Əbdüllətif Camal Rəşid

Əbdüllətif Camal Rəşid
sor. لەتیف ڕەشید
Vəzifədədir
13 oktyabr 2022-ci ildən
ƏvvəlkiBərhəm Saleh
Şəxsi məlumatlar
Doğum tarixi 10 avqust 1944(1944-08-10) (80 yaş)
Doğum yeri
Partiya
Təhsili
Fəaliyyəti siyasətçi, inşaat mühəndisi[d]
Həyat yoldaşı
  • Şanaz İbrahim Əhməd[d]
Dini sünni islam
İmzanın şəkli
Vikianbarın loqosu Vikianbarda əlaqəli mediafayllar

Əbdüllətif Camal Rəşid (ərəb. عبد اللطيف رشيد‎, həmçinin Lətif Rəşid (kürd. لەتيف ڕەشید) kimi bilinir; 10 avqust 1944, Süleymaniyyə, İraq krallığı[d])[1] — iraqlı kürd siyasətçisi və 2022-ci il İraq prezident seçkilərindən sonra İraqın doqquzuncu prezidenti.[2] O, əvvəllər Nuri əl-Maliki hökuməti dövründə su ehtiyatları naziri olub. Bundan əvvəl o, həm İraq Keçid Hökumətində, həm də İraq Müvəqqəti Hökumətində eyni vəzifədə çalışıb. Rəşid Kürdüstan Vətən İttifaqının (KYB) Böyük Britaniyadakı keçmiş mətbuat katibi olub.

2003-cü ilin sentyabrından 2010-cu ilin dekabrınadək su ehtiyatları naziri vəzifəsində çalışan Rəşid suvarma, kommunal və sənaye su təchizatı, hidroenergetika, daşqınlara qarşı mübarizə və bataqlıqların bərpası kimi ekoloji tələblər də daxil olmaqla bir sıra məsələlərə cavabdeh idi.

Həyatı

[redaktə | mənbəni redaktə et]

Rəşid 1944-cü ildə İraqın Kürdüstan bölgəsinin Süleymaniyyə şəhərində yüksək təbəqədən olan kürd ailəsində anadan olub.[3] O, Liverpul Universitetində İnşaat Mühəndisliyi üzrə bakalavr dərəcəsinə (1968) və Mançester Universitetində magistr dərəcəsinə (1973) və mühəndislik üzrə fəlsəfə doktoru (1978) dərəcəsinə malikdir.[3] Liverpul Universitetini bitirdikdən sonra 1969-cu ildə Süleymaniyyə Universitetində müəllim kimi fəaliyyətə başlayıb.[3] İraqa qayıtdıqdan sonra qaynı Cəlal Təlabaninin rəhbərlik etdiyi KYB-nin fəal üzvü olub.

O, Şanaz İbrahim Əhmədlə evlidir və üç uşaq atasıdır.[3]

İstinadlar

[redaktə | mənbəni redaktə et]
  1. ↑ "Curriculum Vitae-Dr. Latif Rashid". atifrashid.iq. 2022-06-29 tarixində arxivləşdirilib. İstifadə tarixi: 2023-11-20.
  2. ↑ "Iraqi parliament elects Abdul Latif Rashid as new president" Arxivləşdirilib 2022-10-15 at the Wayback Machine, Al Jazeera, 13 Oct 2022.
  3. ↑ 1 2 3 4 "Who is Dr. Abdul Latif Rashid". nrttv.com. 2023-01-20 tarixində arxivləşdirilib. İstifadə tarixi: 2023-01-20.