Toplanmış canavargiləsi

Toplanmış canavargiləsi
Toplanmış canavargiləsi
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Malvids Dəstə: Əməköməciçiçəklilər Fəsilə: Timeleyakimilər Yarımfəsilə: Thymelaeoideae Cins: Canavargiləsi Növ: Toplanmış canavargiləsi
Beynəlxalq elmi adı
	Daphne glomerata Lam.;
EOL	5468300

Toplanmış canavargiləsi (lat. Daphne glomerata) — bitkilər aləminin əməköməciçiçəklilər dəstəsinin timeleyakimilər fəsiləsinin canavargiləsi cinsinə aid bitki növü.

Təbii yayılması

Şərqi Qərbi Türkiyədə, Qafqazda təbii halda yayılmışdır.

Botaniki təsviri

Həmişəyaşıl, hündürlüyü 30 sm-ə çatan, kökü üzdə olan koldur. Budaqları şaxələnmiş, çoxsaylı, cavan zoğları yuxarı qal xandır. Yarpaqları zoğların uclarında sıx yerləşmiş, uzunluğu 3–5 sm və eni 1,5 sm olan, əks-yumurtavari, uzunsovdan lansetvari və ya ellipsvari-lansetvariyədək dəyişir, bünövrəsinə tərəf daralmış, küt və ya ucu biz, iynəli, parlaq, çılpaq, dərili, sıx yaşıl, qısa saplaqlarda yerləşir. Çiçəkləri çox güclü şirin qoxulu, krem rəngli-ağ, 2–6 ədəd qoltuq salxımlarda yerləşərək iri, mürəkkəb, uc başcıqları formalaşdırır. Kasacığın borucuğunun uzunluğu 1,5 sm, nazik, çılpaq, bəzən çəhrayıtəhər, kasacığın əyrisinin diametri 1,5 sm-dək, hissələri uzunsov, kütdür. Çəyirdəkləri çəhrayı və ya qırmızı, ətlidir. İyun-iyul aylarında yarpaqlar açıldıqdan sonra çiçəkləyir.

Ekologiyası

İstiyə, soyuğa, küləyə, quraqlığa davamlıdır. −23 °C şaxtalara dözür.

Azərbaycanda yayılması

Böyük və Kiçik Qafqazda təbii halda yayılmışdır.

İstifadəsi

Yüksək dekorativ bitkidir, mədəni şəraitdə az istifadə edilir.

Sinonimləri

Heterotipik sinonimləri

Daphne comosa Adams
Daphne glomerata var. nivalis K.Koch
Daphne glomerata var. pauciflora Meisn.
Daphne glomerata var. puberula Sosn.
Daphne glomerata var. ziganae Browicz
Daphne imerica K.Koch