Qreyp-kun

Qreyp-kun
Məlumatlar
Növü Spheniscus humboldti
Cinsiyyəti erkək
Doğum tarixi 16 aprel 1996
Yumurtadan çıxma Hamura zooparkı, Hamura, Tokio, Yaponiya Yaponiya
Ölüm tarixi 12 oktyabr 2017[1]
Ölüm yeri Tobu zooparkı, Miyaşiro, Saytama, Yaponiya Yaponiya
Tanınır anime maketinə bağlılığı

Qreyp (16 aprel 1996 – 12 oktyabr 2017) və ya tanınan adı ilə Qreyp-kun (グレープ君, Qurepu-kun?) – Yaponiyanın Saytama prefekturasının Miyaşiro qəsəbəsində yerləşən Tobu zooparkında saxlanılmış Humboldt pinqvini. 2017-ci ildə buraxılmış "Kemono Friends" animesinin antropomorfik Humboldt pinqvini personajı Hululunun maketinə olan bağlılığı səbəbilə məşhur olmuş, beynəlxalq şöhrət və onlayn fanat bazası əldə etmişdir. Qreyp-kun 2017-ci ilin oktyabrında xəstəlik səbəbilə ölmüşdür.

İlk illəri

[redaktə | vikimətni redaktə et]

Qreyp 1996-cı ildə Tokioda yerləşən Hamura zooparkında yumurtadan çıxmışdır.[2] İdentifikasiya məqsədilə qanadına yerləşdirilmiş bənövşəyi halqa səbəbilə "üzüm" mənasına gələn sözlə adlandırılmışdır. "-kun" suffiksi yapon dilində oğlanlar üçün istifadə olunan hörmət şəkilçisidir və erkək ev heyvanları üçün də istifadə olunur. 2006-cı ilin martında yoldaşı Midori ilə birlikdə Saytama prefekturasının Miyaşiro qəsəbəsində yerləşən Tobu zooparkına transfer olunmuşdur.[3][4]

Midori və Qreyp-kunun birlikdə balası olsa da, zoopark rəhbərliyi balanı valideynlərdən ayırmışdır. Bu hadisənin Qreyp-kun ilə Midori arasındakı əlaqəyə təsir etdiyi güman olunur. On il birlikdə olduqdan sonra Midori Qreyp-kunu daha gənc pinqvin üçün tərk etmişdir. Bu hadisədən sonra Qreyp-kun sərgiləndiyi məkandakı digər bütün pinqvinlər tərəfindən rədd edilmiş və vaxtının çoxunu koloniyadan təcrid olunmuş vəziyyətdə keçirməyə başlamışdır.[3][5][6]

Anime personajına bağlılığı

[redaktə | vikimətni redaktə et]

2017-ci ilin aprelində Tobu zooparkının rəhbərliyi ziyarətçi cəlb etmək üçün "Kemono Friends" anime serialındakı personajlara aid 60 maketi zooparkda yerləşdirmişdir.[7] Bu, həm də heyvanlar haqqında daha çox məlumat vermək üçün nəzərdə tutulmuş kampaniyanın bir parçası idi. Qreyp-kunun saxlanıldığı məkanda yerləşdirilmiş maket antropomorfik Humboldt pinqvini olan Hululuya aid idi.[8]

Qreyp-kun saatlarla maketə baxmağa başlamış, hətta maketin yerləşdirildiyi hündür qayaya dırmaşmağa çalışmışdır.[7] Zoopark işçiləri yaxınlıqdakı hovuza düşməsinin qarşısını almaq üçün onu maketdən ayırmışdırlar.[7][8] KİV əməkdaşları Qreyp-kunun Hululuya "aşiq olduğunu" elan etmişdirlər.[4][7][8][9] Tezliklə zoopark Qreyp-kunun sevgisi ilə münasibətini əks etdirən "Qreypi sevmək" adlı içki yaratmışdır.[4]

