![]() موسیقی نوْتو | |
![]() میللی مارشی | |
سؤز | احمد جاواد |
---|---|
بستهکار | اوزئییر حاجیبَیاوو |
تصدیق | ۱۹۲۰ |
یئنیدن تصدیق | ۱۹۹۲ |
Audio sample | |
آذربایجان مارشی (لاتین تورکجه: Azərbaycan marşı)، آذربایجان جومهوریتینین رسمی دؤولت هیمنی دیر.[۱]
۳۰ ژانویه ۱۹۲۰-جی ایلده آذربایجان خالق جومهوریتینین ناظیرلر شوراسی جومهوریتین میللی مارشینین حاضیرلانماسی حاقیندا قرار قبول ائتدی و بو مقصدله خالق معاریف ناظیرلیگی طرفیندن یاریشما اعلان ائدیلدی. خالق معاریف ناظیرلیگی دؤولت مارشینین لاییحهسینین شرطلرینی " آذربایجان قزئتینده" دفعهلرله اعلان ائدهرک بیلدیرمیشدی کی، تقدیم ائدیلهجک ان یاخشی دؤولت مارشی لاییحهسینه گؤره ۵۰٫۰۰۰ مانات مۆکافات تعیین ائدیلیر. یاریشما ایشتیراکچیلاری لاییحهلرینی همین ایلین مئی آیینین ۱-دک خالق معاریف ناظیرلیگینین دفترخاناسینا تقدیم ائتمهلی ایدیلر. یاریشمانین نتیجهلری مئیین ۲۸-دک آذربایجان خالق جومهوریتینین ایکینجی ایلدؤنومونه قدر اعلان ائدیلمهلی ایدی. لاکین ۲۸ آوریل ۱۹۲۰-جی ایلده آذربایجانین شوروی قوْشونلاری طرفیندن ایشغالی و خالق جومهوریتینین یؽخؽلیشی آذربایجانین میللی مارشینین قبول اوْلونماسینا ایمکان وئرمهدی.
۲۷ مئی ۱۹۹۲-جی ایلده آذربایجان جومهوریتی باغیمسیزلیغینی یئنیدن قازاندیقدان سوْنرا " آذربایجان جومهوریتینین دؤولت مارشی حاقیندا " قانون کئچیریلدی. قانونا اساساً، ۱۹۱۹-جو ایلده بستهکار اوزئییر حاجیبَیاوو و شاعیر احمد جاواد طرفیندن ترتیب ائدیلمیش "آذربایجان مارشی" آذربایجان جومهوریتینین دؤولت مارشی کیمی تصدیق اوْلونوب قبول ائدیلدی.
آذربایجان جومهوریتی میلی مجلیسینین ۲ مارس ۱۹۹۳-ده وئردیگی قرارلا آذربایجان جومهوریتی دؤولت مارشی حاقیندا اساسنامه تصدیق ائدیلمیشدیر.
۲۰۱۸-جی ایلین نوْوامبریندا میللت وکیلی طاهر کریملی مارشین داواملیلیغینین قیسالدیلماسینی و غملی نوْتلارین ییغیشدیریلماسینی تکلیف ائتدی آمما نتیجهده تکلیف چوْخ یاخشی قارشیلانمادی.[۲]
آذربایجان خالق جومهوریتی دؤنمینده اوزئییر حاجیبَیاوو ایکی مارش یازمیشدیر. اوْنلارین هر ایکیسی ۱۹۶۶-جی ایلده تورکیهلی موسیقیشوناس ائتئم اونگؤروکون طرفیندن آنکارادا نشر ائتدیردیگی "تورک مارشلاری" کیتابیندا چاپ اوْلونموشدور.
لاتین الیفباسیلا (رسمی)
|
سیریلیک الیفباسیلا
|
عرب الیفباسیلا
|
Azərbaycan! Azərbaycan! |
Азәрбајҹан! Азәрбајҹан! |
آذربایجان! آذربایجان! |