Əliverdi xan

Əliverdi xan
Mirzə Məhəmmədəli bin Şahqulu xan Mirzə Məhəmməd Mədəni
Benqal, Bihar və Orissa nəvvabı
1740 – 1756
Əvvəlki	Sərfəraz xan
Sonrakı	Siracəddövlə
Şəxsi məlumatlar
Doğum tarixi	10 may 1671
Doğum yeri	Dekkan sultanlıqları
Vəfat tarixi	9 aprel 1756 (84 yaşında)
Vəfat yeri	Mürşüdabad^[d], Böyük Moğol imperiyası
Vəfat səbəbi	şiş
Milliyyəti	Azərbaycan türkü
Atası	Şahqulu xan
Ailəsi	Əfşarlar sülaləsi
Dini	Şiə İslam
Hərbi xidmət
Mənsubiyyəti	Böyük Moğol imperiyası
Döyüşlər	Nadir şah Əfşarın Hindistanı ələ keçirməsi
Vikianbarda əlaqəli mediafayllar

Əliverdi xan (ən geci 10 may 1671, Dekkan sultanlıqları – 9 aprel 1756, Mürşüdabad^[d]) — Benqal, Biharа və Orissanın 1740–1756-cı illərdə nəvvabı.

Həyatı

Əliverdi xanın atası Şahqulu xan Mirzə Məhəmməd Mədəni, anası nəvvab Aqil xan Avşarın qızı idi. Avşar elindən çıxmışdılar. Onun əsl adı Mirzə Məhəmmədəli idi. Ailələri şiə məzhəbində idilər. Atası Övrəngzebin oğlu Əzəmşaha xidmət edirdi. Əzəmşah qardaşlarına da orduda rütbə vermişdi. Atalarının vəfatından sonra çox kasıbladılar.

Mirzə Məhəmmədəli və qardaşı Mirzə Əhməd Orissanın söbədarı Şücaəddinin yanında xidmətə daxil oldular. Şücaəddin nəvvab postunu tutandan sonra qardaşların vəziyyəti düzəldi.

1728-ci ildə Şücaəddin Mirzə Məhəmmədəlini Racmahalın föücdarı təyin etdi. Həmin vaxtdan sonra Mirzə Məhəmmədəli Əliverdi xan adlandı. 1733-cü ildə Biharın naib nazimi, naib köməkçisi təyin olundu. 1734-cü ildə Məhəbbət-Cəng ləqəbi aldı. Vəzifə və ləqəbləri artdıqca könlündən hökmüranlıq keçdi. 10 aprel 1740-cı ildə Giriya yaxınlığındakı döyüşdə vəlineməti Şücaəddinin vəliəhdi Sərfraz xanı öldürdü. Beləliklə Bihar və Benqalı nəzarətə götürdü. 3 mart 1741-ci ildə Orissanın naib nazimi və Sərfraz xanın qohumu, bacısının əri Rüstəm-Cəngə qalib gəldi. Orissa da onun hökmranlığı altına keçdi.

İstinadlar

Həmçinin bax

Xarici keçidlər

• Əliverdi xan Arxivləşdirilib 2011-07-01 at the Wayback Machine Banqlapediyada