Tanya Saçdev

Tanya Saçdev
hind. तानिया सचदेव
Tanya Saçdev 2016-cı ildə
Ölkə	Hindistan
Doğum tarixi	20 avqust 1986 (38 yaş)
Doğum yeri	Dehli, Hindistan
Titulu	kişilər arasında beynəlxalq usta (2008)
Son reytinqi	2406 (sentyabr 2022)
Maksimal reytinqi	2443 (sentyabr 2013)
FİDE nömrəsi	5007844
Vikianbarda əlaqəli mediafayllar

Tanya Saçdev (hind. तानिया सचदेव; doğ. 20 avqust 1986, Dehli, Hindistan) — Hindistan şahmatçısı. Qadınlar arasında beynəlxalq qrosmeyster (2005), kişilər arasında beynəlxalq usta (2008). Şahmat şərhçisi kimi də tanınır.

Şahmat karyerası

Tanya Saçdev 20 avqust 1986-cı ildə Dehlidə anadan olub. Şahmat oynamağı 6 yaşında ikən anasından öyrənib.^[1]

1995-ci ildən 2006-cı ilə qədər Hindistanı müxtəlif yaş qruplarında gənclər arasında keçirilən şahmat üzrə dünya çempionatlarında təmsil edib. Burada ən yüksək uğuru 1998-ci ildə U12 yaş qrupunda qazandığı bürünc medal olub.^[2] 2000-ci ildə 14 yaşlı qızlar arasında,^[3] 2002-ci ildə isə gənclər arasında Asiya çempionu olmuşdur.^[4] 2006 və 2007-ci illərdə qadınlar arasında şahmat üzrə Hindistan çempionatının qalibi olub. 2007-ci ildə həmçinin, Tehranda keçirilmiş qadınların şəxsi Asiya çempionatında da qalib olub.^[5]

Tanya Saçdev müxtəlif illərdə qadınlardan ibarət şahmat üzrə Hindistan yığma komandasının heyətində Şahmat Olimpiadalarının, dünya və Asiya çempionatlarının iştirakçısı olub.^[6]

Şəxsi həyatı

Tanya Saçdev 2014-cü ilin noyabr ayında hindistanlı memar Virac Keytariya ilə ailə həyatı qurub.^[7][8]

İstinadlar

1. "Şahmat: Əqlin məhdudiyyətsiz imkanlarının məşqi". Redbull.com. 2022-08-18 tarixində arxivləşdirilib. İstifadə tarixi: 2022-08-18.
2. "World Championship in U18 categories. 25/10-7/11/1998". chess.gr (ingilis). 26 December 2019 tarixində arxivləşdirilib. İstifadə tarixi: 28 January 2016.
3. "Young champions are back". The Hindu. New Delhi. 4 Aprel 2000. 25 December 2018 tarixində arxivləşdirilib.
4. "Deepan and Tania Champs, India sweeps all the titles". 25th Asian Juniors 2002, Sri Lanka (ingilis). Colombo. 25 December 2018 tarixində arxivləşdirilib. İstifadə tarixi: 7 November 2015 – Tripod vasitəsilə.
5. "12th Asian Women Individual Chess Championship 2-12 September , 2007 Tehran/Iran". 2016-03-09 tarixində arxivləşdirilib. İstifadə tarixi: 2017-05-26.
6. "Tania, Sachdev — all time player history". Olimpbase.org. 2022-09-10 tarixində arxivləşdirilib. İstifadə tarixi: 2022-09-10.
7. "Шахматные королевы красоты". Kp.ua. 2022-09-22 tarixində arxivləşdirilib. İstifadə tarixi: 2022-09-19.
8. Bhalla, Ankita. "Chess champ Tania Sachdev ties knot with Viraj Kataria in Delhi". The Times of India (ingilis). 4 November 2014. 22 September 2022 tarixində arxivləşdirilib. İstifadə tarixi: 19 September 2022.

Xarici keçidlər

• FIDE Chess profili
• Tania Sachdev. Chessgames.com  (ing.)
• Tania Sachdev. 365Chess.com  (ing.)