![]() | بو مقاله و یا بؤلوم یارادیلیر و یا گئنیش شکلیده گئنیشلندیرمه و یا اساسلی یئنیدن قورما پروسسیندهدیر. سیز ده دییشدیررکن اوْنون قۇرولماسینا کؤمک ائده بیلرسینیز. بو مقاله و یا بؤلوم بیر نئچه گۆن عرضینده رئداکته اوْلونماییبسا، لوطفا بۇ شابلونو سیلین. بو شابلونو علاوه ائدن دییشدیریجی سیزسینیزسه و فعّال شکیلده دییشدیریرسینیزسه ، زحمت اوْلماسا فعّال دییشدیرمه زامانی بۇ شابلونو {{in use}} ایله عوض ائتمهیینیزه اَمین اوْلون. شابلون پارامترلرین ایستیفاده ائتمک اۆچون لینکه کلیکلیین.
بو مقاله سوْنونجو دفعه InternetArchiveBot (دانیشیق | چالیشمالار) طرفیندن دییشدیریلیب ۱۳ آی قاباق. (تایمری یئنیله) |
بيز بۇنو ائده بيلريک! (اینگیلیسجه: We can do it!)، آمریکادا ۱۹۴۳- جو ايلده "وستینق هاوس الکتریک" ده چالیشان ايشچيلرين روحیهسین آرتيرماق اۆچون ج.هووارد ميلر طرفيندن ياراديلميش ساواش دؤورونه عایید بیر پوستردیر. پوسترین عۆموميتله جرالدين هوف آدلی میشیقانلی کارخانا ايشچيسینين خبر آژانسینين آغ-قارا فوتوقرافینا اساسلاندیغی ايديعا اوْلونور. پوستر ایکینجی دونیا ساواشی زامانیندا چوخ آز گؤزه دَییردی. پوستر ۱۹۸۰-جی ايللرده يئنيدن تاپيلدی و گئنيش ميقياسدا بير چوْخ فورملاردا یئنیدن نشر اوْلوندو.[۱] پوستر چوخ واخت "We can do it!" آدلانديريلسا دا، بعضاً "چکيجوۇران روْزی" آدلانديريليردی. ۱۹۸۰.جی ايللرده پوستر فمینیزم و آیری سياسی مسئلهلرين تشويق ائديلمهسينده ايستيفاده اوْلونوردو. شکيل ۱۹۹۴.جو ايلده "اسميتسونيان" ژورنالینين اؤن صفحهسينده و ۱۹۹۹.جو ايلده آمریکانین بيرينجی صينيف پوست مارکی کيمی ايستيفاده اوْلونوب. ۲۰۰۸.جی ايلده پوستر بير نئچه آمریکالی سياستچینین سئچیم کمپئینینین تبلیغاتیندا یئرآلمیشدیر، ۲۰۱۰.جو ايلده ده بیر صنعتچی اوسترالیانين باش ناظيرلیگی مقامینا ایلک دفعه بیر قادين سئچیلمهسینی قۇتلاماق اۆچون ایشه آلمیشدیر. پوستر ميلّی آرشيو و يازيلار ایدارهسيندن ان چوْخ طلب اوْلونان ۱۰ شکيللردن بيريدير..[۱] پوستر يئنيدن تاپيلماسيندان سوْنرا، مۆشاهيدهچيلر چوْخ واخت پوستر، قادين ايشچيلری روحلانديرماق اۆچون مۆحاريبه تلاشلارينا قوْشولماسی جهتده ايشلنديگينی ايديعا ائديرلر. لاکين مۆحاريبه زامانی پوستر، تکجه ۱۹۴۳.جو ايلين فئوریهسینده "وستینق هاوس" کارخاناسینین ایچینده ايستيفاده اوْلونموشدور.[۲] فمينيستلر و باشقالاری پوستری بير چوْخ مۆختليف فوْرملاردا، اوْ جۆمله دن اؤزونو گۆجلدیرمک، سئچیملرده، تبلیغات و کوْمدیلرده ايستيفاده ائتميشدیلر.
