یازیچی | روبرت موزیل |
---|---|
اورجینال باشلیق | Der Mann ohne Eigenschaften |
اؤلکه | Austria |
دیل | German |
ژانر | Philosophical novel |
ناشیر | Rowohlt Verlag (German)/ Picador (UK) |
Publication date | 1930–1943 |
Media type | Print (Hardcover & Paperback) |
صفحهلر | 1130 (the core text); 1774 (complete English translation) |
LC Class | PT2625.U8 M3 |
اؤزللیکسیز آدام یوخسا خصوصیتسیز آدام (آلمانجا: Der Mann ohne Eigenschaften؛ ۱۹۴۳ـ۱۹۳۰) اوتریشلی یازیچی، روبئرت موزیل (رابئرت موزیل) طرفیندن اوچ جیلد و فرقلی طرحلرده بیتمهمیش مودئرنیست بیر روماندیر. تیپیک اولاراق ییرمینجی یوز ایلین ان اؤنملی رومانلاریندان بیری اولاراق قبول ائدیلیر.
رومان اوتریش مجارستان ایمپیراتورلوغونون سون گونلرینده میدانا گلن بیر «فیکیر حیکایهسی»دیر، و گئنللیکله اینسانلیق و دویغولارلا باغلی گئنیش بیر واراولوشسال اصللر اوستونده تمثیلی اینجهلمهلره یول آچیر.
احمد جمال طرفیندن «نیتهلیکسیز آدام niteliksiz adam» باشلیغی ایله تورکجهیه چئوریلن کیتابین ایلک باسقیسی ۱۹۹۱ده یاپی کرئدی یایینلاری (YKY) ایش بیرلییی ایله یاپیلمیشدیر. (فارسجایا هله ترجمه اولونماییب).
کیتابین توکجهسینین بیرینجی باسقیسیندا چئویرمنی طرفیندن بو رومان بئله تانیملانیر:
«من نیتهلیکسیز آدامام، سادهجه کیمسه بونون فرقینده دئییل. بوتون یاخشی، بیچیمسل دویغولارا صاحیبم، نئجه داوراناجاغیمی البته بیلیرم، آمما ایچسل اؤزدشلهشمک یوخ.» (1928) موزیل
فرانز کافکا، جیمز جویس و هرمن بروخ ایله بیرلیکده ییرمینجی یوز ایلین رومانینین بؤیوک اوستالاری آراسیندا یئر آلان اوتریشلی یازیچی روبئرت موزیل (1942ـ1880)، 1921 ایللریندن باشلایاراق اؤلونجهیه قدر نیتهلیکسیز آدام اوزرینده همن هر گون چالیشمیش و رومانین ایلک کیتابی 1930دا، اوچونجو کیتابی ایسه 1933ده یاییملانمیشدیر. تاماملانمادان قالان دؤردونجو و سون بؤلومو یاییملانماسی ایسه آنجاق آرادان هاردایسا ییرمی ایله یاخین بیر سوره کئچدیکدن سونرا گرچکلَشهبیلمیشدیر. نیتهلیکسیز آدام، گرچک آنلامدا بیر چاغ و کئچیش دؤنَمی رومانیدیر. یازیچی طرفیندن «ایمپکرالیا» دئیه آدلاندیریلان، گرچکده 19جو یوز ایلین سونوندا و 20جی یوز ایلین باشیندا آرتیق چؤکوش سورهجینه گیرمیش اولان اوتریش ماجاریستان ایمپاراطورلوغونو سیمگهلَین بیر اؤلکهده موزیل، مودئرنیزم سورهجیندهکی بیر توپلومون و بیرئیین توم چالخالانتیلارینی سرگیلهمهیی آماجلار. بو چالخانتیلار، رومانین باش کیشیسی، یعنی «نیتهلیکسیز آدام» اولان اولریخین کیملییینی آراجلیغییلا سرگیلهنیر. اولریخ، بیر آیاغییلا اسکیده، اؤتهکی آیاغییلا یئنیده دورماقدادیر. بوتون سورون، اونون بو کئچیش قونومونون دوغال سونوجو اولان چلیشکیلرین اوستهسیندن گلیب گلمهیهجهیی سوروسوندا اوداقلانیر. نیتهلیکسیز آدام اولریخین کیشیسل چاتیشمالاری آراجلیغییلا آوروپانین بیرینجی دونیا ساواشییلا بیرلیکده باشلایان تینسل چؤکوشونو آنلاتان موزیل، گلهنکسل ترزدن اوزاقلاشاراق، رومانین اولایلاری آنلاتیم هؤرگوسویله ده اوخوجونو شاشیردیر. یاشانان بونالیمی اله آلیش و آختاریش ترزی ایله چاغداش ادبیاتین باش یاپیتلاریندان بیری اولاراق قبول ائدیلیر.