Timebelle

Timebelle
Timebelle qrupunun üzvləri mətbuat konfransında
Əsas məlumatlar
Üslub	Pop
Ölkə	İsveçrə
Şəhər	Bern
Heyət	Miruna Manesku Samuel Forster Emanuel Daniel Andriesku
Keçmiş üzvlər	Rade Miyatoviç Kristof Sieqrist Sandor Török
Vikianbarda əlaqəli mediafayllar

Timebelle — Miruna Manesku (vokalist), Samuel Forster (təbilçi) və Emanuel Daniel Andrieskudan (multi-instrumentalist) ibarət İsveçrəli musiqi qrupu. Rade Miyatoviç (akkordeonçu), Kristof Sieqrist (gitaraçı) və Sandor Török (bassist) qrupun keçmiş üzvləri idi. Qrup ilk yarandığı müddətdə beş musiqiçi oğlandan təşkil edilmişdir və həmin heyət Bern institutunun tələbələri idi. Daha sonra qrupun prodüseri Mihai Aleksandru qrupa vokalist olaraq Rumın mənşəli Miruna Maneskunu əlavə etmişdir. Qrupun adı (Timebelle) Bern şəhərinin əsas görməli yerlərindən olan Sitqlogge saat qülləsindən götürülmüşdür. Qrup İsveçrədə yaransa da, qrupda eyni zamanda rumın, serb və macar üzvlərdə olmuşdur.

Timebelle qrupu İsveçrənin SRF telekanalının Avroviziya üçün təşkil etdiyi Die Entscheidungsshow adlı milli seçim turuna "Apollo" mahnısı ilə qatılmış və nəticədə qalib gəlmişdir. Beləliklə qrup həmin mahnı ilə İsveçrəni Ukraynanın paytaxtı Kiyevdə keçirilən 2017 Avroviziya Mahnı Müsabiqəsində təmsil etmək hüququ qazanmışdır.^[1] Timebelle qrupu 11 may tarixində baş tutan müsabiqənin ikinci yarımfinal mərhələsində 13-cü nömrə altında səhnə almışdır. Nəticədə isə qrup yarımfinalda 97 xalla 12-ci yeri tutaraq, finala adlaya bilməmişdir.

Daha öncə qrup 2015-ci ildə "Singing About Love" mahnısı ilə İsveçrənin Avroviziya üçün milli seçim turunda iştirak etmiş, nəticədə isə ikinci yeri tutaraq, məğlub olmuşdur.

Heyət

Hal-hazırkı üzvlər

• Miruna Manesku (vokalist) (Rumıniyadan)
• Samuel Forster (təbil) (İsveçrədən)
• Emanuel Daniel Andriesku (saksofon, klarinet, piano) (Rumıniyadan)

Keçmiş üzvlər

• Rade Miyatoviç (akkordeon) (Serbiyadan)
• Kristof Sieqrist (gitara) (İsveçrədən)
• Sandor Török (bass) (Macarıstandan)

Diskoqrafiya

Sinqllar

• "Singing about Love" (2015)
• "Desperado" (2015)
• "Are You Ready?" (2015)
• "Apollo" (2017)

İstinadlar

1. "SWITZERLAND: TIMEBELLE TELL US ABOUT THEIR INTERNATIONAL ROOTS AND "SINGING ABOUT LOVE"". Wiwibloggs. 2017-02-06 tarixində arxivləşdirilib. İstifadə tarixi: 5 fevral 2017.

Əvvəlki: Raykka "The Last of Our Kind"

İsveçrə Avroviziya Mahnı Müsabiqəsində 2017

Sonrakı: Zibbz "Stones"

Xarici keçidlər