ژاپونلولارین پرل هاربر هۆجومولاریندان سوْنرا، آمریکا حؤکومتی ايستحصالچيلاری ساواش آلتلرینی بؤيوک ميقداردا ايستحصال ائتمگه چاغيردی. ۱۹۳۰.جو ايللر عرضينده ايداره و ایشچیلر سندیکالاری آراسيندا ناراضيليق اوْلدوغوندان، بؤيوک کارخانالاردا ايش آتموسفری چوْخ واخت گرگين ایدی. جنرال موتورز (GM) کيمی شيرکتلرين مۆدیرلری گرگينلگی آزالتماق اۆچون ايشچيلری هوسلنديرمک ايستهييردی. جنرال موتورز تئزلیکله ۱۹۴۲-جی ايلده کؤینک قوللارینی چالیشماق اۆچون اۆسته قاتلایان ایشچیلر و مودیرلری بیرلیکده گؤرسدن بير تبليغات پوستری یاراتدی. پوسترده "Together We Can Do It!" (تورکجه. بيز بونو بيرليکده ائده بيلريک!) و "Keep 'Em Firing!" (تورکجه.اونلاری گولله کيمی وۇر!) يازيلميشدي.[۳] بئله پوسترلرين ياراديلماسی، شیرکتلرده موحاريبه احوال-روحيهسینی گۆجلندیریب، تولیداتی آرتيرماق اۆچون لازيم بیر ایش ایدی.
۱۹۴۲-جی ايلده وستینق هاوس الکتریکین مۆحاريبه ايستحصالی علاقهلنديرمه کوميتهسینین تبلیغات آژانسی واسيطهسيله، شيرکتين ايشچيلرينی پوسترده گؤسترمک اۆچون پيتسبورق رسامی ج.هووارد ميلری ایشه چاغیردی.[۱][۴] پوستر پروژهسینين مقصدی، ايشچيلری روحلانديرماق، داوامسيزليغين آزالديلماسی، ایشچیلر ايغتيشاشی و يا کارخانا اعتیصابینين احتيمالينی آشاغی سالماق ايدی. ميلر طرفيندن حاضيرلانميش ۴۲-دن چوخ پوستر هر ايکی هفته دن بير کارخانادا نۆمايش وئریلیب، سونرا نؤوبتله پوستر عوض اوْلونوردو. پوسترلرین اکثريتينده کيشيلر نۆمايش اولونموشدو؛ پوسترلر کيشيلر و خانیملار اۆچون سۆنتی روللاری وۇرغولاييردی. پوسترلرين بيرينده گۆلومسهين بیر کیشی مۆدیری "Any Questions About Your Work? ... Ask your Supervisor." (تورکجه. ايش حاقيندا سواللارينيز؟... نظارتچينيزدن سوْروشون.) سؤزلری ایله تصوير اوْلونموشدو.[۱][۲]
x559 432 م.م اؤلچوسونده اوْلان "We Can Do It!" پوستری ۱۸۰۰ نۆسخه دن آرتيق چاپ ائديلمهميشدير.[۱] ايلکين اولاراق پوستر ايست پيتسبورق، پنسيلوانيا، و اورتاغربی بير نئچه "وستینق هاوس" کارخانالاریندان کناردا گؤرونمهميش، ۱۹۴۳-جو ايل ۱۵ فئوریهدن باشلاياراق ایکی بئش گۆنلوک ايش هفتهسی اۆچون نومايشه قوْیولموشدور.[۱][۵][۶][۷][۸] هدفده اولان کارخانالار " ميکارتا " دان دۆزلمیش فنول رزینی ایله ساواش پاپاقلارینین ايچلیگینی حاضيرلاییردی. کارخانادا چالیشانلارین اکثريتی قادینلاردان اوْلوشوردو و ساواش عرضينده تخميناً ۱۳ ميليون ساواش پاپاغی تولید ائتميشدیلر.