Qreyp-kunun maketə olan bağlılığını ona şöhrət və internetdə qlobal fanat bazası qazandırmışdır.[4][7][8] Hululunun seyyusu İkuko Çikuta pinqvinlər haqqında maarifləndirici tədbir çərçivəsində Qreyp-kunu ziyarət etmişdir.[8] Qreyp-kuna həsr olunmuş festivalın keçirilməsi planlaşdırılmış, lakin oktyabrda onun sağlamlığı pisləşməyə başlamışdır. O, bir pinqvin üçün xeyli qoca idi. Zoopark rəhbərliyi 12 oktyabrda Qreyp-kunun öldüyünü açıqlamışdır.[9] Zoopark işçiləri onun şərəfinə kiçik məbəd yaratmış, bir neçə qonaq onun saxlanıldığı yerə güllər qoymuşdur.[1][9] Sosial media istifadəçiləri onun ölümünü #grapekun heşteqi ilə yad etmiş, Qreyp-kun və Hululunu birlikdə təsvir edən illüstrasiyalar hazırlamışdırlar.[1] 2018-ci ilin yanvarında zoopark rəhbərliyi pinqvinlərin saxlanıldığı yerdə Hululu və Qreyp-kunu yan-yana təsvir edən yeni maket yerləşdirmişdir.[10]

Qalereya

[redaktə | vikimətni redaktə et]
  • Qreyp-kunun ölümündən sonra onun üçün qoyulmuş çiçəklər.
    Qreyp-kunun ölümündən sonra onun üçün qoyulmuş çiçəklər.
  • Qreyp-kun üçün müvəqqəti məlumat lövhəsi.
    Qreyp-kun üçün müvəqqəti məlumat lövhəsi.

İstinadlar

[redaktə | vikimətni redaktə et]
  1. ↑ 1 2 3 "Romantic penguin dies, with object of desire by its side". The Straits Times. Agence France-Presse. 15 October 2017. 4 dekabr 2017 tarixində arxivləşdirilib. İstifadə tarixi: 6 yanvar 2025.
  2. ↑ 東武動物公園からのお知らせ [Notice from Tobu Zoo] (PDF) (Press-reliz). Tobu Zoo. 13 October 2017. 1 December 2017 tarixində orijinalından (PDF) arxivləşdirilib. İstifadə tarixi: 6 yanvar 2025.
  3. ↑ 1 2 Isashi, Keigo; Rachael, Krishna. "This Story About A Penguin Falling In Love With An Anime Cutout Is An Oscar-Worthy Love Story". BuzzFeed News. 22 May 2017. İstifadə tarixi: 6 yanvar 2025.
  4. ↑ 1 2 3 4 Gladwell, Hattie. "Elderly penguin falls deeply in love with an anime cut-out". Metro (ingilis). 23 May 2017. İstifadə tarixi: 6 yanvar 2025.
  5. ↑ Coleman, Alestair. "Japanese zoo mourns anime-loving celebrity penguin". BBC News. 13 October 2017. İstifadə tarixi: 6 yanvar 2025.
  6. ↑ Schwartz, Drew. "Love Is Dead, and So Is the Penguin Who Fell for a Cardboard Cutout". Vice News. 13 October 2017. İstifadə tarixi: 6 yanvar 2025.
  7. ↑ 1 2 3 4 5 Rogers, Jon. "Pick up a penguin? Humboldt bird falls in love with his future waifu placed in his pen". Daily Express. 2 May 2017. İstifadə tarixi: 6 yanvar 2025.
  8. ↑ 1 2 3 4 5 "Penguin Grape-kun meets voice actress of his anime girl 'waifu'". Philippine Daily Inquirer. 21 May 2017. İstifadə tarixi: 6 yanvar 2025.
  9. ↑ 1 2 3 Bayle, Alfred. "Grape-kun, the anime girl-loving penguin, dies; fans mourn loss of a comrade". Philippine Daily Inquirer. 15 October 2017. İstifadə tarixi: 6 yanvar 2025.
  10. ↑ Lasic, Gillan. "Internet famous penguin 'Grape-kun' got reunited with his anime wife as a cardboard cutout". Inquirer.net. 10 January 2018.