Sandra Meyson

Sandra Prunella Meyson
ing. Sandra Prunella Mason
Barbadosun Prezidenti
30 noyabr 2021 – h.h
Əvvəlki	vəzifə təsis edilib
Barbadosun general-qubernatoru
8 yanvar 2018 – 30 noyabr 2021
Əvvəlki	Elliot Belqreyv Filip Grivz (müvəqqəti)
Sonrakı	vəzifə ləğv edilib
Barbados Ali Məhkəməsinin Apellyasiya Məhkəməsinin hakimi
2008 – 2018
Şəxsi məlumatlar
Doğum adı	Sandra Prunella Mason
Doğum tarixi	17 yanvar 1949(1949-01-17) (75 yaş)
Doğum yeri	Sent-Filip, Barbados
Fəaliyyəti	hakim, siyasətçi
Uşağı	1
Vikianbarda əlaqəli mediafayllar

Sandra Prunella Meyson (ing. Sandra Prunella Mason; 17 yanvar 1949, Sent-Filip^[d]) — Barbados Prezidenti.^[1]

Həyatı

Sandra Prunella Meyson 17 yanvar 1949-cu ildə Barbadosun Sent Filip səmtində anadan olmuşdur. Təhsilini başa vurduqdan sonra 1968-ci ildə Şahzadə Margaret Liseyində müəllimlik etməyə başladı. Ertəsi il Barkleys Bankda katibə olaraq işə başladı. Meyson Keyv Hilldəki Qərbi Hind UUniversitetinin Hüquq Fakültəsinə daxil oldu. Meyson 1973-cü ildə təhsilini başa vurduqda bunu etməyi bacaran ən gənc şəxslərdən biri idi. Barbados Barlar Birliyinin ilk qadın üzvü olaraq 10 noyabr 1975-ci ildə fəaliyyətə başlamaq üçün Vəkillər Kollegiyasına qəbul edildi.^[2]

İlk fəaliyyəti

1975-ci ildən Barkleys Etibarlı İdarəetmədə çalışıb və 1977-ci ilə qədər Barkleysdə müxtəlif vəzifələrdə çalışıb. 1978-ci ildə Meyson Yeniyetmə və Ailə Məhkəməsində hakim vəzifəsində çalışmağa başladı və eyni zamanda QHU-da ailə hüququndan dərs verdi. 1983-cü ildə repetitorluqdan təqaüdə çıxdı və aspiranturaya davam etdi. 1988-ci ildə Meyson Londonda Dövlət İdarəetmə İnstitutu Məhkəmə İdarəetmə ixtisası ilə bitirdi. 1991–1999-cu illərdə BMT-in Uşaq Hüquqları Komitəsində çalışmış, 1993–1995-ci illərdə orada sədr müavini və 1997–1999-cu illərdə isə sədr vəzifələrində çalışmışdır. Meyson 1992-ci ildə Venesuelada səfir kimi xidmət etmək üçün ailə məhkəməsini tərk etdi və bu vəzifəni tutan ilk barbadoslu qadın hakim oldu. 1994-cü ildə Barbadosa qayıtdıqdan sonra Barbados Ali Məhkəməsinə Hakim təyin edildi və 1997-ci ildə Ali Məhkəmənin katibi oldu.^[3]

2000-ci ildə Meyson Uinsor Universitetində Alternativ Mübahisələrin Həlli üzrə təhsilini tamamladı. Barbados Daxili Barlar Birliyinin Kral məsləhətçisi təyin edildiyi 2005-ci ilə qədər Ali Məhkəmənin katibi vəzifəsini davam etdirdi. 2008-ci ildə Meyson apellyasiya məhkəməsi hakimi olaraq and içdi və Barbados Apellyasiya Məhkəməsində çalışan ilk qadın oldu. 2012-ci ildə üç gün ərzində Barbados general-qubernatoru vəzifəsini icra etdi.^[4]

General-qubernator fəaliyyəti

2017-ci ildə Meyson Barbadosun səkkizinci general-ubernatoru vəzifəsinə təyin edildi, müddəti 8 yanvar 2018-ci il tarixindən başladı. Onun təyinatı ilə eyni vaxtda Meyson həmçinin "Müqəddəs Maykl və Müqəddəs Corc" ordeni aldı.^[5]

2020-ci ildə Meyson Baş nazir Mia Mottli hökuməti tərəfindən yazılan Taxt nitqində hökumət siyasətini elan edərkən, Kraliça II Yelizavetanı dövlət başçısı vəzifəsindən kənarlaşdıraraq Barbadosun respublika olacağını bildirdi. Daha sonra onun Barbadosun ilk prezidenti olmaq üçün namizəd kimi irəli sürülməsi, parlamentin iki palatası tərəfindən seçiləcəyi, 30 noyabr 2021-ci ildə vəzifəsinin icrasına başlayacağı gözlənildi.^[6]

Prezident fəaliyyəti

12 oktyabr 2021-ci ildə Meyson Barbadosun ilk prezidenti olmaq üçün Baş nazir Mia Mottli və müxalifət lideri Cozef Aterli tərəfindən namizəd göstərildi. Oktyabrın 20-də o, hər iki palata tərəfindən müxalifətsiz seçildi, baxmayaraq ki, xalq arasında heç bir milli səsvermə keçirilmədi. Meyson Müstəqilliyin 55-ci ildönümündə, 30 noyabr 2021-ci ildə vəzifəyə başladı. O, nominal olaraq baş icraçı direktor və Barbadosda yeganə dövlət başçısı olsa da, praktikada onun rolu daha çox təntənəli xarakter daşıyır, öncəki general-qubernator rolu kimi.^[7]

Nişanları

Milli nişanları

• "Müqəddəs Andrey" ordeni

Birlik nişanları

• "Müqəddəs Maykl və Müqəddəs Geoegi" ordeni
• "Müqəddəs Con Xəstəxanası" ordeni^[8]

İstinadlar

1. "Arxivlənmiş surət". 2017-12-30 tarixində arxivləşdirilib. İstifadə tarixi: 2021-05-04.
2. "Arxivlənmiş surət". 2020-07-26 tarixində arxivləşdirilib. İstifadə tarixi: 2021-05-04.
3. "Arxivlənmiş surət". 2016-03-04 tarixində arxivləşdirilib. İstifadə tarixi: 2021-05-04.
4. "Arxivlənmiş surət". 2015-12-01 tarixində arxivləşdirilib. İstifadə tarixi: 2021-05-04.
5. https://web.archive.org/web/20171227224958/http://www.nationnews.com/nationnews/news/114409/dame-sandra-mason-governor
6. "Arxivlənmiş surət". 2021-09-02 tarixində arxivləşdirilib. İstifadə tarixi: 2022-02-07.
7. "Arxivlənmiş surət". 2021-12-02 tarixində arxivləşdirilib. İstifadə tarixi: 2022-02-07.
8. "Arxivlənmiş surət". 2020-10-22 tarixində arxivləşdirilib. İstifadə tarixi: 2021-05-04.