[۹] " We Can Do It! " شۆعاری کارخانا ايشچيلری طرفيندن تکجه قادينلارين گۆجلنديريلمهسی کیمی نظرده آلینماميشدير؛ پوسترلر ايداره صلاحيتینين نظارتی، ايشچی قابيلیتی و شيرکتين بيرلیگینین تشويقی کيمی ايستيفاده اولونوردو.[۱] تصویر ایشچیلرین احوال-روحيهسینی آرتيرماق و تولیداتی آزالماقدان ساخلاماق اۆچون اينجه تبليغات کيمی ایشه آلینمیشدیر. شکيلده عکس اولونان قيرميزی، آغ و گۆی پالتار رنگلری، ساواش تولیدلری کوميتهسی طرفیندن وطنسئورلیگی آرتيرماق اۆچون تئز-تئز ايستيفاده اولونان تاکتيکلردان بيری ايدي.[۱۰] Şəkildə əks olunan qırmızı, ağ və mavi geyim rəngləri, korporativ müharibə istehsal komitələrində vətənpərvərliyi artırmaq üçün tez-tez istifadə olunan taktikalardan biri idi.[۱][۲]
ایکینجی دونيا ساواشی دؤورونده "We Can Do It!" پوستری ۱۹۴۲-جی ايلين "Rosie the Riveter" ماهنيسينا و يا نورمن راکولون چکيجوۇران روْزی رسمينه مربوط دئييل ايدی. ساواش دؤورونون فيلملری، درگیلری، شکیللری و پوسترلرینده " روْزی "-نين گؤستريلمهسی ايله قادينلارين بؤيوک ايشچی قۆووهسی اوْلماسینين وطنسئورليک باخيميندان یۇخاری اهميتی وۇرغولانيردی.[۱۱][۱۲] " روْزی " بعضاً فمينيست بیر قادين تصویری کيمی قبول ائديلسه ده، بو تصویرین پیامی هامييا آيدين ایدی. " روْزی " نين پورترهسینين اۆزرينده " بيز بۇنو ائده بيلريک! " سؤزلرینين يازيلماسی تکجه قادينلاردا اؤزونه ایمان دئييل، اوقیانوسون او تاييندا، ائلجه ده آسیادا ميليونلارلا آمريکالینين دؤيوشدويو موحاريبه ده قازانماغا ایمان پیامی گؤندريردی.[۱۰]
راکولون سبوليک " چکيجوۇران روْزی " تصویری آمریکا خزينهدارليق ایدارهسی طرفيندن پوسترلر و موحاريبه ايستيقراضلار تشويق کامپانييالاريندا ايستيفاده اولونموشدور. موحاريبه دن سونرا، مؤليف حوقوقلارينا گؤره راکولون تصویری تدريجاً ايجتيماعی حافیظهدن چيخدی بۇ قورونما اوريژينال رسمين قیمت قازانماسی ايله نتيجهلندی — ۲۰۰۲-جی ايلده بو نقاشی حدوداً ۵ ميليون آمریکا دوللارينا ساتيلدی.[۱۳] بونون عکسینه "We Can Do It! " رسمینين قوْورونماماسی بو رسمینين یئنیدن نشر و چاپ اولماسینا سبب اولوب.[۶]
ايديعا اولونور کی، ميلر "We Can Do It!" پوسترینی ۱۹۴۲-جی ايلده آنن آربور، ميشيقاندا کارخانا ايشچیسی اوْلان ۱۷ ياشلی جرالدين هوفون عکسیندن تقلید ائتمیشدیر.[۱۱][۱۴][۱۵] هوف عکسده متال-یوْنما ماشينی اۆزرينده اَييليب و اللری ايله جيهازی مؤحکم ايداره ائتمهسی تصویر اولونوب.[۱۵] هوفون فوتوقرافی چکیلندن سونرا کارخانا ايشينی ترک ائتميشدير؛ او، متال دامغالاما ماشنين قاباقکی اوپراتورونون الینین يارالاماسينی ائشيتميشدی و ويولونسل چالماق مهارتینی الدن وئرمک ايستميردی.