چانقایا کؤشکو

چانقایا کؤشکو
چانقایا کؤشکو
Çankaya Köşkü
	چانقایا کؤشکو (۱۹۳۵)
عومومی بیلگی‌لر
نؤوع	کؤشک
آدرس	ضیاءالرحمان جادده‌سی، چانکایا، آنکارا
اؤلکه	تورکیه
موختصات	39°53′21″N 32°51′52″E / 39.88917°N 32.86444°E
ایندیکی موستأجری	تورکیه بؤیوک میلت مجلیسی باشقانی; (۱۹۲۰–۱۹۲۳); تورکیه جومهور باشقانی; (۱۹۲۳–۲۰۱۴); تورکیه باش‌باخانی; (۲۰۱۴–۲۰۱۸); تورکیه جومهور باشقانی یاردیمجی‌سی; (۲۰۱۸–گۆنۆمۆز)
تیکینتی باشلانیش تاریخی	۱۹. یوز ایلین سوْنلاری
تیکینتی تاماملاشما تاریخی	۱۹۳۲
یئنیلشدیرمه تاریخی	۱۹۸۵
تکنیک بیلگی‌لری
اؤلچو	۱٫۷۷ km²
دیزاین و تیکینتی
مالیک	تورکیه جومهوریتی
معمار	کلمنس هولزمیستر، ودات تک، عاریف حیکمت بی، سیفی آرکان، مصطفی آی‌تؤره

چانقایا کؤشکو یوْخسا چانکایا کؤشکو (آنادولو تورکجه‌سی: Çankaya Köşkü)، تورکیه باشکندی آنکارادا یئرلشن بیر کؤشک دور. کؤشک ۲۰۱۸-جی ایلدن بۇیانا تورکیه جومهور باشقانی یاردیمجی‌سی‌‌نین ایقامت ائتدیگی یئر دیر. آیریجا بۇ کؤشک ۱۹۲۳–۲۰۱۴ ایللری آراسیندا تورکیه جومهور باشقانی‌‌نین ایقامت یئری ایدی.

تاریخی

چانقایا کؤشکونون اوْلدوغو اراضی، ائرمنی تاجیر اوهانس کاسابیانا عایید بیر باغ ایدی. ۱۸۰۰-لۆ ایللرین سوْنوندا ائرمنی تاجیر باغدا کاسابیان کؤشکو آدلانان بینانین اینشاسینی باشلاتدی.^[۱]^[۲] سوْنرالار کؤشکو، آنکارادا زنگین عاییله اوْلان بولقورلوزاده عاییله‌سی کاسابیان‌دان ساتین آلدی. مصطفی کمال آتاتورکون آنکارایا گلیشی آردیندان، محمد رفعت بؤرکچی آدلانان دین آدامی، خالق آراسیندان توْپلادیغی ۴۵۰۰ لیرلیک پول ایله کؤشک آدلانان باغ‌ائوینی بولقورلوزاده توفیق افندی‌دن ساتین آلیب آتاتورکه هدیه اوْلاراق وئردی. آتاتورک ایسه ۱۹۲۰دن ۱۹۳۲-جی ایله دک عاییله‌سی ایله بیرلیکده بۇ کؤشک‌ده یاشادی و اؤلکه‌نی ایداره ائتدی. آتاتورک و عاییله‌سینین یاشادیغی کؤشک چانقایا کؤشکو ایچینده آتاتورک موزه کؤشکو آدلانیر و موزه‌یه چئوریلیب دیر.

کؤشک سوْنرالار ودات تک و عاریف حیکمت بیلر کیمی اۆنلو معمارلارین امگی ایله گئنیشلدی و بۇگۆنکو حالا گلدی. کؤشک اراضی‌سینده ۱۹۳۱-جی ایلده پمبه کؤشک، ۱۹۳۵-جی ایلده جاملی کؤشک، ۱۹۸۶-جی ایلده خیدمت بیناسی و ۱۹۹۹-جو ایلده پیرامیت سالوْنو تیکیلدی. آیریجا ۱۹۴۰-جی ایلده عصمت اینونو جومهور باشقانلیغی دؤورونده آتوم سالدیری‌لارینا قارشی بینانین ۵۰ متر آرخاسیندا بیر سیغیناق اینشا ائدیلدی.^[۳]

ایندیکی دورومو

۱۰ آقوْست ۲۰۱۴ تاریخینده ۱۲-جی تورکیه جومهور باشقانی اوْلان رجب طیب اردوغان، باشقانلیق بیناسی اوْلاراق سئچیلن و ۱۱۵۰دن فازلا اوْتاغی اوْلان آتاتورک مئشه چیفتلیگینده تیکیلن بینانین جومهور باشقانلیغی سارایی اوْلدوغونو آچیقلادی. آیریجا چانقایا کؤشکو ایسه باش‌باخانین یئنی ایقامت یئری اوْلاجاغینی بیلدیردی. باش‌باخان، چانقایا کؤشکونو ساده‌جه مقام و اؤزل دعوت‌لرده ایستیفاده ائدیردی. باش‌باخان یاردیمجیلاری ایسه باش‌باخانلیق مرکزی بیناسیندا قالمایا داوام ائتدیلر.^[۴]

گۆنۆمۆزده ایسه، جولای ۲۰۱۸ تاریخیندن کؤشک، جومهور باشقانی یاردیمجی‌سی طرفیندن رسمی ایقامتگاه اوْلاراق ایستیفاده ائدیلمکده دیر.

قایناقلار

^ Keyzer, Zeynep. "Of Forgotten People and Forgotten Places: Nation-building and the Dismantling of Ankara's Non-Muslim Landscapes" in On Location: Heritage Cities and Sites, ed. D. Fairchild Ruggles. New York: Springer, 2012, p. 174.
^ (دیل:تورکیه تورکجه‌سی) Yalçın, Soner. "Çankaya Köşkü’nün ilk sahibi Ermeni’ydi." Hürriyet. March 25, 2007. Retrieved May 2, 2011.
^ Presidency of the Republic of Turkey: Çankaya Presidential Campus
^ 29 Ekim resepsiyonu yeni Cumhurbaşkanlığı Sarayı'nda.

[books.google.com-1] Keyzer, Zeynep. "Of Forgotten People and Forgotten Places: Nation-building and the Dismantling of Ankara's Non-Muslim Landscapes" in On Location: Heritage Cities and Sites, ed. D. Fairchild Ruggles. New York: Springer, 2012, p. 174.

[hurriyet.com.tr-2] (دیل:تورکیه تورکجه‌سی) Yalçın, Soner. "Çankaya Köşkü’nün ilk sahibi Ermeni’ydi." Hürriyet. March 25, 2007. Retrieved May 2, 2011.

[Cankaya-3] Presidency of the Republic of Turkey: Çankaya Presidential Campus

[4] 29 Ekim resepsiyonu yeni Cumhurbaşkanlığı Sarayı'nda.

[۱]

[۲]

[۳]

[۴]