هپاتیت آ (خالق آراسین‌دا "ساری‌لیق" دئییلیر) ویروسو ان چوخ چیرک‌لی سولاردان کئچدیی اۆچون یای آیلارین‌دا بۇ خسته‌لییه توتولانلارین سایین‌دا حدسیز درجه‌ده آرتیم گؤرونور. یاخشی یویولمامیش تروزدن، هوووز و دنیز سویون‌دان دا هپاتیت آ ویروسونا یولوخما ریسکی داها چوخ‌دور. هپاتیت آ خستلیینین سیمپتوملاری: سولغونلوق، سارالما، حال‌سیزلیق، اورک بولانتی‌سی، تئمپئراتور و سیدیک رنگینین توندلشمه‌سی.
خسته‌لیک‌دن قورونماق اۆچون هکیملر طرفین‌دن اوشاقلارا پئیوندین اوْلونماسی توصیه ائدیلیر. آچیق یئرلرده ساتیلان یئمکلری یئمه‌مک، تمیز سو ایچمک، علین گیگیئناسینا خصوصی دقت ائتمک باش‌لیجا قورونما عامللرین‌دن ساییلیر.
هکیملر بۇ خستلیین ان یاخشی موالیجه‌سینین استراحت ائتمک اوْلدوغونو وورغولاییر. بون‌دان علاوه هکیم طرفین‌دن توصیه ائدیله‌ن پرئپاراتلاری واخت‌لی-واختین‌دا قبول ائتسه‌لر تئز زامان‌دا ساغالماق اولار.
بو گون هپاتیت آ خستلیین‌دن تام قورونمانین ان تأثیرلی یولو پئیوند ائدیلمه‌دیر. پئیوندین قورویوجولوغو ۹۴ – ۱۰۰% اوْلوب تأثیرینی تخمیناً ۲۰ ایل ساخلاییر. بۇ سببله جمعیت‌ده، رئستورانلاردا، حربی حیسه‌لرده، خستخانالاردا، فابریکلرده، اینتئرنات مکتبلرین‌ده، کؤرپه‌لر ائولری‌ده، قوجالار ائویندئ و باشقا تشکیلاتلاردا ایشلیه‌ن بوتون متبخ پئرسونالینین هپاتیت آ اینفئک‌سییاسینی داها اول کئچیریب-کئچیرمدیی معین اوْلونولمالی و پئیوند ائدیلمه‌سی اویغون گؤروله‌نلرین پئیوند ائدیلمه‌سی تعمین ائدیلمه‌لی‌دیر.[۱]