[۱۱] هوف بیر آیری کارخانادا یئنیدن ايشه باشلامیشدی.[۱۶] ميلر پوسترده يئنی تفسير ياراتماق اۆچون هوفون ساغ الينده سيخديغی يومروق، اوْنون سوْل الی ايله ساغ قولونداکی کؤينگين قوْلونو قاتلاماسی کيمی چکميشدير. ميلر هوفون باشينی ایزلهینلره چئويريب، اوْنو داها عضلهلی تصویر ائتدی. او، همچینين اوْنون ياخاسينا "We Can Do It!" امکداش شخصيت نيشانی قويموشدو.[۱][۱۷] هوف بۇ حاقدا هئچ بير شئی بيلميردی؛ اوْ، ميلرين پوستر ياراتماسيندان خبرسيز ايدی.[۱۱] هوف ۱۹۴۳-ده ائولندی و جرالدين دويل اوْلدو.[۱۱]
"We Can Do It!" تاريخچيیسی چارلز آ. روچون سؤزلرينه گؤره، او، رسمين دويلا منسوب اولماسینیا شوبهه ايله ياناشير. او، ميلرين فوتوقرافیندان دئييل، ترسینه جانلی مودللردن ايش ياراتماغی سئويردی."Rosie the Riveter: Women working on the home front in World War II" کيتابینين مؤليفی پنی کولمانين سؤزلرينه گؤره، اوْ و روچ، ميلرين دويل فوتوقرافیندا اوْلوب-اوْلماديغينی موعين ائده بيلمه ميشديلر.[۱۸]
۱۹۸۲-جی ايلده "We Can Do It!" پوستری "Poster Art for Patriotism's Sake" مقالهسی واشینقتونپوست ژورناليندا درج اولونموشدور.[۱۹] دويل ۱۹۸۴-جو ايله قدر "We Can Do It!" پوسترینين مودلی اوْلدوغونو بیلمیردی؛ او، اؤزونو Modern Maturity ژورنالینين مقالهسينده گؤرموشدو.[۲۰] دويل اوّل اؤزونو گؤرمهسه ده، پوسترده اؤزونو تانيميشدی.[۱۴]
سوْنراکی ايللرده، پوستر فمينيزمی تشويق ائتمک اۆچون يئنيدن ایشه آلینمیشدی. فمينيستلر پوستری قادين صلاحيتلرين تجسسومو کيمی گؤروردولر.[۲۱] تاريخ پروفسورو جرميا آکسلرود رسمی قادينليغين کيشيليک کومپوزياسی و بدن ديلی ايله بيرلشمهسی کیمی ايضاح ائتميشدير.[۲۲] " سميتهسونيان " ژورنالی ۱۹۹۴-جو ايل مارس آييندا اوخوجولاری موحاريبه پلاکاتلار حاقيندا مقالهيه جلب ائتمک اۆچون رسمی اؤن صحيفهسينه يئرلشديرميشدی. فئوریه ۱۹۹۹-جو ايلده آمریکا پوست سرویسی رسم اساسيندا، " قادين دستگی موحاريبه جهدلرينده " ايفاده سينی علاوه ائديب، 33 ¢ پوست مارکاسی ياراتميشدير.[۲۳][۲۴][۲۵] ۱۹۴۳-جو ايلين پلاکاتي آمريکا تاريخی میلی موزهسينده، ۱۹۳۰-جو و ۱۹۴۰-جی ايللرين اشيالاری کيمی سرگيلنميشدير.[۲۶]
دويلون رسمله علاقهدار اولدوغوندان مشهورلاشميشدير. او، زامان زامان ميشیقان قادين شؤهرتی زالينا گئديب، پلاکاتلاردا اؤز ايمضاسينی يازيردی. دويلون سؤزلرينه گؤره، اونون گنجليگينده اؤزونون تانينماماسی ياخشی حال ايدی: " من بو قدر هيجانا دؤزه بيلمزديم " .[۱۱]
