Robert Centri

Robert Centri
ing. Robert Gentry
Doğum tarixi 9 iyul 1933(1933-07-09)
Doğum yeri
Vəfat tarixi 28 yanvar 2020(2020-01-28) (86 yaşında)
Elm sahələri Nüvə fizikası
Təhsili

Robert Centri (9 iyul 1933, Çattanuqa[d], Tennessi – 28 yanvar 2020) — Amerikalı nüvə fiziki və polonium radiohalosların Yerin gənc yaşlarda olduğunun sübutu iddiasını irəli sürən alim idi. O , Yeddinci Günün Adventistləri dini təşkilatının üzvü idi.[1]

Karyerası

[redaktə | vikimətni redaktə et]

Centri Florida Universitetində fizika üzrə magistr dərəcəsi alıb və sonra müdafiə sənayesində nüvə silahlarının hazırlanması sahəsində çalışıb. 1959-cu ildə televangelizmin təsiri altında o, adventist və sərt kreasionizmin tərəfdarı oldu. Daha sonra o , Corciya Texnologiya İnstitutunda doktoranturaya daxil oldu, lakin Yerin yaşı ilə bağlı dissertasiya mövzusunun imtina edilməsindən sonra təhsilini yarımçıq qoydu. Bu zaman o, əmin idi ki, radiohalo Yerin yaşını təyin etmək üçün "açar" ola bilər. O, evdə kiçik mikroskopdan istifadə edərək, öz nəticələrini nüfuzlu elmi jurnallarda dərc edərək evdə bu mövzu üzərində işləməyə davam etdi. 1969-cu ildə Centri Merilend ştatında Adventist Kolleci ilə əlaqəli olarkən, Oak Ridge Milli Laboratoriyası radio haloları üzərində işinin fövqəlağır elementlərin kəşfinə səbəb ola biləcəyi ümidi ilə ona öz avadanlıqlarından qonaq alim kimi istifadə etməyi təklif etdi.[2]

İddia və tənqid

[redaktə | vikimətni redaktə et]

Centrinin digər kreasionistlərlə daşqın geologiyasının bəzi məsələlərində ciddi fikir ayrılığı var idi. Adventistlər də daxil olmaqla bəzi kreasionistlər onun işini tənqid ediblər. 1970-ci illərin sonlarında Centri elmi ictimaiyyətə meydan oxudu. Lakin elmi ictimaiyyət onun fikirlərini qəbul etmədi.

Centri öz fikrindən vaz keçməyib elmi işini daha da inkişaf etdirdi və 2001-ci ildə onun on məqaləsi ArXiv.org serverindən silindikdən sonra Los Alamos Milli Laboratoriyasını və Kornell Universitetini məhkəməyə verdi. Lakin 23 mart 2004-cü ildə Gentrinin ArXiv- ə qarşı iddiası Tennessi məhkəməsi tərəfindən rədd edildi.

Onun özünü nəşr etdirdiyi " Yaradılışın Kiçik Sirri "[3] adlı kitabı geoloq Qreq Uilkerson tərəfindən nəzərdən keçirilmişdir (ing. Gregg Wilkerson ) və o, bir sıra məntiqi səhvləri ehtiva etdiyini qeyd edərək, kitabın müasir geologiya elmi haqqında dezinformasiya mənbəyi olduğunu və faktı şərhlə qarışdırdığı qənaətinə gəlmişdir. O, həmçinin kitabda kifayət qədər avtobioqrafik materialın olduğunu qeyd etdi və həmçinin qeyd etdi ki, "ümumiyyətlə, mən düşünmürəm ki, pedaqoqlar bu kreasionist sızıltını oxuyub qiymətli vaxtlarını itirsinlər".

Tarixçi Ronald Nambersə görə, "elmi ictimaiyyətdə onun etinasızlığı özünəməxsus fikirlərindən daha çox qıcıqlandırıcı üslubu ilə bağlıdır".[4]

Seçilmiş nəşrlər

[redaktə | vikimətni redaktə et]
  • Gentry, Robert V. Fossil Alpha-Recoil Analysis of Certain Variant Radioactive Halos // Science . 160 (journal) (ingilis). № 3833. — 1968. — 14 iyun. doi:10.1126/science.160.3833.1228. PMID 17818744.
  • Gentry, Robert V. Giant Radioactive Halos: Indicators of Unknown Radioactivity? // Science . 169 (journal) (ingilis). № 3946. — 1970. — 14 avqust. doi:10.1126/science.169.3946.670. PMID 17791843.
  • Gentry, Robert V. Radiohalos in a Radiochronological and Cosmological Perspective // Science . 184 (journal) (ingilis). № 4132. — 1974. — 5 aprel. doi:10.1126/science.184.4132.62. PMID 17734632.
  • Gentry, Robert V.; T. A. Cahill, R. G. Flocchini, N. R. Fletcher, H. C. Kaufmann, L. R. Medsker, and J. W. Nelson. Evidence for Primordial Superheavy Elements // Physical Review Letters . 37 (journal) (ingilis). № 1. 1976. doi:10.1103/PhysRevLett.37.11.

İstinadlar

[redaktə | vikimətni redaktə et]
  1. ↑ "Published Papers of Dr. Robert V. Gentry". www.robertvgentry.com. 2023-11-15 tarixində arxivləşdirilib. İstifadə tarixi: 2023-11-15.
  2. ↑ "ORNL in the Chemistry Division as a Guest Scientist". www.researchgate.net. 2023-11-15 tarixində arxivləşdirilib. İstifadə tarixi: 2023.11.16.
  3. ↑ "Gentry's Tiny Mystery Unsupported by Geology | National Center for Science Education". ncse.ngo (ingilis). 2022-05-12 tarixində arxivləşdirilib. İstifadə tarixi: 2023-11-15.
  4. ↑ Ronald Numbers. The Creationists: From Scientific Creationism to Intelligent Design, Expanded Edition. Издательство Гарвардского университета|Harvard University Press. 2006. 280–282. ISBN 0674023390.

Xarici keçidlər

[redaktə | vikimətni redaktə et]