1891[1][2][…], Qrats[3] – 30 noyabr 1978[1], Qrats[3]) — avstriyalı rəssam və çap ustası olub.

Həyatı

[redaktə | mənbəni redaktə et]

Norbertin Roz Qratsda anadan olub və orada böyüyüb. Anası Aloisia Roz Vyanadan olan atçılıq məktəbi sahibinin qızı idi. Norbertinin bədii istedadını ibtidai məktəbdə müəllimi aşkar etmişdir. 1909 və 1910-cu ilin yay aylarında o, Münhen yaxınlığındakı heyvan rəssamlığı məktəbində oxuyub. 1911-ci ildə Norbertin Roz Vyana Gözəl Sənətlər Akademiyasında professor Ferdinand Şmutzerin yanında təhsil almaq üçün Qratsı tərk etdi. Şmutzer gənc rəssamın istedadına o qədər heyran oldu ki, o, cəmi bir ildən sonra onu Akademiyadakı emalatxanasına qəbul etdi. Hələ 1912-ci ildə o, doğma şəhərinin ilk fəxri adı olaraq Qrats şəhərinin gümüş medalını aldı. 1916-cı ildə uğurlu rəsm sərgisindən sonra o, müstəqil rəssam kimi özünü göstərmək üçün Qratsa qayıtdı. Birinci Dünya Müharibəsinin sonuna təsadüf edən onun ilk "Norbertin Roz Xüsusi Sərgisi" (1918) ilə doğma şəhəri Qratsda böyük uğur qazandı. Artıq 1920-ci illərdə o, yeni çap prosesi ilə intensiv şəkildə məşğul olan ilk qadınlardan biri idi. 1921-ci ildən 1952-ci ilə qədər o, texnika vasitəsilə çoxsaylı heyvan təsvirləri yaratmışdır. 1928-ci ildə Bresslern-Roz Şimali Afrikaya səyahət edir və bu, onun çoxsaylı heyvan rəsmləri yaratmasına səbəb olur, bəzi işləri tədqiqat xarakteri daşıyırdı. Bundan əlavə, o, uşaq kitablarını, qobelenləri və fil sümüyü üzərində miniatürlər təsvir etmişdir. 1932-ci ildə Norbertin fon Bresslern-Roz "professor" elmi adına layiq görüldü. 1951-ci ildə o, Ştiriya İncəsənət Assosiasiyasının fəxri sədri oldu. 

Anşluss zamanı o, rejimi tənqid edən bəzi şəkillər yaratmışdı. Buna səbəb 1918-ci ildə evləndiyi və nasist qanunvericiliyinə görə "yarı yəhudi" kimi təsnif edilən əri Georq Ritter fon Bresslerndən (1892–1952) boşanmadığı üçün o, özü də "yarı yəhudi" hesab olunurdu.

Yaradıcılığı

[redaktə | mənbəni redaktə et]

Norbertin fon Bresslern-Roz bütün dünyada müasir dövrün ən mühüm heyvan rəssamı kimi qəbul edilir. O, linoqravüraları ilə mütərəqqi qrafika əsərləri yaradıb və bu əsərlərlə artıq sağlığında özünü beynəlxalq incəsənət səhnəsində tanıtdıra bilib.

1952-ci ildə Qratsda onun əsərlərinin sərgisini o vaxt ağlasığmaz sayda — 10.000 adam ziyarət etmişdi.

Joanneum Universalmuseum[4] kolleksiyasında və Viktoriya Milli Qalereyasında və Metropoliten muzeyində Bresslern-Rozun əsərləri yerləşdirilmişdir.

İşləri

[redaktə | mənbəni redaktə et]

Rəsmlər:

  • Sterbender, von Pfeilen durchbohrter Löwe (təxminən 1928)
  • Schneeleopard (1939)
  • Verfolgung (1941)

Çaplar:

  • Windhunde (1925)
  • Blaukehlchen (1922)
  • Leopardenjagd (Leopard Hunt) (1927)[5][6]

Uşaq kitabları:

  • Zooparkım (1944)
  • ABC (Graz, Kienreich, 1946)
  • Die Wiese (1948)
  • Professor Wüsstegern (Kinderbuchreihe)

Mükafatları

[redaktə | mənbəni redaktə et]
  • 1912: alm. Silber-Medaille der Stadt Graz‎ 
  • 1921: Österreichischer Staatspreis 
  • 1934: Ehrenpreis der Stadt Wien 
  • 1936: Österreichischer Staatspreis[7]
  • 1972: Ehrenring der Landeshauptstadt Graz[8]

Sərgiləri

[redaktə | mənbəni redaktə et]
  • 1931 Müasir Avstriya Ağacları və Rəngli çaplar, Bruklin Muzeyi.
  • 26 oktyabr 2016-cı il — 17 aprel 2017-ci il tarixləri arasında Joanneum Universalmuseum Neue Galerie Graz ərazisində rəssamın işinin hərtərəfli retrospektivi sərgiləndi.[9]

İstinadlar

[redaktə | mənbəni redaktə et]
  1. ↑ 1 2 3 4 Norbertine von Bresslern-Roth (nid.).
  2. ↑ 1 2 Norbertine von Bresslern-Roth (ing.). OUP, 2006. ISBN 978-0-19-977378-7
  3. ↑ 1 2 3 4 Blumesberger S. Bresslern-Roth, Norbertine von // Handbuch der österreichischen Kinder- und Jugendbuchautorinnen (alm.). 2014. Vol. 1. S. 168–172. ISBN 978-3-205-78552-1
  4. ↑ "Norbertine Bresslern-Roth - Exhibition | Neue Galerie Graz". www.museum-joanneum.at (ingilis). 25 July 2020 tarixində arxivləşdirilib. İstifadə tarixi: 25 July 2020.
  5. ↑ "Leopard Hunt | Norbertine von BRESSLERN-ROTH | NGV | View Work". www.ngv.vic.gov.au (ingilis). 2021-04-13 tarixində arxivləşdirilib. İstifadə tarixi: 2020-07-25.
  6. ↑ "Leopard Hunting". www.metmuseum.org. 2021-04-13 tarixində arxivləşdirilib. İstifadə tarixi: 2020-07-25.
  7. ↑ "Würdigungspreis des Landes Steiermark für bildende Kunst Preisträgerinnen/Preisträger" (PDF). 2021-04-13 tarixində arxivləşdirilib (PDF). İstifadə tarixi: 2024-03-24.
  8. ↑ "EhrenringträgerInnen der Stadt Graz". 2021-04-13 tarixində arxivləşdirilib. İstifadə tarixi: 2024-03-24.
  9. ↑ "Norbertine Bresslern-Roth - Exhibition | Neue Galerie Graz". www.museum-joanneum.at (ingilis). 25 July 2020 tarixində arxivləşdirilib. İstifadə tarixi: 25 July 2020.

Xarici Keçidlər

[redaktə | mənbəni redaktə et]