حال-حاضيردا پوستر ایکینجی دونيا ساواشی زامانیندا موعين اوْلان هدفیندن اوْتایا کئچیب و چوخ یایغین بیر شکیلده تانينميشدیر. پوستر بزکلی کؤینک، دؤیمه، قهوه فینجانی و سویودوجو قاپیسینا یاپیشدیریلان زینتلر کیمی ايشلهنیب، واشينقتون پوست بۇنو واشينقتون شهرینده " ان چوْخ معروض اولونان " یادیگار اشیا آدلانديريب[۱]. ۲۰۰۸جی ايلده آمریکادا سئچکيلری زامانی بوپوستر موختليف منطقهلرده سارا پیلين، رون پول و هیللاری کیلنتونون تبليغاتيندا ايستيفاده ائديلميشدير.[۹]
۲۰۱۰-جو ايل ژوئنینده جوليا قیلارد اوستراليانين ايلک قادين باشناظیری اوْلدوغوندان سونرا، " فونیکس" آدلی ملبورن کوچه رسامی قيلاردين اۆزونو "بيز بونو ائده بيلريک!" پوسترینين قارا-آغ نوسخهسینه يئرلشديرميشدی.[۲۷] Another Magazine ژورنالی همين پوسترین فوتوشکلینی ۲۰۱۰-جو ايل ژولاییندا درج ائتميشدير.[۲۸][۲۹][۳۰] ۲۰۱۱-جی ايل مارسدا "فونیکس" همين رسمين رنگلی نوسخهسینی ياراديب، پوستره "She Did It!" (تورکجه. اۇ، ائتدی!) سؤزلرينی، ۲۰۱۲-جی ايل ژانویهسینده ده موورب شکیلده "Too Sad" (تورکجه. چوخ غمگين) ايفادهسینی آرتيرماقلا اوستراليا سياستينه قارشی مأيوسلوق فيکرينی ايفاده ائتميشدي.[۳۱][۳۲]
Utne Reader ژورنالی مارج سيمپسونو "بيز بونو ائده بيلريک!" ژورنالين ژانویه-فئوریه ۲۰۱۱ نشرينده کوْمدی کيمی درج ائتميشدير.[۳۳] ۲۰۱۱ -جی ايلده کاپیتان آمریکا: بيرينجی قیصاصچی فيلمینين سوْنو اۆچون، "بيز بونو ائده بيلريک!" پوسترینین اۆچ بوعدلو(3D) نوسخهسی ياراديلميشدير.[۳۴]
تبلیغات شوراسینین ايديعاسينا گؤره، پوستر ۱۹۴۲-جی ايلده ساواش تبلیغات کومیتهسی طرفيندن، " ايکی ميليون قادینی " ساواش وسایلی تولید ائتمک ایشینده چالیشماغا تشویق اۆچون ياراديلميشدير.[۳۵][۳۶][۳۷] ۲۰۱۲-جی ايل فئوریهسینده تبلیغات شوراسینین ۷۰.جی ایلدؤنومونون قئید اولماسينا عايد، "Rosify Yourself" (تورکجه. اؤزونو روْزی ائله) آدلی فئيسبوک پلاتفورمو ياراتميشدی.[۳۸] "Today" تلویزیون وئريليشینين ایشچیلری، آپاریجیار مت لويئر و ان کاری " روْزی"لشميش شکيللرينی اؤز سايتينا يئرلشديرميشديلر.[۳۹] لاکين، سیتون هال بیلیمیوردونون پروفسورو جیمز ج.کیمبل و پيتسبورق بیلیمیوردونون پروفسورو لستر ج.ولسونون آراشدارمالارينا گؤره، پوستر نه تبلیغات شوراسی طرفيندن، نه ده ساواش ايستحصال جلب ائتمک اۆچون ياراديلميشدير.[۱]
{{cite book}}
: Unknown parameter |dead-url=
ignored (|url-status=
suggested) (کؤمک)
{{cite journal}}
: |archive-date=
/ |archive-url=
وقت مؤهورونون اۇیغونسوزلوغو (کؤمک)
![]() |
ویکیآمباردا We Can Do It ایله مربوط فایل وار. |