آلیس مونرو ـ (اینگلیسجه: Alice Munro) (دوغوم: ۱۰ ژوئیه ۱۹۳۱) کانادالی حیکایه یازیچیسی، ۲۰۱۳-جو ایل ادبیات اوزره نوبل ادبیات اؤدولو (جایزهسی)، بوکئر اؤدولو قازانان، کانادا گئنئرال-قوبئرناتورونون بدیعی ادبیات اوزره اؤدولو، نوبئل موکافاتی لاورئاتی.
آلیس مونرو «کانادانین چئخوفو» کیمی تانینیر. ایندییهدک ۱۳ حیکایه کیتابی و بیر رومانی یاییلیبدیر. حیکایهلرینده کانادانین کیچیک کندلرینده یاشایان اینسانلارین حیاتلاریندان بحث ائدن «مونرو» سئوگی و اؤلوم کیمی موضوعلاری اؤن پیلانا چیخاریبدیر. اونون حیکایهلرینین آنا خطینی قادین موضوعسو: آنا- قیز، قیز- آنا- نوه، آتا- قیز موناسیبتلری تشکیل ائدیر.[۱]
۲۰۱۳ـنجو ایل، ادبیات اوزره نوبل جایزهسینی ۸۲ یاشلی کانادالی یازیچی «آلیس مونرو» قازاندی. آلیس مونرو بۇ جایزهنی قازانان ۱۳ینجی قادین یازیچیدیر. اوندان اؤنجه آلمان یازیچیسی «هرتا مولر» ۲۰۰۹ینجی ایل بۇ موکافاتا لاییق گؤرونموشدور. نوبل ادبیات موکافاتینی وئرن ایسوئچ (سوئد) آکادئمیاسی بۇ موناسیبتله یایدیغی معلوماتدا آلیس مونرونو «مودئرن قیسا حیکایهلر اوستادی» کیمی تقدیم ائتمیش و اونو «مۆعاصیر قیسا حیکایه ژانرینداکی اوستالیغینا گؤره» بۇ مکافاتا لاییق گؤرموشدور.[۱]