بولشویزم (روس.Большеви́зм) — " اکثریتدن یانا " معناسینی وئرن روسجا سیاسی ترمینی ایفاده ائدن سیاسی ایدئولوژی.
1903-جو ایلده تشکیل ائدیلن روسیه سوسیال دموکرات ایشچی پارتیاسی‌نین ایکینجی کونقره‌‌ینده ولادیمیر لنین و یولیوس مارتوف آراسیندا یئنی قورولماقدا اولان پارتیانین عوضولوک تعریفی اوزرینده باشلایان فیکیر آیریلیغی نتیجه‌سینده فراکسیون‌لارا بؤلونمه‌دن سونرا طرف‌لردن لنین طرفداری قروپ. قورولتایدا لنین طرفدارلاری چوخ اولدوغو اوچون روسجا اکثریت معناسینی وئرن "بولشویک" اولاراق، آزلیقداکی مارتوف طرفدارلاری ایسه "منشویک" اولاراق آدلاندیریلدی. قورولتایدان سونرا ایکی فراکسیون آراسیندا بیرلشمه جهدلری اولسا دا بیرلشمه رئال‌لاشمادی و 1912-جی ایلده قطعی آیری-سئچکی‌لیک یاشاندی. بولشویک‌لر اوکتوبر اینقیلابی ایله ایقتیداری اله آلدیلار و شوروی-نی تأسیس ائتدیلر.
بولشویک‌لر، کوتلوی ایشچی اینقیلابیندا تزار رژیمینی دئویره‌جک مرکزلشمیش و اینتیظاملی بیر پارتیا تشکیل ائتمگه چالیشدیلار. بولشویک‌لر، روس ایشچی‌لرینی عوصیانا آپارا بیله‌جک کوتلوی و صینفی اؤنجوللو موباریز ایشچی‌لر پارتیاسی یاراتماغا چالیشدیلار. بولشویک پارتیاسی لیدر پارتیا اولماسا دا، دموکراتیک مرکزچی‌لیک چرچیوه‌سینده مرکزی کومیته ده تجسّوم اولونان پارتیا رهبرلیگی ایله سیخ علاقه ده ایدی.
منشویک‌لر طرفیندن تطبیق اولونان پارتیا عوضولوگو داها چئویک ایدی و دیگر سیاسی پارتیالارلا داها آسان امکداشلیق ائدیردیلر. بولشویک‌لر ایسه لیبرال پارتیالارلا امکداشلیق ائتمیر، عکسینه دیگر سوسیالیست پارتیالارلا موعین ایتّیفاقلارا گیردی.
بونونلا بیرلیکده، لنین بین‌الخالق قادین‌لار شوراسینداکی چیخیشیندا بولشویزمی "بورژوا دموکراسی‌نین یالانچی‌لیغینی و ریاکارلیغینی اوزه چیخاران و تورپاق، فابریک و اوبیئکت‌لرین خوصوصی مولکیتینی لغو ائتمک اوچون بوتون دؤولت گوجونو مظلوم و ایستیثمارچی کوتله‌لرین الینه توپلایان بیر ایدئولوژی" اولاراق تعیین ائتدی.