Premyer Liqa Qızıl Əlcək (ing.Premier League Golden Glove) — Premyer liqada qol buraxmadan ən çox oyun keçirən qapıçıların qazandığı futbol mükafatıdır. Sponsorluq razılaşmaları nəticəsində, bu mükafat ilk dəfə 2004–05 mövsümündən bu yana hər il "Barclays Qızıl Əlcək" adıyla təqdim olunur. Başlanğıcda, Qızıl Əlcək mükafatı sadəcə bir oyunçu tərəfindən qazanılırdı. Qolsuz oyun sayılarının bərabər olması nəticəsində mükafat, qolsuz oyun sayısının sezon boyu çıxdığı oyun sayısına nisbəti yüksək olan qapıçıya verilirdi.[1] 2013–14 mövsümündən etibarən isə mükafat, qapıçıların çıxdıqları oyun sayısına baxmayaraq, qol buraxmama rokordu bərabər olan qapıçılar arasında paylaşılır.[2]
Qızıl Əlcək mükafatları 2005-ci ildən verilməyə başlamışdır. Bu mükafatı ilk qazanan Petr Çex olmuşdur.[3][4] Qapıçılar arasında ən çox qazananlar isə, dörd mükafatla Co Hart və Petr Çexdir. Hartın mükafatı qazandığı dörd mövsümdə də forma geydiyi Mançester Siti, hal-hazırda mükafatı ən çox qazanan klubdur.[5] Hartın və Çexin dörd mükafatıyla ingilislər və çexlər mükafatı ən çox qazanan millətlər olaraq ilk sırada yer alarkən, onları üç mükafatla ispanlar izləyir. Mükafatı ard-arda üç dəfə qazanan iki qapıçı Pepe Reyna və Co Hart olmuşdur.
Çex, mükafatın ilk dəfə verildiyi 2004–05 mövsümündə 21 oyunda qapısını toxunulmaz saxlayaraq bu mövqedə ən yaxşı nəticəni göstərən qapıçı oldu. Bu sayı 2008–09 mövsümündə Edvin van der Sar tərəfindən yenilənərək[6]Çexin 10 oyun ard-arda qol buraxmama rekordu da Van der Sar tərəfindən 14 oyuna yüksəldildi.[7] Mükafatı ən çox qazanan Hart isə, 2014–15 mövsümündə 14 oyunda qapısını toxunulmaz saxlayaraq ən az sayıda qolsuz oyun keçirərək bu mükafata sahib olan qapıçı ünvanını aldı.[8]Çelsinin qapısını qoruyan Tibo Kurtua 2016–17 mövsümündə bu mükafata sahib oldu.
.jpg)
Braziliya
İspaniya
İngiltərə
Çexiya
Hollandiya
Polşa
.svg){kind=small}
Belçika
